ଭୁବନେଶ୍ୱର,୩୧।୧୦: ପୂର୍ବତଟ ରେଳପଥ ପରିସୀମା ମଧ୍ୟରେ ୯ଯୋଡ଼ା ସ୍ବତନ୍ତ୍ର ଟ୍ରେନ୍ର ଅଣସଂରକ୍ଷିତ ବଗିରେ ଅଣସଂରକ୍ଷିତ ଟିକେଟ୍ ଦ୍ୱାରା ଯାତ୍ରୀ ଯାତ୍ରା କରିପାରିବେ ବୋଲି ରେଳପଥ ପକ୍ଷରୁ ନିଷ୍ପତ୍ତି ନିଆଯାଇଛି। ନଭେମ୍ବର ପହିଲାରୁ ପୂର୍ବତଟ ରେଳପଥ ୬ ଯୋଡ଼ା ସ୍ବତନ୍ତ୍ର ଟ୍ରେନ୍ରେ ଥିବା ସମ୍ପୂର୍ଣ୍ଣ ସଂରକ୍ଷିତ କୋଚ୍ଗୁଡିକ ମଧ୍ୟରୁ ପ୍ରତ୍ୟେକ ୩ଟି ଲେଖାଏ କୋଚ୍କୁ ଅଣସଂରକ୍ଷିତ ବଗି ଭାବେ ଚିହ୍ନଟ କରାଯାଇଛି। ଏହା ସହ ଗାର୍ଡ ତଥା ଲଗେଜ ଭ୍ୟାନ୍ କୋଚ୍ଗୁଡ଼ିକୁ ମଧ୍ୟ ଅଣସଂରକ୍ଷିତ ଯାତ୍ରା ପାଇଁ ରେଳପଥ ପକ୍ଷରୁ ଉପଲବ୍ଧ କରାଯାଇଛି। ଏହି ଟ୍ରେନ୍ଗୁଡିକରେ ଅଣସଂରକ୍ଷିତ ମେଲ୍ ,ଏକ୍ସପ୍ରେସ୍ ଭଡ଼ା ଆଦାୟ ହେବ ବୋଲି ରେଳପଥ ପକ୍ଷରୁ କୁହାଯାଇଛି। ଅନୁମତି ମିଳିଥିବା ଟ୍ରେନ୍ଗୁଡିକ ହେଉଛି ସମ୍ବଲପୁର-ରାୟଗଡ଼ା-ସମ୍ବଲପୁର, ଭୁବନେଶ୍ୱର-ବିଶାଖାପାଟଣା-ଭୁବନେଶ୍ୱର ଇଣ୍ଟର ସିଟି, ପୁରୀ-ଗୁଣପୁର-ପୁରୀ, ଭୁବନେଶ୍ୱର-ବଲାଙ୍ଗୀର-ଭୁବନେଶ୍ୱର ଇଣ୍ଟରସିଟି, ବିଶାଖାପାଟଣା-ରାୟଗଡ଼ା-ବିଶାଖାପାଟଣା, ଭୁବନେଶ୍ୱର-ପାଲାସା-ଭୁବନେଶ୍ୱର, ସମ୍ବଲପୁର-ରାୟଗଡ଼ା-ସମ୍ବଲପୁର ସ୍ପେଶାଲରେ କୋଚ୍ ନମ୍ବର ଡି- ୭, ୮ ଓ ୯ ; ଭୁବନେଶ୍ୱର-ବିଶାଖାପାଟଣା-ଭୁବନେଶ୍ୱର ଇଣ୍ଟରସିଟି ସ୍ପେଶାଲରେ କୋଚ୍ ନମ୍ବର ଡି- ୫, ୬ ଓ ୭; ପୁରୀ-ଗୁଣପୁର-ପୁରୀ ବିଶେଷ ଟ୍ରେନ୍ରେ କୋଚ୍ ନମ୍ବର ଡି-୫, ୬ ଓ ୭ ; ଭୁବନେଶ୍ୱର-ବାଲାଙ୍ଗୀର-ଭୁବନେଶ୍ୱର ଇଣ୍ଟରସିଟି ସ୍ପେଶାଲରେ କୋଚ୍ ନମ୍ବର ଡି-୪, ୫ ଓ ୬; ବିଶାଖାପାଟଣା-ରାୟଗଡା-ବିଶାଖାପାଟଣା ସ୍ପେଶାଲରେ କୋଚ୍ ନମ୍ବର ଡି- ୮, ୯ ଓ ୧୦ ଏବଂ ଭୁବନେଶ୍ୱର-ପାଲାସା-ଭୁବନେଶ୍ୱର ସ୍ପେଶାଲରେ କୋଚ୍ ନମ୍ବର ଡି-୭, ୮ ଓ ୯ କୁ ଅଣସଂରକ୍ଷିତ କୋଚ୍ରେ ପରିଣତ କରାଯାଇଛି। ସେହିଭଳି ୩ ଯୋଡ଼ା ସ୍ବତନ୍ତ୍ର ଟ୍ରେନ୍କୁ ମଧ୍ୟ ସମ୍ପୂର୍ଣ୍ଣ ଅଣସଂରକ୍ଷିତ ଟ୍ରେନ୍ ଭାବେ ନଭେମ୍ବର ୧ରୁ ଚଳାଚଳ କରାଇବାକୁ ନିଷ୍ପତ୍ତି ନିଆଯାଇଛି ବୋଲି ରେଳପଥ ପକ୍ଷରୁ ସୂଚନା ଦିଆଯାଇଛି। ଏହି ଟ୍ରେନ୍ଗୁଡିକ ହେଉଛି ବିଶାଖାପାଟଣା-ପଲାସା-ବିଶାଖାପାଟଣା, ପୁରୀ-ପାରାଦୀପ-ପୁରୀ, ଭୁବନେଶ୍ୱର-ନୟାଗଡ଼ ଟାଉନ୍-ଭୁବନେଶ୍ୱର ବିଶେଷ ଟ୍ରେନ ରହିଛି।
