ଓ୍ବାଶିଂଟନ, ୬।୪ : ଆମେରିକୀୟ ପ୍ରଫେସର ଡ. ଡେଭିଡ ଜ୍ୟାକବ ପୃଥିବୀରେ ଏଲିଏନଙ୍କ ଉପସ୍ଥିତି ବିଷୟରେ ଏକ ସମ୍ବେଦନଶୀଳ ଦାବି କରିଛନ୍ତି। ଆମେରିକୀୟ ପ୍ରଫେସର କହିଛନ୍ତି ଯେ ପୃଥିବୀରେ ଏଲିଏନ ମଣିଷଙ୍କ ସାଙ୍ଗରେ ରହୁଛନ୍ତି। ସେମାନେ ମଣିଷମାନଙ୍କୁ ଅପହରଣ କରିବା ସହିତ ଆକ୍ରମଣ କରିବାକୁ ପ୍ରସ୍ତୁତ ହେଉଛନ୍ତି। ପ୍ରଫେସର ଜ୍ୟାକବ ଦାବି କରିଛନ୍ତି ଯେ ସେ ଏଲଅନ ଆକ୍ରମଣ ପରେ ବଞ୍ଚିଥିବା ଅନେକ ଲୋକଙ୍କର ସାକ୍ଷାତକାର ନେଇଛନ୍ତି। ସେ ଏଲିଅନମାନଙ୍କୁ ଅପହରଣ ବିଷୟରେ କେତେକ ପୁସ୍ତକ ମଧ୍ୟ ଲେଖିଛନ୍ତି।
ପ୍ରଫେସର ଜ୍ୟାକବ ଆମେରିକାର ଟେମ୍ଫଲ ବିଶ୍ୱବିଦ୍ୟାଳୟରେ ଶିକ୍ଷାଦାନ କରନ୍ତି ଏବଂ ଜଣେ ୟୁଏଫଓ ବିଶେଷଜ୍ଞ ଭାବେ ମଧ୍ୟ କାର୍ଯ୍ୟକରୁଛନ୍ତି। ସେ ତାଙ୍କର ତଥ୍ୟକୁ ଏକ ଡକ୍ୟୁମେଣ୍ଟାରୀ ଆକାରରେ ଉପସ୍ଥାପନ କରିଛନ୍ତି। ତାଙ୍କର ସିଦ୍ଧାନ୍ତ ଏକ ଭୟଙ୍କର କଥା ସମ୍ପର୍କରେ ଉଲ୍ଲେଖ କରୁଛି। ସେ ଦାବି କରିଛନ୍ତି ଯେ ଏଲିଅନମାନେ ପୃଥିବୀ ଉପରେ ଆକ୍ରମଣ କରିବାକୁ ପ୍ରସ୍ତୁତ ହେଉଛନ୍ତି।
ଅପହରଣ କରିଥିବା ଲୋକଙ୍କ ମସ୍ତିଷ୍କ ଉପରେ ନିୟନ୍ତ୍ରଣ ପାଇଁ ଏଲିଅନମାନେ ଉଦ୍ୟମ କରୁଥିବା କହିଛନ୍ତି। ସେ କହିଛନ୍ତି ଯେ ଅପହରଣ ହୋଇଥିବା କିଛି ଲୋକ ୟୁଏଫ୍ଓ ଭିତରେ ମାନବ ପରି ଏଲିଏନ ଦେଖିଥିବାର ଦାବି କରିଛନ୍ତି। ଏବେ ଜ୍ୟାକବଙ୍କ ଏଭଳି ରିପୋର୍ଟ ନେଇ ଚର୍ଚ୍ଚା ଆରମ୍ଭ ହୋଇଛି।
