ବଲିଉଡ୍ ମେଗାଷ୍ଟାର ଅମିତାଭ ବଚ୍ଚନ ନିକଟରେ କରୋନାକୁ ହରାଇ ଘରକୁ ଫେରିଛନ୍ତି। ସୋସିଆଲ ମିଡିଆରେ ବିଗ୍ ବି ବେଶ୍ ସକ୍ରିୟ ରହୁଛନ୍ତି। ନିଜ ସ୍ବାସ୍ଥ୍ୟ ବିଷୟରେ ପ୍ରତିଦିନ ପ୍ରଶଂସକଙ୍କୁ ଅପଡେଟ୍ ମଧ୍ୟ ଦେଉଛନ୍ତି। ସୋସିଆଲ ମିଡିଆରେ ଜଣେ ୟୁଜର୍ସ ବିଗ ବି କୁ ଲେଖିଛନ୍ତି – ଆପଣ କାହିଁକି ଗରିବ ଲୋକଙ୍କୁ ଦାନ କରନ୍ତି ନାହିଁ। ଆପଣଙ୍କ ପାଖରେ ଯଥେଷ୍ଟ ଟଙ୍କା ଅଛି ଏବଂ ଇଶ୍ବରଙ୍କ କୃପା ମଧ୍ୟ ଅଛି। ଉଦାହରଣ ସୃଷ୍ଟି କରିବା ଉଚିତ୍। ଏହା କହିବା ସହଜ, କିନ୍ତୁ ଏକ ଉଦାହରଣ ହେବା ଅଧିକ ଗୁରୁତ୍ୱପୂର୍ଣ୍ଣ। ବିଗ ବିଙ୍କୁ ଏହା ଖରାପ ଲାଗିଥିଲା। ସେ ତତ୍କ୍ଷଣାତ୍ ଏହାର ଜବାବ ଦେଇଥିଲେ। ସେ ଏହାର ଜବାବ ଦେଇ କହିଛନ୍ତି ଲକଡାଉନ ସମୟରେ ପ୍ରତିଦିନ ୫ ହଜାର ଲୋକଙ୍କୁ ମଧ୍ୟାହ୍ନ ଭୋଜନ ଏବଂ ରାତ୍ରୀ ଭୋଜନ ଦେଇଛନ୍ତି। ସେ ମୁମ୍ବାଇରୁ ଯାଉଥିବା ୧୨ ହଜାର ପ୍ରବାସୀ ଶ୍ରମିକଙ୍କୁ ଜୋତା ଏବଂ ଚପଲ ଦେଇଛନ୍ତି। ଶ୍ରମିକମାନଙ୍କ ପାଇଁ ବିହାର ଏବଂ ୟୁପିରେ ପହଞ୍ଚିବା ପାଇଁ ବସ ବ୍ୟବସ୍ଥା କରାଯାଇଛି। ଅମିତାଭ ବଚ୍ଚନ ଆହୁରି କହିଛନ୍ତି, ଟ୍ରେନ ବାତିଲ ଯୋଗୁ ଇଣ୍ଡିଗୋର ୬ ବିମାନ ମାଧ୍ୟମରେ ୧୮୦ ଯାତ୍ରୀଙ୍କୁ ସେମାନଙ୍କ ଘରକୁ ସ୍ଥାନାନ୍ତର କରାଯାଇଥିଲା। ସେ ତାଙ୍କ ଖର୍ଚ୍ଚରେ ୧୫ ହଜାର ପିପିଇ କିଟ, ୧୦ ହଜାର ମାସ୍କ ଦେଇଛନ୍ତି। ସେ ଦିଲ୍ଲୀର ଶିଖ ସମ୍ପ୍ରଦାୟର ଅଧ୍ୟକ୍ଷଙ୍କୁ ଅନେକ ଦାନ ଦେଇଛନ୍ତି। ସେ ନିରନ୍ତର ଗରିବ ଲୋକଙ୍କୁ ଖାଇବାକୁ ଦେଉଛନ୍ତି।
ସୂଚନାଯୋଗ୍ୟ, ବିଗ୍ ବି ମୁମ୍ବାଇର ନାନାବତୀ ଡାକ୍ତରଖାନାରେ ଚିକିତ୍ସିତ ହେଉଥିଲାବେଳେ ସୋସିଆଲ ମିଡିଆରେ ଟ୍ରୋଲ ଏବଂ ସମାଲୋଚକଙ୍କ ସମ୍ମୁଖୀନ ହୋଇଥିଲେ। ଜଣେ ମହିଳା ତାଙ୍କୁ ହସ୍ପିଟାଲର ବିଜ୍ଞାପନ କରୁଥିବାର ଆରୋପ ଲଗାଇଥିଲେ।
