୪୩ ଶିଶୁଙ୍କ ଜୀବନ ନେଲାଣି ସେନା

ନାପିତାଉ,୩ା୪: ଗଣତାନ୍ତ୍ରିକ ଉପାୟରେ ନିର୍ବାଚିତ ସରକାରଙ୍କ କ୍ଷମତା ଅପହରଣ କରି ନୋବେଲ ବିଜୟିନୀ ନେତ୍ରୀ ଅଙ୍ଗ୍‌ ସାନ୍‌ ସ୍ୟୁ ଚୀଙ୍କୁ ଜେଲ୍‌ରେ ପୂରାଇବାର ୨ ମାସ ମଧ୍ୟରେ ୫୩୬ ଜଣଙ୍କ ଜୀବନ ନେଲାଣି ମ୍ୟାନ୍‌ମାର ସେନା। ମୃତକଙ୍କ ମଧ୍ୟରେ ଅନୂ୍ୟନ ୪୩ ଶିଶୁ ରହିଛନ୍ତି। ସର୍ବକନିଷ୍ଠ ମୃତକଙ୍କ ବୟସ ୬ ବର୍ଷ ବୋଲି ‘ସେଭ୍‌ ଦି ଚିଲ୍‌ଡ୍ରେନ୍‌’ ପକ୍ଷରୁ କୁହାଯାଇଛି। ଉକ୍ତ ଶିଶୁ ଅଧିକାର ସଙ୍ଗଠନ ମତରେ ଦକ୍ଷିଣ ଏସିଆର ଏହି ରାଷ୍ଟ୍ର ବର୍ତ୍ତମାନ ଭୟାବହ ସ୍ଥିତି ଦେଇ ଗତି କରୁଛି।
ଦୁଇମାସ ତଳେ ସ୍ୟୁ ଚୀଙ୍କ ଦଳ ନ୍ୟାଶନାଲ ଲିଗ୍‌ ଫର୍‌ ଡେମୋକ୍ରାସି (ଏନ୍‌ଏଲ୍‌ଡି)କୁ ନିର୍ବାଚନରେ ବିପୁଳ ସଫଳତା ମିଳିଥିଲା। ଫେବୃୟାରୀ ୧ରେ ମ୍ୟାନ୍‌ମାର ସେନା କମାଣ୍ଡର-ଇନ୍‌-ଚିଫ୍‌ ମିନ୍‌ ଅଙ୍ଗ୍‌ ହାଇଙ୍ଗ୍‌ ସ୍ୟୁ ଚୀଙ୍କୁ କ୍ଷମତାଚ୍ୟୁତ କରି ଶାସନ ନିଜ ହାତକୁ ନେଇଥିଲେ। ମ୍ୟାନ୍‌ମାରକୁ ପୁଣିଥରେ ସାମରିକ ଶାସନ ଫେରିଥିଲା। ଏହାର ପ୍ରତିବାଦରେ ହଜାର ହଜାର ଲୋକ ରାସ୍ତାକୁ ଓହ୍ଲାଇ ସେନା ଶାସନ ବିରୋଧରେ ବିକ୍ଷୋଭ ପ୍ରଦର୍ଶନ କରିଆସୁଛନ୍ତି। ପ୍ରଥମେ ବିକ୍ଷୋଭକାରୀଙ୍କୁ ଘଉଡ଼ାଇବା ପାଇଁ ସୈନ୍ୟମାନେ ଓ୍ବାଟର କ୍ୟାନନରୁ ପାଣିବର୍ଷା ସହ ଲୁହବୁହା ବାଷ୍ପ ପ୍ରୟୋଗ କରୁଥିଲେ। ସପ୍ତାହେ ପରେ ରବର ବୁଲେଟ ଓ ଗୁଳିଗୋଳା ଚଳାଇ ଲୋକଙ୍କ ଜୀବନ ନେବାରେ ଲାଗିଲେ। ସେନାର ସବୁଠୁ ଘାତକ ଆକ୍ରମଣ ଦେଖିବାକୁ ମିଳିଥିଲା ଶନିବାର। ଗୁଳି ବର୍ଷରେ ନିହତ ହୋଇଥିଲେ ଶତାଧିକ ବିକ୍ଷୋଭକାରୀ।
ଇତିମଧ୍ୟରେ କ୍ଷମତାଚ୍ୟୁତ ନେତ୍ରୀ ସ୍ୟୁ ଚୀଙ୍କ ବିରୋଧରେ ଦେଶର ଅଫିସିଆଲ ସିକ୍ରେଟ୍ସ ଆକ୍ଟ ଲାଗୁ କରାଯାଇଛି। ତାଙ୍କ ସହ ୪ ସହଯୋଗୀଙ୍କ ବିରୋଧରେ ଆଗତ ଗୋପନୀୟତା ଉଲ୍ଲଂଘନ ଅଭିଯୋଗ ପ୍ରମାଣିତ ହେଲେ ସେମାନଙ୍କୁ ୧୪ ବର୍ଷ ଲେଖାଏ ଜେଲରେ ରହିବାକୁ ପଡ଼ିପାରେ। ଏହା ପୂର୍ବରୁ ସେନା ସ୍ୟୁ ଚୀଙ୍କ ବିରୋଧରେ ବେଆଇନ ଭାବେ ଓ୍ବାକି-ଟକି ରଖିବା, ନିର୍ବାଚନ ସମୟରେ କୋଭିଡ୍‌-୧୯ କଟକଣା ଉଲ୍ଲଂଘନ ଏବଂ ଭୟ ସୃଷ୍ଟିକାରୀ ତଥ୍ୟ ପ୍ରକାଶ କରିବା ଭଳି ଅଭିଯୋଗ ଆଣିସାରିଛି। ଦେଶରେ ଗଣତନ୍ତ୍ର ସପକ୍ଷବାଦୀ ବିକ୍ଷୋଭ ତେଜିବାରେ ଲାଗିଥିବାରୁ ଯେକୌଣସି ମୁହୂର୍ତ୍ତରେ ବଡ଼ ଧରଣର ରକ୍ତପାତ ହୋଇପାରେ ବୋଲି ମ୍ୟାନ୍‌ମାରରେ ଜାତିସଂଘ ପ୍ରତିନିଧି ଆଶଙ୍କା ବ୍ୟକ୍ତ କରିଛନ୍ତି। ସୀମାରେ ସେନା ଓ ସଂଖ୍ୟାଲଘୁ ମିଲିସିଆଙ୍କ ମଧ୍ୟରେ ଚାଲିଥିବା ଲଢ଼େଇକୁ ଦୃଷ୍ଟିରେ ରଖି ଏପରି ଚେତାବନୀ ଦିଆଯାଇଛି। ଜାତିସଂଘ ସମେତ ଅନେକ ସଙ୍ଗଠନ ନିଜ କର୍ମଚାରୀଙ୍କ ପରିବାରକୁ ମ୍ୟାନ୍‌ମାର ଛାଡ଼ି ଚାଲିଯିବା ପାଇଁ ପରାମର୍ଶ ଦେଇଛନ୍ତି।

