Posted inଫୁରସତ

ପର୍ଯ୍ୟଟନସ୍ଥଳୀ ଅରିତାର: ଯେଉଁଠି ମିଳେ ମନକୁ ଶାନ୍ତି

ସିକ୍କିମ୍‌ସ୍ଥିତ ଏକ ଆକର୍ଷଣୀୟ ପର୍ଯ୍ୟଟନସ୍ଥଳୀ ହେଉଛି ଅରିତାର। ଏଠାକାର ଶାନ୍ତ ତଥା ମନୋରମ ପରିବେଶ ପର୍ଯ୍ୟଟକଙ୍କୁ ବେଶ୍‌ ଆକର୍ଷିତ କରିଥାଏ। ବିଶେଷକରି ସକାଳ ସମୟରେ ଏହି ସ୍ଥାନର ଅପୂର୍ବ ଶୋଭା କାହାକୁ ବି ଆକର୍ଷିତ କରିପାରେ। ତେଣୁ ପ୍ରାୟତଃ ଦେଖାଯାଏ, ପରିବାର ସଙ୍ଗେ ହେଉ ଅବା ସାଙ୍ଗସାଥୀ ଅଥବା ନିଜ ଜୀବନସାଥୀ ସହ କ୍ୱାଲିଟି ଟାଇମ୍‌ ବିତାଇବା ପାଇଁ ବହୁ ସଂଖ୍ୟାରେ ପର୍ଯ୍ୟଟକ ଏଠାକୁ ବୁଲି ଆସିଥାନ୍ତି।

ଅପୂର୍ବ ପ୍ରାକୃତିକ ଶୋଭା ସାଙ୍ଗକୁ ଅନେକ ଆକର୍ଷଣୀୟ ପର୍ଯ୍ୟଟନସ୍ଥଳୀକୁ ନିଜ ଭିତରେ ସାଇତି ରଖିଥିବା ଅରିତାର ହେଉଛି ସିକ୍କିମ୍‌ସ୍ଥିତ ଏକ ଶାନ୍ତ, ମନୋରମ ସ୍ଥାନ। ପର୍ଯ୍ୟଟକଙ୍କ ଦେଖିବା ନିମନ୍ତେ ଏଠାରେ ରହିଛି ବହୁ ଉଚ୍ଚ ଉଚ୍ଚ ପାହାଡ, ଘଞ୍ଚ ଜଙ୍ଗଲ, ହ୍ରଦ, ଝରଣା ଆଧ୍ୟାତ୍ମିକ ପୀଠ ସାଙ୍ଗକୁ ଆହୁରି ଅନେକ କିଛି। କେବଳ ସେତିକି ନୁହେଁ ଏଠାରେ ବହୁ ଦୁଃସାହସିକ କ୍ରୀଡ଼ା ପାଇଁ ବି ରହିଛି ସୁବିଧା ଓ ସୁଯୋଗ। ସେଥିପାଇଁ ବର୍ଷକ ବାରମାସ ଏଠାରେ ପର୍ଯ୍ୟଟକଙ୍କର ଯା’ଆସ ଲାଗି ରହିଥାଏ।

କ’ଣ ଦେଖିବେ
* ଲମ୍ପୋଖରୀ: ଏହା ହେଉଛି ସିକ୍କିମ୍‌ସ୍ଥିତ ଏକ ବହୁ ପୁରୁଣା ପ୍ରାକୃତିକ ହ୍ରଦ, ଯାହାର ସୌନ୍ଦର୍ଯ୍ୟ ଏବେ ବି ପର୍ଯ୍ୟଟକଙ୍କୁ ବେଶ୍‌ ଆକର୍ଷିତ କରିଥାଏ। ଅରିତାରର ଖୁବ୍‌ ନିକଟରେ ରହିଛି ଏହି ହ୍ରଦଟି। ଏଠାରେ ପର୍ଯ୍ୟଟକଙ୍କ ଆମୋଦପ୍ରମୋଦ ପାଇଁ ବୋଟିଂର ସୁବିଧା ପ୍ରଦାନ କରାଯାଇଥାଏ। କେବଳ ସେତିକି ନୁହେଁ ପ୍ରତିବର୍ଷ ଏପ୍ରିଲ୍‌- ମେ’ ଆଡ଼କୁ ଏଠାରେ ଲମ୍ପୋଖରୀ ଟୁରିଜମ୍‌ ଫେଷ୍ଟିଭାଲ୍‌ର ଆୟୋଜନ କରାଯାଇଥାଏ; ଯେଉଁ ସମୟରେ ବିଭିନ୍ନ ପ୍ରକାର ଦୁଃସାହସିକ କ୍ରୀଡ଼ା ଯେମିତି କି ବୋଟିଂ, ଘୋଡ଼ା ସବାରି, ପରମ୍ପରାଗତ ତୀର ଚାଳନା, ଟ୍ରେକିଂ, ରକ୍‌ କ୍ଲାଇମ୍ବିଂ, ପାରାଗ୍ଲାଇଡିଂ ଆଦି ପ୍ରତିଯୋଗିତାରେ ଭାଗ ନେବାକୁ ବହୁ ସଂଖ୍ୟାରେ ପ୍ରତିଯୋଗୀ ଏଠାକୁ ଆସିଥାନ୍ତି।

