ପ୍ରତ୍ୟର୍ପଣକୁ ଚ୍ୟାଲେଞ୍ଜ କରିପାରିବେ ଅସାଞ୍ଜ

ଲଣ୍ଡନ,୨୧ା୫: ଆମେରିକାକୁ ପ୍ରତ୍ୟର୍ପଣ ବିରୋଧରେ ଓ୍ବିକିଲିକ୍ସ ଓ୍ବେବ୍‌ସାଇଟ୍‌ର ପ୍ରତିଷ୍ଠାତା ଜୁଲିଅନ୍‌ ଅସାଞ୍ଜ ଅପିଲ୍‌ କରିପାରିବେ ବୋଲି ଲଣ୍ଡନର ଏକ ଅଦାଲତ ସୋମବାର ଅନୁମତି ପ୍ରଦାନ କରିଛନ୍ତି। ଫଳରେ ୫୨ ବର୍ଷୀୟ ଅସାଞ୍ଜଙ୍କ ଆଇନଗତ ଲଢ଼େଇ ଆହୁରି ଦୀର୍ଘ ହେବାକୁ ଯାଉଛି। ବ୍ରିଟେନ୍‌ ସରକାରଙ୍କ ପ୍ରତ୍ୟର୍ପଣ ନିର୍ଦ୍ଦେଶକୁ ଚ୍ୟାଲେଞ୍ଜ କରିବାର ସୁଯୋଗ ରହିଛି ବୋଲି ହାଇକୋର୍ଟ ବିଚାରପତି ଭିକ୍ଟୋରିଆ ଶାର୍ପ ଏବଂ ଜେରେମି ଜନ୍‌ସନ କହିଥିଲେ। ପ୍ରାୟ ୧୫ ବର୍ଷ ପୂର୍ବେ ଆମେରିକାର କେତେକ ଗୋପନ ଦସ୍ତାବିଜ୍‌କୁ ଅସାଞ୍ଜ ତାଙ୍କ ଓ୍ବେବ୍‌ସାଇଟ୍‌ରେ ପ୍ରଘଟ କରିବାରେ କମ୍ପ୍ୟୁଟରର ଦୁରୁପଯୋଗ ଅଭିଯୋଗ ସହ ସେ ୧୭ଟି ଗୁପ୍ତଚରଗିରି ଅଭିଯୋଗର ସମ୍ମୁଖୀନ ହୋଇଥିଲେ। ଅଷ୍ଟ୍ରେଲିଆର ଏହି କମ୍ପ୍ୟୁଟର ବିଶେଷଜ୍ଞ ଲଣ୍ଡନସ୍ଥିତ ଇକ୍ୟୁଏଡର ଦୂତାବାସ ଶରଣରେ ୭ ବର୍ଷ ରହିବା ପରେ ୫ ବର୍ଷ ହେଲା ଲଣ୍ଡନର ହାଇସିକ୍ୟୁରିଟି ବେଲମାର୍ଶ କାରାଗାରରେ ରହିଛନ୍ତି।
ଗୁପ୍ତଚର ବୃତ୍ତି ଅଭିଯୋଗରେ ଯଦି ଅସାଞ୍ଜଙ୍କୁ ଆମେରିକା ପ୍ରତ୍ୟର୍ପଣ କରାଯାଏ, ତେବେ ସେଠାରେ ତାଙ୍କୁ ସାମ୍ବାଦିକତା ଅଧିକାରର ସୁରକ୍ଷା ମିଳିବା ଆବଶ୍ୟକ। ଆମେରିକା ଏଥିପାଇଁ ପର୍ଯ୍ୟାପ୍ତ ପ୍ରତିଶ୍ରୁତି ଦେଇ ନ ଥିବା ଅସାଞ୍ଜଙ୍କ ଓକିଲ ଏଡ୍‌ଓ୍ବାଡ ଫିଜ୍‌ଗରାଲ୍ଡ ଅଦାଲତଙ୍କୁ ଜଣାଇଥିଲେ। ଆମେରିକାର ବିଭିନ୍ନ ତଥ୍ୟ ପ୍ରକାଶ କରିବାରେ ଜଣେ ସାମ୍ବାଦିକ ଭାବେ ତାଙ୍କ ଅଧିକାରକୁ ସୁରକ୍ଷା ମିଳିବା ଆବଶ୍ୟକ, ଯେଉଁ ଗ୍ୟାରେଣ୍ଟି ଦେବାରେ ପ୍ରସିକ୍ୟୁଟରମାନେ ବିଫଳ ହୋଇଥିବା ଫିଜ୍‌ଗରାଲ୍ଡ କହିଥିଲେ। ଗୁପ୍ତଚର ବୃତ୍ତି ଅଭିଯୋଗରେ ବିଚାରର ସମ୍ମୁଖୀନ ହେବା ଲାଗି ଅସାଞ୍ଜଙ୍କୁ ଯଦି ଆମେରିକା ପଠାଯାଏ ତେବେ ଲଣ୍ଡନ ହାଇକୋର୍ଟରେ ଶୁଣାଣିର ଶେଷ ହୋଇପାରେ କିମ୍ବା ପ୍ରତ୍ୟର୍ପଣ ବିରୋଧରେ ତାଙ୍କୁ ଅପିଲ ପାଇଁ ଆଉ ଏକ ସୁଯୋଗ ଦିଆଯାଇପାରେ। ଅସାଞ୍ଜ ଆମେରିକାରେ ବିଚାରର ସମ୍ମୁଖୀନ ହେଲେ ତାଙ୍କ ଅଧିକାର କ୍ଷୁଣ୍ଣ ନ ହେବା ନେଇ ଓ୍ବାଶିଂଟନର ଅଧିକାରୀମାନଙ୍କ ପ୍ରତିଶ୍ରୁତି ଉପରେ ବିଚାରପତି କେତେ ଗୁରୁତ୍ୱ ଦେଉଛନ୍ତି, ତାହା ଉପରେ ସବୁକିଛି ନିର୍ଭର କରୁଛି। ଓ୍ବିକିଲିକ୍ସରେ ପ୍ରକାଶ ପାଇଁ ଆମେରିକାର କୂଟନୈତିକ କେବୁଲ ଏବଂ ସାମରିକ ଫାଇଲ ଚୋରି କରିବାରେ ଅସାଞ୍ଜ ସେଠାର ସେନା ଗୋଇନ୍ଦା ବିଶ୍ଳେଷକ ଚେଲସିଆ ମାନିଙ୍ଗ୍‌ଙ୍କୁ ପ୍ରୋତ୍ସାହିତ ଓ ସହଯୋଗ କରିଥିଲେ ବୋଲି ଯୁକ୍ତରାଷ୍ଟ୍ରର ପ୍ରସିକୁ୍ୟୁଟରମାନେ ଅଭିଯୋଗ କରିଥିଲେ। ଅନ୍ୟପକ୍ଷରେ ଅସାଞ୍ଜଙ୍କ ଓକିଲ ଯୁକ୍ତି ବାଢ଼ିଥିଲେ ଯେ, ଜଣେ ସାମ୍ବାଦିକ ଭାବେ ଅସାଞ୍ଜ ଇରାକ ଓ ଆଫଗାନିସ୍ତାନରେ ଆମେରିକା ସେନା କରିଥିବା ଭୁଲ୍‌କୁ ପ୍ରଘଟ କରିଛନ୍ତି। ସେ ରାଜନୈତିକ ପ୍ରେରଣାରେ ଏଭଳି କରିଥିବା ନେଇ ବିଚାରର ସମ୍ମୁଖୀନ ହେଲେ, ତାଙ୍କୁ ନ୍ୟାୟ ମିଳି ନ ପାରେ ବୋଲି ଅସାଞ୍ଜଙ୍କ ଓକିଲ କରିଥିଲେ।