୬ ବର୍ଷୀୟାଙ୍କୁ ବି ଛାଡ଼ିଲେନି
ସଶସ୍ତ୍ର ବଳ ବୁଧବାର ବିକ୍ଷୋଭକାରୀଙ୍କୁ କରିଥିବା ଆକ୍ରମଣରେ ୬ ବର୍ଷର ଝିଅ ଖିନ୍‌ ମ୍ୟୋ ଚିଟ୍‌ ପ୍ରାଣ ହରାଇଥିଲେ। ମଣ୍ଡଲେୟ ସହରସ୍ଥିତ ଘରେ ପୋଲିସ ଚଢ଼ାଉ ବେଳେ ଖିନ୍‌ ତାଙ୍କ ବାପାଙ୍କ ଆଡ଼କୁ ଧାଉଁଥିବାବେଳେ ଗୁଳିମାଡ଼ ହୋଇଥିଲା। ଏଥିରେ ସେ ଟଳିପଡ଼ିଥିଲେ ବୋଲି ତାଙ୍କ ପରିବାର ଲୋକେ କହିଛନ୍ତି। ସେମାନେ କବାଟକୁ ଗୋଇଠା ମାରିଥିଲେ। କବାଟ ଖୋଲିବା ପରେ ତୁମ ଘରେ ଆଉ କିଏ ଅଛନ୍ତି ବୋଲି ବାପାଙ୍କୁ ପଚାରିଥିଲେ। କେହି ନାହାନ୍ତି ବୋଲି ବାପା ଉତ୍ତର ଦେବାରୁ ସେମାନେ କହିଥିଲେ, ତୁମେ ମିଛ କହୁଛ। ତା’ ପରେ ସେମାନେ ଘର ଯାଞ୍ଚ କରିଥିଲେ। ଏହି ସମୟରେ ଖିନ୍‌ ବାପାଙ୍କ ପାଖକୁ ଦୌଡ଼ିଯିବାରୁ ସେମାନେ ତାକୁ ଗୁଳି କରିଥିଲେ ବୋଲି ମୃତ ଝିଅଙ୍କ ବଡ଼ ଭଉଣୀ ମେ ଥୁ ସୁମୟା କହିଛନ୍ତି।

