ମୁମ୍ବାଇ: ଆଜି ଅର୍ଥାତ୍ ନଭେମ୍ବର ୪ରେ ହେଉଛି ବଲିଉଡ୍ ଅଭିନେତ୍ରୀ ଅନୁଷ୍କା ଶର୍ମାଙ୍କ ସ୍ବାମୀ ତଥା ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲିଙ୍କ ଜନ୍ମଦିନ। ଏହି ଉପଲକ୍ଷେ ସେଲିବ୍ରିଟିଙ୍କ ଠାରୁ ଆରମ୍ଭ କରି ତାଙ୍କ ପ୍ରଶଂସକଙ୍କ ପର୍ଯ୍ୟନ୍ତ ସମସ୍ତେ ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି। କିନ୍ତୁ ସବୁଠାରୁ ସ୍ବତନ୍ତ୍ର ରହିଛି ବିରାଟଙ୍କ ଲେଡି ଲଭ୍ ଅର୍ଥାତ୍ ଅନୁଷ୍କାଙ୍କ ଶୁଭେଚ୍ଛା ବାର୍ତ୍ତା।
ଅନୁଷ୍କା ସୋସିଆଲ ମିଡିଆରେ ବହୁତ ଆକ୍ଟିଭ୍। ଅନେକ ସମୟରେ ସେ ନିଜର ତଥା ପରିବାରର ଫଟୋ ଶେୟାର କରିଥାନ୍ତି। ଆଜି ବି ଅନୁଷ୍କା ତାଙ୍କ ଅଫିସିଆଲ ଇନ୍ଷ୍ଟାଗ୍ରାମ ଆକାଉଣ୍ଟରେ ବିରାଟଙ୍କୁ ଜନ୍ମଦିନର ଶୁଭକାମନା ଜଣାଇଛନ୍ତି। ଅନୁଷ୍କା ବିରାଟଙ୍କ ସହ ଏକ ଫଟୋ ଶେୟାର କରିଛନ୍ତି। ଏହି ଫଟୋରେ ବିରାଟ ଅନୁଷ୍କାଙ୍କୁ ଆଲିଙ୍ଗନ କରୁଥିବା ଦେଖିବାକୁ ମିଳିଛି। ଦୁହେଁ ଏହି ପୋଜ୍ରେ ବହୁତ ସୁନ୍ଦର ଦେଖାଯାଉଛନ୍ତି।
ଫଟୋ ଶେୟାର କରି ଅନୁଷ୍କା କ୍ୟାପଶନ ଲେଖିଛନ୍ତି, ଏହି ଫଟୋ ଏବଂ ତୁମର ଜୀବନଶୈଳୀ ପାଇଁ କୌଣସି ଫିଲ୍ଟରର ଆବଶ୍ୟକ ନାହିଁ। ତୁମେ ସଚ୍ଚୋଟତା ଏବଂ ସାହସିକତାକୁ ନେଇ ଗଢ଼ା ହୋଇଛ। ଯେଉଁ ସାହସ ଚିନ୍ତାକୁ ଭୁଲାଇ ଦିଅଏ। ମୁଁ ତୁମ ବ୍ୟତୀତ ଅନ୍ୟ କାହାକୁ ଜାଣେ ନାହିଁ, ଯିଏ ନିଜକୁ ଖରାପ ସମୟରୁ ଉଠାଇ ପାରିବ। ତୁମେ ଭଲରେ ବଢୁଛ। ମୁଁ ଦୁନିଆକୁ ଏହା କହିବାକୁ ଚାହେଁ କି ତୁମେ ସ୍ବତନ୍ତ୍ର।
ଅନୁଷ୍କା ଆହୁରି ଲେଖିଛନ୍ତି, ସବୁକିଛି ଅଧିକ ସୁନ୍ଦର କରିଥିବାରୁ ଧନ୍ୟବାଦ। ଜନ୍ମଦିନର ଶୁଭେଚ୍ଛା। ଏଥି ସହିତ ବିରାଟ କୋହଲି ମଧ୍ୟ ଅନୁଷ୍କାଙ୍କ ଏହି ପୋଷ୍ଟରେ ପ୍ରତିକ୍ରିୟା ପ୍ରକାଶ କରି ଲେଖିଛନ୍ତି, ‘ତୁମେ ମୋର ଶକ୍ତି। ତୁମେ ମୋତେ ରାସ୍ତା ଦେଖାଇବାର ଶକ୍ତି। ଭଗବାନଙ୍କୁ ମୁଁ ପ୍ରତିଦିନ ଧନ୍ୟବାଦ ଦେଉଛି କି ତୁମେ ମୋ ସହ ଅଛ। ଆଇ ଲଭ୍ ୟୁ।
ବିରାଟ-ଅନୁଷ୍କାଙ୍କ ସୋସିଆଲ ମିଡିଆ ବାର୍ତ୍ତାଳପକୁ ପ୍ରଶଂସକମାନେ ବେଶ୍ ପସନ୍ଦ କରିବା ସହ ସେମାନେ ମଧ୍ୟ ସୁନ୍ଦର ଶୁଭେଚ୍ଛା ବାର୍ତ୍ତା ଜଣାଇଛନ୍ତି।
