ବଲିଉଡ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ୭୦ ଦଶକକୁ ସୁବର୍ଣ୍ଣ ଯୁଗ ଭାବେ ବିବେଚନା କରାଯାଏ। ଏହି ଯୁଗରେ ସବୁକିଛି କମାଲ ଥିଲା। ଚଳଚ୍ଚିତ୍ର, ଅଭିନେତା ଏବଂ ଗୀତ ମଧ୍ୟ। ୭୦ ଦଶକର ଗୀତ ଲୋକଙ୍କ ହୃଦୟରେ ଏକ ସ୍ବତନ୍ତ୍ର ସ୍ଥାନ ଅଧିକାର କରିଥାଏ। ଏହି ସମୟରେ ବଲିଉଡରେ ସର୍ବାଧିକ ନାମ ଅର୍ଜନ କରିଥିଲେ ସଙ୍ଗୀତ ନିର୍ଦ୍ଦେଶକ ଆରଡି ବର୍ମନ। ତାଙ୍କର ଗୀତଗୁଡିକ ୭୦ ଦଶକରେ ସଫଳତାର ଗ୍ୟାରେଣ୍ଟି ଥିଲା। ଆଜି ତାଙ୍କର ମୃତ୍ୟୁ ବାର୍ଷିକୀ ପାଳନ କରାଯାଉଛି।
ଆରଡି ବର୍ମନଙ୍କ ପିତା ଏସଡି ବର୍ମନ ଜଣେ ମହାନ ସଂଗୀତଜ୍ଞ ଥିଲେ। ସେ ନିଜ କ୍ୟାରିୟରରେ ଅନେକ ନାମ ଅର୍ଜନ କରିଥିଲେ। ଆରଡି ବର୍ମନ ମଧ୍ୟ ପିତାଙ୍କ ପଦାଙ୍କ ଅନୁସରଣ କରିଥିଲେ। ଆରଡି ବର୍ମାନ ବହୁତ କମ ବୟସରୁ ସଂଗୀତ ରଚନା ଆରମ୍ଭ କରିଥିଲେ। ମାତ୍ର ୯ ବର୍ଷ ବୟସରେ ସେ ସଙ୍ଗୀତ ରଚନା କାର୍ଯ୍ୟ ଆରମ୍ଭ କରିଥିଲେ। ୧୭ ବର୍ଷ ବୟସରେ ସେ ତାଙ୍କର ପ୍ରଥମ ବଲିଉଡ ଗୀତ ରଚନା କରିଥିଲେ। ସେ ଫଣ୍ଟୁସ ଫିଲ୍ମ ପାଇଁ ଏ୍ ମେରୀ ଟୋପି ପଲଟ୍ କର୍ ଗୀତ ରଚନା କରିଥିଲେ। ଆର୍ଡି ବର୍ମନଙ୍କୁ ପଞ୍ଚମ ଦା’ ନାମରେ ବେଶ୍ ପ୍ରସିଦ୍ଧି ହାସଲ କରିଥିଲେ। ଆରଡି ବର୍ମନ କିପରି ପଞ୍ଚମ ଦା ନାମ ପାଇଲେ ସେ ବିଷୟରେ ଅନେକ କାହାଣୀ ଅଛି। ଛୋଟ ଥିବାବେଳେ ଆରଡି ବର୍ମନ ସେ ପଞ୍ଚମ ନୋଟରେ କାନ୍ଦୁଥିଲେ, ଏହି କାରଣରୁ ତାଙ୍କ ନାମ ପଞ୍ଚମ ଦିଆଯାଇଥିଲା। ଏହା ବ୍ୟତୀତ ଅଶୋକ କୁମାରଙ୍କ ସହିତ ଆରଡିଙ୍କ ଏକ କାହାଣୀ ରହିଛି। ଅଶୋକ କୁମାର ପ୍ରଥମ ଥର ପାଇଁ ଆରଡି ବର୍ମନଙ୍କୁ ଭେଟିଥିବାବେଳେ ସେ ଦେଖିଲେ ଯେ ଆରଡି ବର୍ମନ ବାରମ୍ବାର ପା ଉଚ୍ଚାରଣ କରୁଛନ୍ତି। ପାଟିରେ ଆଣି ସେଥିପାଇଁ ଦାଦା ମୁନି ଅଶୋକ କୁମାର ତାଙ୍କ ନାମ ପଞ୍ଚମ ଦେଇଥିଲେ।
ପଞ୍ଚମ ଦା ଟିକେ ବିଳମ୍ବରେ ସଫଳତା ପାଇଥିଲେ। ସେ ତିସ୍ରୀ ମଞ୍ଜିଲ, ଅମର ପ୍ରେମ, ଅନ୍ଧୀ, ପରିଚୟ, ମାସୁମ, ଶୋଲେ, ଖେଲ ଖେଲ ମେଁ, ଆପ କି କସମ, କିନାରା ଏବଂ ୧୯୪୨ ଏ ଲଭ୍ ଷ୍ଟୋରୀ ପରି ଫିଲ୍ମରେ ସଫଳ ସଙ୍ଗୀତ ପ୍ରଦାନ କରିଥିଲେ। ପଞ୍ଚମ ଦା’ଙ୍କର ୧୯୯୪ ଜାନୁଆରୀ ୪ରେ ମୃତ୍ୟୁ ହୋଇଥିଲା।
