ମୁମ୍ବାଇ: ସୋସିଆଲ ମିଡିଆରେ କ’ଣ କେତେବେଳ ଭାଇରାଲ ହେଉଛି ତାହା କହିବା ମୁସ୍କିଲ । ଏବେ ଜଣେ ପିତା-ପୁତ୍ରଙ୍କ ଭିଡିଓ ଖୁବ୍ ଭାଇରାଲ ହେଉଛି । ଯେଉଁଥିରେ ଜଣେ ବ୍ୟକ୍ତି ତାଙ୍କ ଛୋଟ ପୁଅକୁ ହାରମୋନିୟମ ବଜାଇ ଶାସ୍ତ୍ରୀୟ ସଙ୍ଗିତ ଶିଖାଉଥିବା ଦେଖାଯାଇଛି । ଆଉ ଛୋଟ ପିଲାଟି ତା’ର ସାଧ୍ୟ ମତେ ପିତାଙ୍କ ସ୍ୱରରେ ସ୍ୱର ମିଳାଇବାକୁ ଚେଷ୍ଟା କରୁଛି । ଆଉ ଏହି ଭିଡିଓ ସୋସିଆଲ ମିଡିଆ ୟୁଜର୍ସଙ୍କୁ ଖୁବ୍ ପସନ୍ଦ ଆସୁଛି । ଆଉ ଏହା ଭାଇରାଲ ହେବାରେ ଲାଗିଛି । ସୋସିଆଲ ମିଡିଆରେ ସବୁବେଳେ ଆକ୍ଟିଭ ରହୁଥିବା ବଲିୁଡ୍ ନାୟକ ଅମିତାଭ ବଚ୍ଚନ ବି ଏହି ଭିଡିଓକୁ ଶେୟାର କରିଛନ୍ତି । ଆଉ ଲେଖିଛନ୍ତି ପୁଅତ ପିତାଙ୍କ ବାପା । ଅସଲରେ ଛୋଟ ପିଲାଟି ଏମିତି ଭାବେ ସଙ୍ଗିତ ଅଭ୍ୟାସ କରୁଛି ଯେ କେହି ଆଶ୍ଚର୍ଯ୍ୟ ହେବା ସ୍ୱାଭାବିକ କଥା । ଶିଶୁଟିର ବୟସ ୨-୩ ବର୍ଷ ମଧ୍ୟରେ ହେବା ଭଳି ଅନୁମାନ କରାଯାଉଛି । ହେଲେ ତା’ର ସଙ୍ଗିତ ପ୍ରତି ଥିବା ଆଗ୍ରହ ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
T 3694 – Child is the Father of Man ! pic.twitter.com/iO8G9URmUz
— Amitabh Bachchan (@SrBachchan) October 19, 2020
