ନୂଆଦିଲ୍ଲୀ,୧୨ ।୯: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ପୁଣିଥରେ ଆମ ଆଦମୀ ପାର୍ଟି(ଏଏପି)ର ରାଷ୍ଟ୍ରୀୟ ସଂଯୋଜକ ଭାବେ ନିର୍ବାଚିତ ହୋଇଛନ୍ତି । ଲଗାତାର ତୃତୀୟ ଥର ଭାବେ ସେ ଏହି ପଦ ସମ୍ଭାଳିବାକୁ ଯାଉଛନ୍ତି । ମିଳିଥିବା ସୂଚନା ଅନୁଯାୟୀ, ରବିବାର ଅନୁଷ୍ଠିତ ଆମ ଆଦମୀ ପାର୍ଟିର ରାଷ୍ଟ୍ରୀୟ ପରିଷଦ ବୈଠକରେ ରାଷ୍ଟ୍ରୀୟ କାର୍ଯ୍ୟକାରିଣୀର ନିର୍ବାଚନ ହୋଇଥିଲା । ଏଥିରେ କେଜରିୱାଲଙ୍କୁ ପୁଣିଥରେ ରାଷ୍ଟ୍ରୀୟ ସଂଯୋଜକ ଭାବେ ବଛାଯାଇଛି । ପ୍ରକୃତରେ ଏହି ବୈଠକ ୨୦୨୦ରେ ଅନୁଷ୍ଠିତ ହେବାର ଥିଲା । କାରଣ ୨୦୨୦ ପର୍ଯ୍ୟନ୍ତ ହିଁ କେଜରିୱାଲ ରାଷ୍ଟ୍ରୀୟ ସଂଯୋଜକ ଭାବେ ନିର୍ବାଚିତ ହୋଇଥିଲେ । ହେଲେ କରୋନା ମହାମାରୀ କାରଣରୁ ଏହା ହୋଇ ପାରି ନ ଥିଲା । ଯାହା ଏବେ ହେବାରୁ ପୁଣିଥରେ କେଜରିୱାଲ ତାଙ୍କ ପୁରୁଣା ପୋଜିଶନକୁ ବଜାୟ ରଖିଥିବା କୁହାଯାଉଛି ।
