ନୂଆଦିଲ୍ଲୀ,୨୧।୧୧ : ପୂର୍ବତନ ଭାରତୀୟ ପ୍ରଶାସନିକ ସେବା ଅଧିକାରୀ ଅରୁଣ ଗୋଏଲ ସୋମବାର ନିର୍ବାଚନ କମିଶନର ଭାବେ ଦାୟିତ୍ୱ ଗ୍ରହଣ କରିଛନ୍ତି। ଏହାପୂର୍ବରୁ ତାଙ୍କୁ ଶନିବାର ନିର୍ବାଚନ କମିଶନର ଭାବେ ନିଯୁକ୍ତି ଦିଆଯାଇଥିଲା। ସେ ଶୁକ୍ରବାର ଦିନ ସ୍ବେଚ୍ଛାକୃତ ଅବସର ନେଇଥିଲେ। ଗୋୟାଲ ୩୧ ଡିସେମ୍ବର ୨୦୨୨ ରେ ୬୦ ବର୍ଷ ବୟସରେ ଅବସର ନେବାକୁ ଯାଉଥିଲେ।
ଗୋଏଲ ଜଣେ ୧୯୮୫ ବ୍ୟାଚ ପଞ୍ଜାବ କ୍ୟାଡର ଆଇଏଏସ ଅଧିକାରୀ। ସେ ମୁଖ୍ୟ ନିର୍ବାଚନ କମିଶନର ରାଜୀବ କୁମାର ଏବଂ ନିର୍ବାଚନ କମିଶନର ଅନୁପ ଚନ୍ଦ୍ର ପାଣ୍ଡେଙ୍କ ସହ ନିର୍ବାଚନ ଆୟୋଗର ଅଂଶ ହେବେ। ଗୋଏଲଙ୍କ ନିଯୁକ୍ତି ସମ୍ପର୍କରେ ସରକାର ଏକ ସୂଚନା ମାଧ୍ୟମରେ ସୂଚନା ଦେଇଥିଲେ।
ଆସନ୍ତା ମାସରେ ଗୁଜରାଟରେ ବିଧାନସଭା ନିର୍ବାଚନ ହେବାକୁ ଥିବାବେଳେ ନିର୍ବାଚନ କମିଶନର ଭାବେ ତାଙ୍କର ନିଯୁକ୍ତି ଘୋଷଣା କରାଯାଇଛି। ଡିସେମ୍ବର ୧ ରୁ ଡିସେମ୍ବର ୫ ପର୍ଯ୍ୟନ୍ତ ଗୁଜରାଟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ। ଏଥି ସହିତ ଡିସେମ୍ବର ୮ ରେ ଏହାର ଫଳାଫଳ ଘୋଷଣା କରାଯିବ।
ଏହି ଦାୟିତ୍ୱ ଗ୍ରହଣ କରିବା ପରେ ପରବର୍ତ୍ତୀ ମୁଖ୍ୟ ନିର୍ବାଚନ କମିଶନର ହେବାକୁ ଅରୁଣ ଗୋଏଲଙ୍କ ଯଥେଷ୍ଟ ସମ୍ଭାବନା ରହିଛି। ରାଜୀବ କୁମାରଙ୍କ କାର୍ଯ୍ୟକାଳ ଫେବୃଆରୀ ୨୦୨୫ ପର୍ଯ୍ୟନ୍ତ ରହିଛି।
ସ୍ବେଚ୍ଛାକୃତ ଅବସର ପର୍ଯ୍ୟନ୍ତ ଅରୁଣ ଗୋୟଲ ହେଭି ଇଣ୍ଡଷ୍ଟ୍ରିଜ ସଚିବ ଭାବରେ କାର୍ଯ୍ୟ କରିଥିଲେ। ସେ ସଂସ୍କୃତି ମନ୍ତ୍ରଣାଳୟରେ ମଧ୍ୟ କାର୍ଯ୍ୟ କରିଛନ୍ତି। ଗୋୟାଲ ଡିସେମ୍ବର ୨୦୨୭ ପର୍ଯ୍ୟନ୍ତ ନିର୍ବାଚନ ଆୟୋଗରେ କାର୍ଯ୍ୟ କରିବେ।
