ଦିଗପହଣ୍ଡି,୧୪|୪(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ପୁରୁଣା ବସଷ୍ଟାଣ୍ଡ ସ୍ଥିତ ଭାରତୀୟ କମ୍ୟୁନିଷ୍ଟ ପାର୍ଟି(ସିପିଆଇ) କାର୍ଯ୍ୟାଳୟରେ ମଙ୍ଗଳବାର ସମ୍ବିଧାନ ପ୍ରଣେତା ଡ଼. ଭୀମରାଓ ଆମ୍ବେଦକରଙ୍କ ଜୟନ୍ତୀ ପାଳିତ ହୋଇଯାଇଛି। ଆୟୋଜିତ ସଭାରେ ସିପିଆଇ ଗଞ୍ଜାମ ଜିଲା ପରିଷଦ ସଦସ୍ୟ ଅଳକ ନାଥ ମିଶ୍ର ମୁଖ୍ୟବକ୍ତା ଭାବେ ଯୋଗଦେଇ ସ୍ଵାଧୀନତା ସଂଗ୍ରାମରେ ଡ଼.ଆମ୍ବେଦକର ଭୂମିକା ସମେତ ସ୍ଵାଧୀନତା ପରବର୍ତ୍ତୀ ସମୟରେ ତାଙ୍କ ଲିଖିତ ଭାରତର ସମ୍ବିଧାନ ସମ୍ପର୍କରେ ଉଦବୋଧନ ଦେଇଥିଲେ। ଅରୁଣ ମହାରଣା, ବାବୁଲା ରେଡ୍ଡୀ, ବାଲାଜୀ ରେଡ୍ଡୀ, ବିନାୟକ ରେଡ୍ଡୀ, ରବି ସେଠୀଙ୍କ ସମେତ ବହୁ ସଂଖ୍ୟକ ଦଳୀୟ କର୍ମୀ ଉପସ୍ଥିତ ଥିଲେ।ସେହିପରି ସ୍ଥାନୀୟ ସିପିଆଇ(ଏମ) କାର୍ଯ୍ୟାଳୟରେ ଆୟୋଜିତ କାର୍ଯ୍ୟକ୍ରମରେ ଆଇନଜୀବି ତଥା ଅଖିଳ ଭାରତ କୃଷକ ସଭା ର ଗଞ୍ଜାମ ଜିଲା ସମ୍ପାଦକ ପି.ଶିବଶଙ୍କର ଅଧ୍ୟକ୍ଷତା କରିଥିଲେ। ସିପିଆଇ(ଏମ)ର ପୂର୍ବତନ ଜିଲା ସମ୍ପାଦକ କୈଳାସ ଷଡଙ୍ଗୀ,ସିପିଆଇର ଜିଲା ପରିଷଦ ସଦସ୍ୟ ଅଳକ ନାଥ ମିଶ୍ର ଏବଂ ଗଣତାନ୍ତ୍ରିକ ମହିଳା ସମିତି ର କାର୍ଯ୍ୟକର୍ତ୍ତା ଜୟନ୍ତୀବାଳା ମିଶ୍ର ସମ୍ବିଧାନର ଜନକ ଡ଼.ଆମ୍ବେଦକର ଙ୍କ ସ୍ମୃତିଚାରଣ କରିଥିଲେ। ସେ ଜଣେ ଏକାଧାରରେ ଅର୍ଥନୀତିଜ୍ଞ,ସମାଜସଂସ୍କାରକ,ବିଦ୍ୱାନ ରାଜନୀତିଜ୍ଞ ଓ ନ୍ୟାୟମୂର୍ତ୍ତି ଭାବେ ସୁନାମ ଅର୍ଜନ କରିଥଲେ ବୋଲି ସଭାରେ ମତପ୍ରକାଶ ପାଇଥିଲା। ସଭାରେ ଭି.ସୁଦର୍ଶନ ରାଜୁ.ପି. ଆଦ୍ୟାଶା , ଅଭିଶ୍ମିତା ମଣ୍ଡଳ,ସୁଚିଶ୍ମିତା ମଣ୍ଡଳ ପ୍ରମୁଖ ଉପସ୍ଥିତ ଥିଲେ।