* ଅରିତାର ଗୁମ୍ପା: ଏହା ହେଉଛି ସ୍ଥାନୀୟ ଏକ ପୁରାତନ ମଠ। ଏହି ମଠର କାରୁକାର୍ଯ୍ୟ ଦେଖିବାକୁ ବେଶ୍‌ ଆକର୍ଷଣୀୟ ହୋଇଥାଏ।
* ଡାକବଙ୍ଗଳା: ଏହା ଅରି-ବଙ୍ଗଳା ନାମରେ ବି ପରିଚିତ। ବହୁ ପୁରୁଣା ଏହି ବଙ୍ଗଳାକୁ କୁଆଡ଼େ ବ୍ରିଟିଶ୍‌ମାନେ ନିର୍ମାଣ କରିଥିଲେ ବୋଲି ସୂଚନା ରହିଛି।
* ପର୍ବତେଶ୍ୱର ଶିବାଳୟ ମନ୍ଦିର: ପାହାଡ଼ ଉପରେ ଅବସ୍ଥିତ ଏହି ଶିବାଳୟରେ ପ୍ରତିବର୍ଷ ଶିବରାତ୍ରି ଓ ଶ୍ରାବଣ ମାସରେ ଭକ୍ତଙ୍କର ବେଶ୍‌ ଗହଳି ଦେଖିବାକୁ ମିଳିଥାଏ।
* ମଙ୍ଗ୍‌ଖିମ୍‌: ଏହା ହେଉଛି ଅରିତାରସ୍ଥିତ ଅନ୍ୟତମ ଆଧ୍ୟାତ୍ମିକ ପୀଠ। ପ୍ରକୃତିକୁ ପୂଜା କରୁଥିବା ସ୍ଥାନୀୟ ରାୟ ଜନଜାତି ଲୋକମାନଙ୍କର ଏହା ହେଉଛି ମନ୍ଦିର। ପ୍ରତିବର୍ଷ ଏପ୍ରିଲ୍‌-ମେ’ ସମୟରେ ଏଠାରେ ସାକେବ ନାମକ ଏକ ବିଶେଷ ପୂଜାର ଆୟୋଜନ କରାଯାଇଥାଏ। ଚାଷରେ ଭଲ ଅମଳ ହେବାର ଲକ୍ଷ୍ୟ ରଖି ସେମାନେ ଏହି ପୂଜା କରିଥାନ୍ତି ବୋଲି ବିଶ୍ୱାସ ରହିଛି।
* ଏଭର୍‌ଗ୍ରୀନ୍‌ ନର୍ସରୀ ଓ ରାମଗୌରୀ ସଂଗ୍ରହାଳୟ: ଏଠାରେ ବିଭିନ୍ନ ପ୍ରକାର ଫୁଲ ଗଛ ସହ ଅନେକ ଔଷଧୀୟ ବୃକ୍ଷ ଦେଖିବାର ସୁଯୋଗ ପାଇପାରିବେ ପର୍ଯ୍ୟଟକ। ତା’ସହିତ ନାନାଦି ରକମର କାଠ ବିଷୟରେ ଜାଣିବାର ବି ସୁବିଧା ଏଠାରେ ଉପଲବ୍ଧ ରହିଛି।
* କାଲି ଖୋଲ୍‌ ଜଳପ୍ରପାତ: ମାତ୍ର ୧୦୦ ମିଟର ଉଚ୍ଚତା ବିଶିଷ୍ଟ ଏହି ଜଳପ୍ରପାତଟି ହେଉଛି ଅରିତାରର ଅନ୍ୟତମ ଆକର୍ଷଣ। ଏହାକୁ କେହି କେହି ଲୋନ୍‌ଲି ଜଳପ୍ରପାତ ବୋଲି ମଧ୍ୟ କହିଥାନ୍ତି।
* ଚାଙ୍ଗେ ଜଳପ୍ରପାତ: ଲମ୍ପୋଖରୀ ନିକଟସ୍ଥ ଏହା ହେଉଛି ଅନ୍ୟତମ ଜଳପ୍ରପାତ। ମାତ୍ର ୫୦ ମିଟର ଉଚ୍ଚତା ବିଶିଷ୍ଟ ଏହି ଜଳପ୍ରପାତଟିର ଆକର୍ଷଣୀୟ ଦୃଶ୍ୟ କାହାକୁ ବି ଆକର୍ଷିତ କରିପାରେ।
* ଲଙ୍ଗ୍‌ଚୋକ୍‌ ଉପତ୍ୟକା: ଏହା ହେଉଛି ଅରିତାର ନିକଟସ୍ଥ ଏକ ଲୋକପ୍ରିୟ ଟ୍ରେକିଂ ଡେଷ୍ଟିନେଶନ।
* ଲଭ୍‌ ଦାରା: ଏହା ହେଉଛି ସ୍ଥାନୀୟ ଏକ ଲୋକପ୍ରିୟ ପିକ୍‌ନିକ୍‌ ସ୍ପଟ୍‌।

କେବେ ଓ କେମିତି ଯିବେ
ବର୍ଷର ଯେକୌଣସି ସମୟରେ ଅରିତାରକୁ ବୁଲିଯିବାର ସୁବିଧା ଥିଲେ ହେଁ ଶୀତଦିନେ ଏଠାରେ ବେଶ୍‌ ଭିଡ଼ ଜମୁଥିବା ଦେଖିବାକୁ ମିଳିଥାଏ। ଅନ୍ୟପକ୍ଷେ ଏପ୍ରିଲ୍‌-ମେ’ ସମୟରେ ବି ଏଠି ଆଗନ୍ତୁକଙ୍କର ପ୍ରବଳ ଗହଳି ପରିଲକ୍ଷିତ ହୋଇଥାଏ। ସେହିପରି ଏଠାକୁ ଯିବା ପାଇଁ ଗମନାଗମନର ମଧ୍ୟ ବେଶ୍‌ ସୁବିଧା ରହିଛି। ଯେହେତୁ ଅରିତାରରେ କୌଣସି ରେଳଷ୍ଟେଶନ ନାହିଁ, ତେଣୁ ପର୍ଯ୍ୟଟକଙ୍କୁ ନ୍ୟୁ ଜଲପାଇଗୁଡ଼ି ଜଙ୍କସନ୍‌ ରେଲଓ୍ବେ ଷ୍ଟେଶନରେ ପହଞ୍ଚତ୍ ସେଠାରୁ ଟ୍ୟାକ୍ସି ହେଉ ଅବା କ୍ୟାବ୍‌ ଭଡ଼ା କରି ଅରିତାରକୁ ଯିବାକୁ ହୋଇଥାଏ। ଅନ୍ୟପକ୍ଷେ ବାଗ୍‌ଡୋଗ୍ରା ଇଣ୍ଟରନ୍ୟାଶନାଲ ଏୟାରପୋର୍ଟ ହେଉଛି ଅରିତାରର ନିକଟବର୍ତ୍ତୀ ମୁଖ୍ୟ ବିମାନବନ୍ଦର। ସେଠାରୁ ବି ଅରିତାରକୁ ଯିବା ପାଇଁ ଟ୍ୟାକ୍ସିର ସୁବିଧା ରହିଛି। ଏସବୁ ବାଦ୍‌ ଦେଶର ବିଭିନ୍ନ ସ୍ଥାନରୁ ବି ସିକ୍କିମ୍‌କୁ ଯିବା ପାଇଁ ଟୁରିଷ୍ଟ ବସ୍‌ର ବ୍ୟବସ୍ଥା ରହିଛି। ଯଦ୍ଦ୍ବାରା ପର୍ଯ୍ୟଟକ ସିକ୍କିମ୍‌ରେ ପହଞ୍ଚତ୍ ସେଠାରୁ ଟାଉନ୍‌ ବସ୍‌ ହେଉ ଅବା ଟ୍ୟାକ୍ସି ସାହାଯ୍ୟରେ ଯାଇ ଆରାମରେ ଅରିତାରରେ ପହଞ୍ଚିପାରିବେ।


Enter your email to get our daily news in your inbox.

All Right Reserved By Dharitri.Com

ପୋଲିସ ନମ୍ବରରୁ ହ୍ବାଟ୍ସଆପ୍‌କୁ ଆସିବ କଲ୍‌, ମିଳିବ ଧମକ, ଭୟଭୀତ ହେଲେ ଆକାଉଣ୍ଟ ହୋଇଯିବ ଖାଲି…

ଦୁଇମାସ ତଳେ କେରଳର ଜଣେ ବାସିନ୍ଦା ପୋଲିସ ଅଧିକାରୀଙ୍କ ଡିପି ଥାଇ ଏକ ନମ୍ବରରୁ ହ୍ବାଟ୍ସଆପ୍‌କୁ କଲ୍‌ ଆସିଥିଲା। ସେ ଏହାକୁ ଉଠାଇବା ମାତ୍ରେ ଏକ...

ଅଜବ ଘର: ଦେଖିବାକୁ ବଙ୍କାତେଢ଼ା ମାତ୍ର ଆକର୍ଷଣୀୟ, ଜାଣନ୍ତୁ ଏହାର ସ୍ବତନ୍ତ୍ରତା…

ଦୁନିଆରେ ଅନେକ ଅଟ୍ଟାଳିକା ଅଛି, ଯାହା ଅନେକ କାରଣ ପାଇଁ ଲୋକଙ୍କୁ ଆକର୍ଷିତ କରିଥାଏ। କିଛି ଘର ଡିଜାଇନକୁ ନେଇ ବେଶ୍‌ ଆକର୍ଷଣୀୟ ହୋଇଥାଏ। ଆଜି...

ନିର୍ବାଚନବେଳେ ଜବତ ମଦ-ଟଙ୍କା କିଏ ରଖନ୍ତି, ଜାଣିଲେ ହୋଇଯିବେ ତାଜୁବ

ନୂଆଦିଲ୍ଲୀ,୨୮।୩: ଦେଶରେ ଲୋକ ସଭା ନିର୍ବାଚନ ପାଇଁ ବାଜିସାରିଛି ବିଗୁଲ । ଲୋକ ସଭା ନିର୍ବାଚନର ତାରିଖ ମଧ୍ୟ ନିର୍ବାଚନ ଆୟୋଗ ଘୋଷଣା କରିଛନ୍ତି। ଏହା...

ଭାରତର ଏହି ସହରରେ ପ୍ରସ୍ତୁତ ହୁଏ ଆଇପିଏଲ୍‌ ବଲ୍‌, ବର୍ଷକୁ ୫୦୦ କୋଟି ଟଙ୍କା ରୋଜଗାର

ବର୍ତ୍ତମାନ ଆଇପିଏଲ ଚାଲିଛି। ଇଣ୍ଡିଆନ ପ୍ରିମିୟର ଲିଗ୍‌କୁ ନେଇ ଲୋକଙ୍କ ମଧ୍ୟରେ ଏକ ବଡ଼ କ୍ରେଜ୍‌ ରହିଛି। ଏହି ପ୍ରତିଯୋଗିତା ୬୬ ଦିନ ପର୍ଯ୍ୟନ୍ତ ଚାଲିବ।...

କଫି ସହ ମଣିଷ ରକ୍ତ ମିଶାଇ ପିଉଛନ୍ତି ଏହି ମହିଳା

ଦୁନିଆରେ,ପ୍ରତ୍ୟେକ ମଣିଷଙ୍କର ନିଜସ୍ବ ସଉକ ଅଛି। କିଏ ଭ୍ରମଣ କରିବାକୁ ଭଲ ପାଆନ୍ତି ତ ଆଉ କିଏ ଖାଇବାକୁ ଭଲ ପାଆନ୍ତି। କେତେକ ଗୀତ ଗାଇବାକୁ...

ପୃଥିବୀର ପଡୋଶୀରେ ଅଛନ୍ତି ଏଲିଏନ୍ସ, ୨୦୩୦ ସୁଦ୍ଧା ଖୋଜିଦେବ ନାସା!

ଓ୍ବାଶିଂଟନ,୨୫।୩: ଏଲିଲନ୍ସ ସତରେ ଅଛନ୍ତି କି। ଯଦି ଅଛନ୍ତି, ସେମାନେ କେଉଁଠାରେ ରୁହନ୍ତି? ଏହି ଦୁଇଟି ପ୍ରଶ୍ନର ଉତ୍ତର ଖୋଜିବାରେ ସାରା ବିଶ୍ୱର ସ୍ପେସ ଏଜେନ୍ସିମାନେ...

ଓଡ଼ିଆ ଜନଜୀବନରେ ଦୋଳଯାତ୍ରା

ଫାଲ୍‌ଗୁନ ଶୁକ୍ଳ ଦଶମୀ ତିଥିଠାରୁ ସାଧାରଣତଃ ଓଡ଼ିଆ ଜନଜୀବନରେ ଦୋଳଯାତ୍ରା ଆଧ୍ୟାତ୍ମିକ ଭକ୍ତିପୂତ ପରିବେଶରେ ଆରମ୍ଭ ହୋଇଥାଏ। ଏହି ପର୍ବର ମୁଖ୍ୟ ଆରାଧ୍ୟ ଠାକୁର ପ୍ରେମମୟ...

ବୋତଲ ଭିତରେ ଅଠା ଲାଖେ ନାହିଁ କାହିଁକି

ବିଜ୍ଞାପନରେ ଅନେକ ଅଠା କମ୍ପାନୀ ଦାବି କରନ୍ତି ଯେ, ତାଙ୍କର ସାମାନ୍ୟ ଟିକେ ଅଠା ଯେକୌଣସି ଜିନିଷକୁ ଯୋଡିପାରେ। ଆଉ ଏମିତି ଯୋଡିବ ଯେ ଯୋଡା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri