ମେଲବୋର୍ନ, ୧୩ା୧ (ପି.ଟି.)-ଭାରତର ଶୀର୍ଷ ର଼୍ୟାଙ୍କିଙ୍ଗପ୍ରାପ୍ତ ମହିଳା ଖେଳାଳି ଅଙ୍କିତା ରାଇନା ଅଷ୍ଟ୍ରେଲିଆନ ଓପନ୍ କ୍ୱାଲିଫାୟର୍ସ ଫାଇନାଲ ରାଉଣ୍ଡକୁ ଉନ୍ନୀତ ହୋଇଛନ୍ତି। ଏକ ୩ ସେଟ୍ବିଶିଷ୍ଟ ମ୍ୟାଚରେ ସେ ବିଶ୍ୱର ୧୧୮ ର଼୍ୟାଙ୍କିଙ୍ଗପ୍ରାପ୍ତ କାଟାରିନା ଜାଭାତ୍ସ୍କାଙ୍କୁ ହରାଇ ଦେଇଛନ୍ତି। କିନ୍ତୁ ପୁରୁଷ ସିଙ୍ଗଲ୍ସରେ ରାମକୁମାର ରମାନାଥନ ତାଙ୍କ ମ୍ୟାଚ ହାରିଯାଇଛନ୍ତି। ମହିଳା ସିଙ୍ଗଲ୍ସ କ୍ୱାଲିଫାୟର୍ସ ଦୁବାଇରେ ଖେଳାଯାଉଛି। ୧୮୦ତମ ର଼୍ୟାଙ୍କିଙ୍ଗପ୍ରାପ୍ତ ଅଙ୍କିତା ୟୁକ୍ରେନର ଜାଭାତ୍ସ୍କାଙ୍କ ବିପକ୍ଷ ମ୍ୟାଚକୁ ୬-୨, ୨-୬ ଓ ୬-୩ରେ ଜିତିନେଇଥିଲେ। ଅଙ୍କିତା କହିଛନ୍ତି, ଦୀର୍ଘ ୨ଘଣ୍ଟା ୨୦ ମିନିଟ ଧରି ଅନୁଷ୍ଠିତ ଏହି ମ୍ୟାଚ ବିଜୟ ପାଇଁ ସେ ଗର୍ବ ଅନୁଭବ କରିଛନ୍ତି। ଅଙ୍କିତା ବର୍ତ୍ତମାନ ୧୮୩ ର଼୍ୟାଙ୍କିଙ୍ଗପ୍ରାପ୍ତ ୨୦ ବର୍ଷୀୟା ସର୍ବୀୟ ଖେଳାଳି ଓଲଗା ଡାନିଲୋଭିଚ୍ଙ୍କୁ ଭେଟିବେ।
