ଚଣ୍ଡିଗଡ଼,୧୩ ।୩: ପଞ୍ଜାବ ବିଧାନସଭା ନିର୍ବାଚନରେ ବମ୍ପର ବିଜୟ ପରେ ରବିବାର ଆମ ଆଦମୀ ପାର୍ଟି(ଏଏପି) ମୁଖ୍ୟ ଅରବିନ୍ଦ କେଜରିୱାଲ ପଞ୍ଜାବ ଗସ୍ତରେ ଯାଇ ଏକ ମେଗା ରୋଡ ଶୋ’ରେ ୋଯାଗ ଦେଇଥିଲେ । ତାଙ୍କସହ ଥିଲେ ପଞ୍ଜାବର ଭାବି ମୁଖ୍ୟମନ୍ତ୍ରୀ ଭଗୱନ୍ତ ମାନ । ଆସନ୍ତା ୧୬ ତାରିଖରେ ମାନ ମୁଖ୍ୟମନ୍ତ୍ରୀ ଭାବେ ଶପଥ ନେବାକୁ ଯାଉଛନ୍ତି । ଏହି ରୋଡ ଶୋ’ରେ ଯୋଗ ଦେବା ଅବସରରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ କହିଥିଲେ , ଆଇ ଲଭ ୟୁ ପଞ୍ଜାବ । ଆପଣମାନେ କମାଲ କରି ଦେଖାଇଲେ । ବଡ ବଡଙ୍କୁ ହରାଇ ଆମ ଉପରେ ଭରସା କଲେ । ଏବେ ପଞ୍ଜାବର ୩ କୋଟି ଲୋକଙ୍କ ଭରସାକୁ ଆମେ ନିଶ୍ଚୟ ରଖିବୁ । ଦେଇଥିବା ପ୍ରତିଶ୍ରୁତି ନିଶ୍ଚୟ ପାଳନ କରିବୁ । କିଛି ଏବେ କରିବୁ ଆଉ କିଛି ପାଇଁ ସମୟ ଲାଗିବ । ତେବେ ମୁଁ ପଞ୍ଜାବର ୩ କୋଟି ଲୋକଙ୍କୁ ଧନ୍ୟବାଦ ଦେଉଛି । ଆସନ୍ତା ୧୬ ତାରିଖରେ ପଞ୍ଜାବର ପ୍ରତ୍ୟେକ ପିଲା ଜଣେ ଜଣେ ମୁଖ୍ୟମନ୍ତ୍ରୀ ହେବେ ବୋଲି କହିଛନ୍ତି କେଜରିୱାଲ ।