Enter your email to get our daily news in your inbox.

All Right Reserved By Dharitri.Com

ଅନ୍ୟମାନଙ୍କ ପାଇଁ ପ୍ରେରଣା ସାଜିଲେ ‘ମିସ୍‌ ଟେକ୍ସାସ ୟୁଏସଏ’

ଓ୍ବାଶିଂଟନ,୨୫।୬: କୁହାଯାଏ ଯେ କିଛି ଅଲଗା କରିବା ଏବଂ ନିଜର ସ୍ବପ୍ନକୁ ପୂରଣ କରିବା ପାଇଁ କୌଣସି ବୟସ ନ ଥାଏ। ଯେତେବେଳେ ଜଣେ ବ୍ୟକ୍ତି...

୫ ବର୍ଷ ପରେ ଜେଲରୁ ମୁକୁଳିଲେ ଓ୍ବିକିଲିକ୍ସର ଫାଉଣ୍ଡର

ଓ୍ବାଶିଂଟନ,୨୫।୬: ୱିକି ଲିକ୍ସ ୱେବସାଇଟ ପ୍ରତିଷ୍ଠାତା ଜୁଲିୟାନ ଆସେଞ୍ଜଙ୍କୁ ଶେଷରେ ବ୍ରିଟିଶ ଜେଲରୁ ମୁକ୍ତ କରାଯାଇଛି। ୱିକି ଲିକ୍ସର ପ୍ରତିଷ୍ଠାତା ଜୁଲିୟାନ ଆସେଞ୍ଜ ଆମେରିକାର ନ୍ୟାୟ...

