କରୋନା ମହାମାରୀ ସମଗ୍ର ବିଶ୍ୱରେ ଏବେ ବି କାୟା ବିସ୍ତାର କରିଚାଲିଛି। ଏହି ଦୁଇବର୍ଷ ଭିତରେ ଅନେକ ଲୋକଙ୍କ ଜୀବନ ନେଇଛି କରୋନା। ପିଲାଙ୍କଠାରୁ ଆରମ୍ଭ କରି ବୟସ୍କ ପର୍ଯ୍ୟନ୍ତ ଏହି ମହାମାରୀ କାହାକୁ ରକ୍ଷା ଦେଇ ନ ଥିଲା। ଗୋଟିଏ ପରେ ଗୋଟିଏ ଲହର ଲୋକଙ୍କୁ ଆତଙ୍କିତ କରିଚାଲିଛି। ଯଦିଓ ଏହି ମହାମାରୀ ପାଇଁ ବିଶ୍ୱବ୍ୟାପୀ ଟିକା ଉପଲବ୍ଧ ହେଲାଣି ତଥାପି ଏହି ରୋଗରୁ ସମ୍ପୂର୍ଣ୍ଣ ମିଳିନାହିଁ। ସତର୍କତା ହିଁ ଏକମାତ୍ର ଉପାୟ। ଦୁନିଆରେ କୌଣସି ସ୍ଥାନ ନାହିଁ ଯେଉଁଠାରେ କରୋନାର ପ୍ରଭାବ ଦେଖାଯାଇ ନାହିଁ। ମାତ୍ର ଏମିତି ଏକ ଗାଁ ରହିଛି, ସେଠାରେ କରୋନା ପଶି ପାରିନାହିଁ।
ଏପରି ସ୍ଥାନ ରହିଛି ଆମ ଦେଶ ଭାରତରେ। ଏହି ସ୍ଥାନ ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜରେ ଅଛି। ଏହି ସ୍ଥାନର ନାମ ହେଉଛି ସେଣ୍ଟିନେଲ ଦ୍ୱୀପ। ଯାହାକି ଆଣ୍ଡାମାନ ଏବଂ ନିକୋବର ଉତ୍ତରରେ ଅବସ୍ଥିତ। ସ୍ଥାନୀୟ ଜନଜାତି ବ୍ୟତୀତ ଏହି ଦ୍ୱୀପରେ ଅନ୍ୟ କୌଣସି ସମ୍ପ୍ରଦାୟ ବାସ କରନ୍ତି ନାହିଁ।
ଏକ ଗଣମାଧ୍ୟମର ରିପୋର୍ଟ ଅନୁଯାୟୀ, ଏହି ଦ୍ୱୀପକୁ ବିଶ୍ୱର ସବୁଠାରୁ ନିଛାଟିଆ ସ୍ଥାନ ଭାବେ ବିବେଚନା କରାଯାଏ।
ଏଠାକାର ଆଦିବାସୀମାନେ ପ୍ରାୟ ୬୦ ହଜାର ବର୍ଷ ଧରି ଏହି ଦ୍ୱୀପରେ ବାସ କରି ଆସୁଛନ୍ତି। ଏହି ଜନଜାତିର ଲୋକମାନେ ପୁରୁଣା ଜୀବନଶୈଳୀ ଦ୍ୱାରା ବଞ୍ଚନ୍ତି। ସେମାନେ ଆଧୁନିକ ଜୀବନଶୈଳୀକୁ ସମ୍ପୂର୍ଣ୍ଣ ରୂପେ ପ୍ରତ୍ୟାଖ୍ୟାନ କରିଛନ୍ତି । ଏହି ଜନଜାତିର ଭାରତ ସମେତ ସମଗ୍ର ବିଶ୍ୱ ସହିତ କୌଣସି ସମ୍ପର୍କ ନାହିଁ ।
କରୋନାକୁ ଏଡ଼ାଇବା ପାଇଁ ସାମାଜିକ ଦୂରତା ହେଉଛି ସବୁଠାରୁ ବଡ଼ ଅସ୍ତ୍ର। ବର୍ତ୍ତମାନ ଏହିପରି ଭାବରେ ଏହି ଦ୍ୱୀପର ଲୋକମାନେ ସମଗ୍ର ବିଶ୍ୱଠାରୁ ଦୂରତା ରକ୍ଷା କରିଥିଲେ। ଏହି ଦ୍ୱୀପକୁ କେହି ବାହାରୁ ଆସନ୍ତି ନାହିଁ ଏବଂ ଦ୍ୱୀପରୁ କେହି ବି ଛାଡ଼ନ୍ତି ନାହିଁ। ସେଥିପାଇଁ ଏଠାରୁ ଏପ ପର୍ଯ୍ୟନ୍ତ ଗୋଟିଏ ହେଲେ କରୋନା ଆକ୍ରାନ୍ତ ଚିହ୍ନଟ ହୋଇନାହାନ୍ତ।
ଏହି ଲୋକମାନେ ଧନୁତୀର ଚଳାଇବାରେ ପାରଙ୍ଗମ। ଏହି ଜନଜାତି କୃଷି କିପରି କରାଯାଏ ଜାଣନ୍ତି ନାହିଁ। ଏହି ଦ୍ୱୀପରେ ଅନେକ ଘନ ଜଙ୍ଗଲ ଅଛି। ଏଥିରୁ ଏହା ଅନୁମାନ କରାଯାଇପାରେ ଯେ, ସେମାନେ ପଛୁଆ ଅଟନ୍ତି। ଦ୍ୱୀପର ଲୋକମାନେ ବନ୍ୟଜନ୍ତୁ ଶିକାର କରି ଫଳମୂଳ ଖାଇ ଜୀବିକା ନିର୍ବାହ କରନ୍ତି। ତେଣୁ କରୋନା ପରି ମହାମାରୀ ସେମାନଙ୍କର କୌଣସି କ୍ଷତି କରିପାରବ ନାହିଁ।
