ବଲିଉଡ ସୁପରଷ୍ଟାର ଅମିତାଭ ବଚ୍ଚନ ହିନ୍ଦୀ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ମହାନାୟକ ଭାବେ ଜଣାଶୁଣା। ତାଙ୍କ କ୍ୟାରିୟର ଡେବ୍ୟୁ ଏବଂ ଅଭିନୟରେ ସଂଘର୍ଷ ବିଷୟରେ ସମସ୍ତେ ଜାଣନ୍ତି। ଆଜି ବିଗ ବି ବଲିଉଡରେ ୫୨ ବର୍ଷ ପୂରଣ କରିଛନ୍ତି। ଏହି ଦିନ ଅମିତାଭ ବଚ୍ଚନଙ୍କ ଅଭିନୟ ଯାତ୍ରା ଆରମ୍ଭ ହୋଇଥିଲା। ଏହି ବିଶେଷ ଦିବସ ଅବସରରେ ଅମିତାଭ ବଚ୍ଚନଙ୍କୁ ତାଙ୍କ ପ୍ରଶଂସକମାନେ ଅଭିନନ୍ଦନ ଜଣାଇବା ସହିତ ତାଙ୍କର ପୁରୁଣା ଫଟୋ ଶେୟାର କରିଛନ୍ତି। ସେ କହିଛନ୍ତି ଫେବୃଆରୀ ୧୫, ୧୯୬୯, ୫୨ବର୍ଷ, ଧନ୍ୟବାଦ … ଅମିତାଭ ବଚ୍ଚନଙ୍କ ଟୁଇଟ୍ ବହୁତ ଭାଇରାଲ ହେବାରେ ଲାଗିଛି। ସୂଚନାଯୋଗ୍ୟ, ଅମିତାଭ ବଚ୍ଚନ ମୃଣାଳ ସେନଙ୍କ ଫିଲ୍ମ ଭୁବନ ଶୋମରେ ଭଏସ ନ୍ୟାରେଟର୍ ଭାବରେ ଡେବ୍ୟୁ କରିଥିଲେ। ଏହି ଫିଲ୍ମକୁ ଜାତୀୟ ପୁରସ୍କାର ମିଳିଥିଲା। ଏହା ପରେ ଅଭିନେତା ସାଥ ହିନ୍ଦୁସ୍ତାନୀ, ଆନନ୍ଦ, ପରୱାନା, ରେଶମା ଔର ଶେରା, ବମ୍ବେ ଟୁ ଗୋଆ ଭଳି ଫିଲ୍ମରେ ମୁଖ୍ୟ ଭୂମିକାରେ ଅଭିନୟ କରିଥିଲେ। ଚଳଚ୍ଚିତ୍ର ଜଗତରେ ଅବଦାନ ପାଇଁ ଅମିତାଭ ବଚ୍ଚନଙ୍କୁ ଦାଦାସାହେବ ଫାଲକେ ପୁରସ୍କାର ମଧ୍ୟ ପ୍ରଦାନ କରାଯାଇଛି।
aaj hi ke din film industry mein pravesh kiya tha .. Feb 15, 1969 .. 52 years !! aabhaar https://t.co/bEIWYWCmBc
— Amitabh Bachchan (@SrBachchan) February 15, 2021