ଫ୍ରାନ୍ସରେ ବଢୁଛି ହିଂସା, ପୋଲିସ ଷ୍ଟେଶନ ସମେତ ଅନେକ କୋଠାରେ ଲାଗିଲା ନିଆଁ

ପ୍ୟାରିସ,୨୪।୬: ଫ୍ରାନ୍ସର ନ୍ୟୁ କାଲେଡୋନିଆରେ ବର୍ତ୍ତମାନ ଅଶାନ୍ତିର ବାତାବରଣ ଦେଖାଦେଇଛି। ରବିବାର ରାତିରେ ନ୍ୟୁ କାଲେଡୋନିଆ ଦ୍ୱୀପରେ ପୋଲିସ ଷ୍ଟେଶନ ଏବଂ ଟାଉନ ହଲ ସମେତ...

ଲିଥିୟମ ବ୍ୟାଟେରୀ ପ୍ଲାଣ୍ଟରେ ଭୟଙ୍କର ଅଗ୍ନିକାଣ୍ଡ, ୧୬ ମୃତ, ୫ ନିଖୋଜ

ସିଓଲ,୨୪।୬: ଦକ୍ଷିଣ କୋରିଆର ଲିଥିୟମ ବ୍ୟାଟେରୀ ପ୍ଲାଣ୍ଟରେ ଭୟଙ୍କର ଅଗ୍ନିକାଣ୍ଡ ଘଟିଥିବାର ସୂଚନା ମିଳିଛି। ଏହି ଦୁର୍ଘଟଣାରେ ଅତି କମରେ ୧୬ ଜଣଙ୍କର ମୃତ୍ୟୁ ଘଟିଥିବା...

ପ୍ରବଳ ଗରମ, ୧୩ ଶହ ଯାତ୍ରୀଙ୍କ ମୃତ୍ୟୁ

ନୂଆଦିଲ୍ଲୀ, ୨୪।୬: ଚଳିତ ବର୍ଷ ଭାରତରେ ପ୍ରବଳ ଗରମ ଅନୁଭୂତ ହୋଇଥିବା ବେଳେ ସାଉଦୀ ଆରବରେ ଏବେ ସ୍ଥିତି ଅସମ୍ଭାଳ ହୋଇଛି । ଏଠି ପାଖାପାଖି...

ପରମାଣୁ ବୋମା ପକାଇବ ରୁଷିଆ, ପୁଟିନ ଦେଲେ ଏମିତି ନିର୍ଦ୍ଦେଶ

ମସ୍କୋ,୨୪।୮: ପରମାଣୁ ଅସ୍ତ୍ର ବ୍ୟବହାରକୁ ନେଇ ରୁଷିଆ ନୀତି ବଦଳାଇବାକୁ ଯାଉଛି। ଏହା କରିବା ପରେ ରୁଷିଆ ଅଳ୍ପ ସମୟ ମଧ୍ୟରେ ଆଣବିକ ଆକ୍ରମଣ ଉପରେ...

ଆତଙ୍କବାଦୀ ଆକ୍ରମଣରେ ୧୫ ପୋଲିସକର୍ମୀଙ୍କ ସହ ଅନେକ ନାଗରିକ ମୃତ

ମସ୍କୋ,୨୪।୬: ରୁଷିଆର ଦକ୍ଷିଣ ପ୍ରଦେଶ ଡେଜିସ୍ତାନରେ ଖ୍ରୀଷ୍ଟିଆନ ଏବଂ ଯିହୂଦୀମାନଙ୍କ ଧର୍ମସ୍ଥଳ ଉପରେ ଆତଙ୍କବାଦୀ ଆକ୍ରମଣ ହୋଇଛି। ଡେଜିସ୍ତାନର ଡର୍ବେଣ୍ଟ ସହରରେ ଏହି ଗୁଳି ବିନିମୟ...

ପିଓକେରେ ଅର୍ଦ୍ଧସାମରିକ ସୈନ୍ୟଙ୍କୁ ମୁତୟନ କରିବ ପାକିସ୍ତାନ

ଇସ୍‌ଲାମାବାଦ,୨୩ା୬: ପାକ୍‌ ଅଧିକୃତ କଶ୍ମୀର (ପିଓକେ)ରେ ଅର୍ଦ୍ଧସାମରିକ ବଳ ଫ୍ରଣ୍ଟିୟର କନ୍‌ଷ୍ଟାବୁଲାରିକୁ ନିୟୋଜିତ କିରବା ପାଇଁ ପାକିସ୍ତାନ ସରକାର ରବିବାର ମଞ୍ଜୁରୀ ପ୍ରଦାନ କରିଛନ୍ତି। ଗତ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri