ମାଧପୁର,୧୨।୩
ଆଠମଲ୍ଲିକ ଉଚ୍ଚ ମାଧ୍ୟମିକ ଶିକ୍ଷାନୁଷ୍ଠାନରେ ଚାଲିଥିବା ଛାତ୍ରୀଙ୍କ ଆତ୍ମରକ୍ଷା କୌଶଳ ପ୍ରଶିକ୍ଷଣ ଶିବିର ସୋମବାର ଉଦ୍ଯାପିତ ହୋଇଯାଇଛି। ମହାବିଦ୍ୟାଳୟ ଭାରପ୍ରାପ୍ତ ଅଧ୍ୟକ୍ଷ ଲକ୍ଷ୍ମୀକାନ୍ତ ମେହେରଙ୍କ ଅଧ୍ୟକ୍ଷତାରେ ସଭା କାର୍ଯ୍ୟ ଆୟୋଜିତ ହୋଇଥିଲା। ଏଥିରେ ଭାରପ୍ରାପ୍ତ ଅଧ୍ୟକ୍ଷ ମେହେର ଉଦ୍ବୋଧନ ଦେଇ ଆବଶ୍ୟକ ପଡ଼ିଲେ ଏହି କୌଶଳ ପ୍ରୟୋଗ କରିବା ସହିତ ଅନ୍ୟ ଝିଅମାନଙ୍କୁ ପ୍ରଶିକ୍ଷଣ ଦେବାକୁ ପରାମର୍ଶ ଦେଇଥିଲେ। ମୁଖ୍ୟ ଅତିଥି ଭାବେ ପଦାର୍ଥ ବିଜ୍ଞାନ ଅଧ୍ୟାପକ ବ୍ରଜଗୋପାଳ ମିଶ୍ର ଯୋଗଦେଇ ଛାତ୍ରୀମାନେ କିଭଳି ନିଜେ ନିଜର ସୁରକ୍ଷା କରିପାରିବେ ସେ ସମ୍ପର୍କରେ ଉଦ୍ବୋଧନ ଦେଇଥିଲେ। କାର୍ଯ୍ୟବାହୀ ଅଧିକାରୀ ଅଧ୍ୟାପିକା ଶାନ୍ତି ପଣ୍ଡା ଛାତ୍ରୀମାନେ ମାନସିକ ଏବଂ ଶାରୀରିକ ସ୍ତରରେ ଦୃଢ଼ ରହିବାକୁ ପରାମର୍ଶ ଦେଇଥିଲେ। ଛାତ୍ରୀମାନେ ସଭାରେ ଯୋଗ ପ୍ରାଣାୟମ ପ୍ରଦର୍ଶନ କରିଥିଲେ। ପରେ ଛାତ୍ରୀମାନଙ୍କୁ ସାର୍ଟିଫିକେଟ ପ୍ରଦାନ କରାଯାଇଥିଲା। ଅଧ୍ୟାପିକା କ୍ଷୀରୋଦିନୀ ଜୟ ଧନ୍ୟବାଦ ଅର୍ପଣ କରିଥିଲେ।