ନିନ୍ଦାକଲା ଭାରତ
ମ୍ୟାନ୍‌ମାର ସେନା ସମସ୍ତ ରାଜନୈତିକ ବନ୍ଦୀଙ୍କୁ ମୁକ୍ତ କରୁ। ଏସିଆନ୍‌ ରାଷ୍ଟ୍ରଗୁଡ଼ିକର ଉଦ୍ୟମରେ ସ୍ଥିତି ସ୍ବାଭାବିକ ହେଉ। ଏହି ପ୍ରସଙ୍ଗରେ ନୂଆଦିଲ୍ଲୀ ଏକ ସନ୍ତୁଳିତ ଓ ଗଠନମୂଳକ ଭୂମିକା ନେବା ପାଇଁ ନିଜ ଅନ୍ତର୍ଜାତୀୟ ମଧ୍ୟସ୍ଥ ଏବଂ ଜାତିସଂଘ ସୁରକ୍ଷା ପରିଷଦ ସହ ଯୋଗସୂତ୍ରରେ ରହିଛି। ପଡ଼ୋଶୀ ଦେଶରେ ଗଣତନ୍ତ୍ରର ପୁନଃ ପ୍ରତିଷ୍ଠା ହେଉ।
– ଅରିନ୍ଦମ ବାଗ୍‌ଚୀ,ବହିର୍ବ୍ୟାପାର ମନ୍ତ୍ରଣାଳୟ ମୁଖପାତ୍ର


Enter your email to get our daily news in your inbox.

All Right Reserved By Dharitri.Com

ଦୁଇ ଖବରଦାତାଙ୍କୁ ମିଳିବ ନୋବେଲ ଶାନ୍ତି ପୁରସ୍କାର

ନୂଆଦିଲ୍ଲୀ,୮।୧୦: ଚଳିତବର୍ଷ ଦୁଇ ଖବରଦାତାଙ୍କୁ ମିଳିତ ଭାବେ ନୋବେଲ ଶାନ୍ତି ପୁରସ୍କାର ଦିଆଯିବ ବୋଲି ଘୋଷଣା କରାଯାଇଛି। ସେମାନେ ହେଲେ ମାରିଆ ରେସା ଓ ଦିମିତ୍ରି...

କିମ୍‌-ଜୋଙ୍ଗ୍‌-ଉନ୍‌ଙ୍କ ମୁଣ୍ଡରେ ବ୍ୟାଣ୍ଡେଜ୍‌ ପଡ଼ିଥିବା ନେଇ ଚର୍ଚ୍ଚା

ପ୍ୟୋଙ୍ଗ୍‌ୟାଙ୍ଗ୍‌,୫ା୮: ଉତ୍ତରକୋରିଆ ଶାସକ କିମ୍‌-ଜୋଙ୍ଗ-ଉନ୍‌ ତାଙ୍କର କ୍ରୁର ଶାସନ ପାଇଁ ସବୁବେଳେ ଚର୍ଚ୍ଚାରେ ଥାନ୍ତି। କିନ୍ତୁ ଏବେ ସେ ତାଙ୍କ ସ୍ବାସ୍ଥ୍ୟକୁ ନେଇ ଚର୍ଚ୍ଚାରେ ରହିଛନ୍ତି।...

