ମୁମ୍ବାଇ : ବଲିଉଡରେ ଜୁନିୟର ଏନଟିଆର ଏବଂ ହ୍ରିତିକ ରୋଶନଙ୍କୁ ନେଇ ଏବେ ଚର୍ଚ୍ଚା ଜାରି ରହିଛି। ଦୁହେଁ ହିନ୍ଦୀ ଫିଲ୍ମ ଓ୍ବାରର ସିରିଜ ଓ୍ବାର-୨ରେ ମୁଖ୍ୟ ଭୂମିକାରେ ଥିବା କୁହାଯାଉଛି। ଏହା ସହିତ ଫିଲ୍ମରେ ଚୁଲବୁଲି ନାୟିକା ଆଲିଆ ଭଟ୍ଟଙ୍କ ଏଣ୍ଟ୍ରି ହୋଇଛି। କୁହାଯାଉଛି ଟ୍ରିପଲ ଆର ପରେ ଆଲିଆ ଏବଂ ଜୁନିୟର ଏନଟିଆରଙ୍କ ଅଭିନୟ ପୁଣି ଦର୍ଶକଙ୍କୁ ଭାବପ୍ରବଣ କରିବାର ଖୋରାକ ଯୋଗାଇବ। ତେବେ ଏହି ଫିଲ୍ମର ଶୁଟିଂ ଏପର୍ଯ୍ୟନ୍ତ ଆରମ୍ଭ ହୋଇନାହିଁ। ମାତ୍ର ଫିଲ୍ମକୁ ନେଇ ପ୍ରତିଦିନ ନୂଆ ନୂଆ ଅପଡେଟ୍ସ ଆସିବାରେ ଲାଗିଛି।
ମିଡିଆ ରିପୋର୍ଟ ଅନୁସାରେ ଦିପିକା ପାଦୁକୋନ ଏହି ଫିଲ୍ମରେ ଲିଡ୍ ରୋଲରେ ନଜର ଆସିବାକୁ ଯାଉଛନ୍ତି। ଏହି ସ୍ପାଏ ଥ୍ରୀଲରରେ ଦିପିକାଙ୍କ ରୋଲ ଗୁରୁତ୍ୱପୂର୍ଣ୍ଣ ହେବ ବୋଲି ଚର୍ଚ୍ଚା ହେଉଛି। ତେବେ ଆଲିଆ ଦିପିକାଙ୍କ ଭଳି ଭୂମିକାରେ ନଜର ଆସିବେ ନାହିଁ। ତାଙ୍କର ରୋଲ ସଂକ୍ଷିପ୍ତ ଥିବା କୁହାଯାଉଛି। ମାତ୍ର ବର୍ତ୍ତମାନ ସୁଦ୍ଧା ପ୍ରଡକ୍ସନ ହାଉସ ପକ୍ଷରୁ ଏସମ୍ପର୍କିତ ସୂଚନା ନେଇ କିଛି ପ୍ରତିକ୍ରିୟା ପ୍ରକାଶ ପାଇନାହିଁ। ତେବେ ନିର୍ମାତା ଉଭୟ ଅଭିନେତ୍ରୀଙ୍କ ସହିତ ଆଲୋଚନା କରିଥିବା ବିଶେଷ ସୂତ୍ରରୁ ଖବର ମିଳିଥିବା ବଲିଉଡରେ ଚର୍ଚ୍ଚା ହେଉଛି।
https://www.instagram.com/p/CzLnsHIsv32/?utm_source=ig_embed&ig_rid=c526da13-1a13-4f2f-8c48-5b1542dbfc62
https://www.instagram.com/p/CysuHcurZGF/?utm_source=ig_embed&ig_rid=9d8c6d96-f352-4ab9-b804-b9a3a62e2ef7
https://www.instagram.com/p/CpoVZ08vBHJ/?utm_source=ig_embed&ig_rid=7309bf01-2639-4b15-8114-a4c2771fdc1d
