ବେଙ୍ଗାଲୁରୁ,୪।୬: ଭିଡ଼ ପରିଚାଳନାରେ ଅବହେଳା ପାଇଁ ସମାଲୋଚନା ମଧ୍ୟରେ, କର୍ଣ୍ଣାଟକର ଉପ-ମୁଖ୍ୟମନ୍ତ୍ରୀ ଡିକେ ଶିବକୁମାର କହିଛନ୍ତି ଯେ ରାଜ୍ୟ ସରକାର ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (RCB) ପାଇଁ ଆୟୋଜିତ ସମ୍ମାନ ସମାରୋହକୁ ୧୦-୧୫ ମିନିଟ୍ରେ ସମାପ୍ତ କରିଦେଇଛି।
ତାଙ୍କ କହିବା ଅନୁଯାୟୀ, ବେଙ୍ଗାଲୁରୁର ଏମ୍ ଚିନ୍ନାସ୍ୱାମୀ ଷ୍ଟାଡିୟମ ବାହାରେ ହୋଇଥିବା ଭିଡ଼ଜନିତ ଦୁର୍ଘଟଣାରେ ଅତି କମରେ ସାତ ଜଣଙ୍କର ମୃତ୍ୟୁ ଓ ଅନେକେ ଆହତ ହେବାର ଖବର ପାଇବା ପରେ ଏହି କାର୍ଯ୍ୟକ୍ରମକୁ ସମାପ୍ତ କରାଯାଇଥିଲା।
“ଆମେ କାର୍ଯ୍ୟକ୍ରମକୁ ସଂକ୍ଷିପ୍ତ କରିଦେଇଛୁ। କାର୍ଯ୍ୟକ୍ରମ ୧୦ ମିନିଟ୍ ମଧ୍ୟରେ ଶେଷ ହୋଇଛି। ଆମେ ସବୁକିଛିକୁ ସାଧାରଣ କରିବାକୁ ଚେଷ୍ଟା କରୁଛୁ,” ସେ ଗଣମାଧ୍ୟମକୁ କହିଛନ୍ତି। ପୋଲିସ ମୁତୟନକୁ ସମର୍ଥନ କରି ବେଙ୍ଗାଲୁରୁ ମନ୍ତ୍ରୀ କହିଛନ୍ତି, “ଲକ୍ଷ ଲକ୍ଷ ଲୋକ ଆସିଥିଲେ।”
VIDEO | Karnataka Deputy CM DK Shivakumar (@DKShivakumar) spoke on the stampede-like situation at Chinnaswamy Stadium. Here’s what he said:
“I have spoken to the police commissioner. I’m heading to the hospital a bit late as I don’t want to disrupt the doctors who are attending… pic.twitter.com/qt1RgVBtCo
— Press Trust of India (@PTI_News) June 4, 2025
“ମୁଁ ପୋଲିସ କମିଶନର ଓ ସମସ୍ତଙ୍କ ସହ କଥା ହୋଇଛି। ମୁଁ ପରେ ହସ୍ପିଟାଲକୁ ମଧ୍ୟ ଯିବି। ମୁଁ ଡାକ୍ତରମାନଙ୍କୁ, ଯେଉଁମାନେ ରୋଗୀଙ୍କର ଯତ୍ନ ନେଉଛନ୍ତି, ବିଚଳିତ କରିବାକୁ ଚାହୁଁନାହିଁ। ଏବେ ସଠିକ ସଂଖ୍ୟା କୁହାଯାଇ ପାରିବ ନାହିଁ। ଆମେ ଲୋକମାନଙ୍କୁ ଶାନ୍ତ ରହିବାକୁ ଅପିଲ୍ କରୁଛୁ,” ଶିବକୁମାର ଖବରଦାତାମାନଙ୍କୁ କହିଛନ୍ତି।