ଧନୀ ହେବା ଲାଗି ପାକିସ୍ତାନକୁ ଏମିତି ପରାମର୍ଶ ଦେଲେ ପ୍ରଧାନମନ୍ତ୍ରୀ, ଭିଡିଓ ଦେଖିଲେ ହସି ହସି ଗଡ଼ିବେ

ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି, ଯାହାକୁ ଦେଖିଲେ ହସିହସି ଗଡ଼ିବେ। ଅତୀତରେ ଏହିପରି ଅନେକ ମଜାଦାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି...

ପାକିସ୍ତାନୀ ପାଇଲଟ ଆକାଶରେ ଦେଖିଲେ ଅଜବ ଦୃଶ୍ୟ: ଏହାକୁ ନେଇ ହେଉଛି ବିଭିନ୍ନ ଚର୍ଚ୍ଚା

ଇସଲାମାବାଦ୍‌,୨୮।୧: ପାକିସ୍ତାନର ଜଣେ ପାଇଲଟ ଆକାଶରେ ଏକ ଅଜବ ଦୃଶ୍ୟ ଦେଖିଥିବା କହିଛନ୍ତି। ସେ ଏଲିଅନଙ୍କୁ ଦେଖିଥିବା ଜୋର୍‌ ଦେଇ କୁହନ୍ତି। ଏହି ଖବର ପାକିସ୍ତାନୀ...

ନିଜ ଗାଈକୁ ବଞ୍ଚାଇବା ପାଇଁ ଚାଷୀ ମଗାଇଲେ ହେଲିକାପ୍ଟର: ଆଉ ତା’ପରେ…

ଏକ ଗାଈ ହେଲିକପ୍ଟର ସହାୟତାରେ ଆକାଶରେ ଉଡୁଥିବା ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓଟି ସ୍ବିଜରଲାଣ୍ଡର ଏକ ପାହାଡିଆ ଅଞ୍ଚଳର...

୩୫ ଲକ୍ଷ ଟଙ୍କା ବୋନସ୍‌ ମିଳିବା ପରେ ବି କାନ୍ଦିଲେ କର୍ମଚାରୀ, ଜାଣନ୍ତୁ କାହିଁକି

ଓ୍ବାଶିଂଟନ୍‌,୧୨।୧୨: ବର୍ଷ ଶେଷ ହେବାକୁ ଆଉ କିଛି ଦିନ ବାକି ଅଛି। ଏହି ଉପଲକ୍ଷେ ବିଭିନ୍ନ କମ୍ପାନୀ କର୍ମଚାରୀଙ୍କୁ ଉପହାର ଦେବା ପାଇଁ ଘୋଷଣା କରିଛନ୍ତି।...

ଡବ୍ଲୁଏଚ୍‌ଓ ଟିମ୍‌କୁ ଭେଟିବାକୁ ଚାହୁଁଛନ୍ତି ଜଣେ ଚାଇନା ଯୁବକ

ବେଜିଂ,୨୭।୧: କରୋନା ସଂକ୍ରମଣରେ ପ୍ରାଣ ହରାଇଥିବା ଜଣେ ବ୍ୟକ୍ତିଙ୍କ ପୁଅ ଚାଇନାର ଉହାନ ସହରରେ ପହଞ୍ଚିଥିବା ବିଶ୍ୱ ସ୍ବାସ୍ଥ୍ୟ ସଂଗଠନ (ଡବ୍ଲୁଏଚ୍‌ଓ) ଦଳକୁ ଭେଟିବାକୁ ଚେଷ୍ଟା...

୩୦୦୦ ଲିଟର ମଦ ନାଳରେ ଢଳାଗଲା…

କାବୁଲ, ୩।୧ : ଆଫଗାନିସ୍ତାନର ତାଲିବାନ ସରକାର ଦେଶରେ ମଦ ବିକ୍ରି ଉପରେ ପ୍ରତିବନ୍ଧକ ଲଗାଇବା ପରେ ଏହା ବିରୋଧରେ ଅଭିଯାନ ଆରମ୍ଭ କରିଛନ୍ତି। ଏହା...

Advertisement
Archives

Model This Week