Posted inଜାତୀୟ

ମମତାଙ୍କୁ ସ୍ବାଗତ କଲେ ଅଖିଳେଶ

ଲକ୍ଷ୍ନୌ,୫।୧୨: ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ଜାତୀୟ ରାଜନୀତିରେ ଟିଏମ୍‌ସିର ପତିଆରା ବୃଦ୍ଧିକୁ ଦେଖି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସମ୍ଭାବ୍ୟ ବିକଳ୍ପକୁ ସ୍ବାଗତ କରିଛନ୍ତି। ମମତା ଜାତୀୟ ସ୍ତରରେ ବିରୋଧୀ ସାମ୍ମୁଖ୍ୟର ନେତୃତ୍ୱ ନେଲେ ସେଥିରେ ସାମିଲ ହେବେ ବୋଲି ଅଖିଳେଶ ସଙ୍କେତ ଦେଇଛନ୍ତି। କାରଣ ୟୁପିରୁ ଭାଜପାକୁ ହଟାଇବାକୁ ଚାହୁଁଥିବା ଅଖିଳେଶଙ୍କ ପାଇଁ କଂଗ୍ରେସ ନେତୃତ୍ୱ ଗ୍ରହଣୀୟ ନୁହେଁ ।
୨୦୨୨ ଉତ୍ତର ପ୍ରଦେଶ ବିଧାନସଭା ନିର୍ବାଚନକୁ ଆଉ କିଛି ମାସ ବାକିଥିବାବେଳେ ରାଜ୍ୟରୁ ଭାଜପା ସରକାରକୁ ହଟାଇ କ୍ଷମତାକୁ ଫେରିବା ସମାଜବାଦୀ ପାର୍ଟି (ଏସ୍‌ପି) ମୁଖିଆ ଅଖିଳେଶ ଯାଦବଙ୍କ ପାଇଁ ବଡ଼ ଚ୍ୟାଲେଞ୍ଜ ପାଲଟିଛି। ଏଥିଲାଗି ସେ ଛୋଟ ବିରୋଧୀ ଦଳଗୁଡ଼ିକୁ ନେଇ ୟୁପିରେ ଏକ ପ୍ଲାଟ୍‌ଫର୍ମ ତିଆରି କରୁଛନ୍ତି। ଏଭଳି ସମୟରେ ଜାତୀୟ ରାଜନୀତିରେ ତୃଣମୂଳ କଂଗ୍ରେସ(ଟିଏମ୍‌ସି)ର ପତିଆରା ବୃଦ୍ଧିକୁ ଦେଖି ଅଖିଳେଶ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସମ୍ଭାବ୍ୟ ବିକଳ୍ପକୁ ସ୍ବାଗତ କରିଛନ୍ତି। ମମତାଙ୍କ ନେତୃତ୍ୱରେ ଜାତୀୟ ସ୍ତରରେ ଏକ ବିକଳ୍ପ ରାଜନୈତିକ ସାମ୍ମୁଖ୍ୟ ଗଠନ ହେଲେ ଏସ୍‌ପି ସେଥିରେ ସାମିଲ ହୋଇପାରେ ବୋଲି ଅଖିଳେଶ ସଙ୍କେତ ଦେଇଛନ୍ତି। କାରଣ ଉଭୟ ମମତା ଓ ଅଖିଳେଶଙ୍କ ବଡ଼ଶତ୍ରୁ ଭାଜପା ହୋଇଥିବାବେଳେ କଂଗ୍ରେସ ନେତୃତ୍ୱକୁ ସ୍ବୀକାର କରି ବାଟ ଚାଲିବାକୁ ଦୁହେଁ ନାରାଜ।
ଟିଏମ୍‌ସି ସୁପ୍ରିମୋ ମମତା ବାନାର୍ଜୀ ଆଗାମୀ ଦିନରେ ଦୁଇ ବଡ଼ ଜାତୀୟ ଦଳ ଭାଜପା ଏବଂ କଂଗ୍ରେସ ପାଇଁ ସବୁଠୁ ବଡ଼ ଅଡ଼ୁଆ ସାଜିବାକୁ ଯାଉଛନ୍ତି, ଯାହାର ଫାଇଦା କେବଳ ଆଞ୍ଚଳିକ ଦଳଗୁଡ଼ିକୁ ମିଳିପାରେ। ମମତା ନିକଟରେ ସଂଯୁକ୍ତ ପ୍ରଗତିଶୀଳ ମେଣ୍ଟ (ଉପା) ଆଉ ନାହିଁ କହି କଂଗ୍ରେସର ରାଜନୈତିକ ସ୍ଥିତିକୁ ନେଇ ପ୍ରଶ୍ନ ଉଠାଇଥିଲେ। ଟିଏମ୍‌ସି ନେତ୍ରୀଙ୍କ ଏହି ମନ୍ତବ୍ୟ ଜାତୀୟ ରାଜନୀତିରେ ନୂଆ ସମୀକରଣ ସୃଷ୍ଟିର ଏକ ସଙ୍କେତ ବୋଲି ବିଶ୍ଳେଷକମାନେ ବିବେଚନା କରୁଛନ୍ତି। ସେପଟେ ୟୁପିରୁ ଯୋଗୀ ସରକାରଙ୍କୁ ହଟାଇବା ପାଇଁ ପ୍ରାଣପଣେ ଉଦ୍ୟମ କରୁଥିବା ଅଖିଳେଶ ମାରାଥନ୍‌ ରାଲି କରି ଭାଜପା ବିରୋଧରେ ଲୋକଙ୍କୁ ତତାଉଛନ୍ତି। ଏହି କ୍ରମରେ ଅଖିଳେଶ ଶୁକ୍ରବାର ଝାନ୍ସିରେ ଖବରଦାତାଙ୍କୁ ସମ୍ବୋଧିତ କରି କହିଥିଲେ, ମମତାଙ୍କୁ ସ୍ବାଗତ। ପଶ୍ଚିମବଙ୍ଗରେ ଭାଜପା ଯେପରି ମୂଳପୋଛ ହୋଇଗଲା ଏଠାକାର ଭୋଟର ଗୈରିକ ଦଳକୁ ସେପରି ହଟାଇଦେବେ। ସମାଜବାଦୀ ପାର୍ଟି ଆରମ୍ଭ କରିଥିବା ପୂର୍ବାଞ୍ଚଳ ଏକ୍ସପ୍ରେସଓ୍ବେକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉଦ୍‌ଘାଟନ କରିବା ହାସ୍ୟାସ୍ପଦ କଥା। ଭାଜପା ତାଙ୍କ ଅମଳରେ କରାଯାଇଥିବା ପ୍ରକଳ୍ପଗୁଡ଼ିକର ଶ୍ରେୟ ନେବାକୁ ଉଦ୍ୟମ କରୁଛି ବୋଲି ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ସମାଲୋଚନା କରିଥିଲେ।
ଏହି ଅବସରରେ ଅଖିଳେଶ କଂଗ୍ରେସକୁ ମଧ୍ୟ ଟାର୍ଗେଟ କରିବାକୁ ପଛାଇ ନ ଥିଲେ। ଉତ୍ତର ପ୍ରଦେଶର ଜନତା କଂଗ୍ରେସକୁ ଗ୍ରହଣ କରିବେ ନାହିଁ। ଆସନ୍ତା ନିର୍ବାଚନରେ ଏହି ଦଳକୁ ଶୂନ ଆସନ ମିଳିବ ବୋଲି ସେ କହିଥିଲେ। ପ୍ରକାଶ ଯେ, କଂଗ୍ରେସ ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧୀ ଭଦ୍ରା ଗୁରୁବାର ମୋରାଦାବାଦରେ ଏକ ସଭାକୁ ସମ୍ବୋଧନ ଅବସରରେ ଲଖିମପୁର ଖେରି ହିଂସା ପ୍ରସଙ୍ଗରେ ଅଖିଳେଶଙ୍କ ନୀରବତାକୁ ନେଇ ପ୍ରଶ୍ନ କରିଥିଲେ। ୨୦୧୭ ବିଧାନସଭା ନିର୍ବାଚନରେ ଏସ୍‌ପି ଏବଂ କଂଗ୍ରେସ ଏକାଠି ଲଢ଼ିଥିଲେ। ଉତ୍ତର ପ୍ରଦେଶ କଂଗ୍ରେସକୁ ପ୍ରତ୍ୟାଖ୍ୟାନ କରିଦେଇଥିବାରୁ କଂଗ୍ରେସ ସହ ମେଣ୍ଟକୁ ନେଇ ଆମର ଭଲ ଅନୁଭୂତି ନାହିଁ ବୋଲି ଅଖିଳେଶ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଶରଦ ପାୱାରଙ୍କୁ ଭେଟିଲେ ମମତା, ରାଷ୍ଟ୍ରପତି ନିର୍ବାଚନକୁ ନେଇ ହେଲା ଆଲୋଚନା

ନୂଆଦିଲ୍ଲୀ,୧୪ ।୬: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଙ୍ଗଳବାର ଦିଲ୍ଲୀରେ ଏନସିପି ମୁଖ୍ୟ ଶରଦ ପାୱାରଙ୍କୁ ଭେଟିଛନ୍ତି । ସୂତ୍ରରୁ ମିଳିଥିବା ସୂଚନା ଅନୁଯାୟୀ ଉଭୟ...

ଟିକାକରଣ ପ୍ରମାଣପତ୍ରରେ ପୁଣି ରହିବ ପ୍ରଧାନମନ୍ତ୍ରୀଙ୍କ ଫଟୋ…

ନୂଆଦିଲ୍ଲୀ, ୨୬।୩ : ଉତ୍ତରପ୍ରଦେଶ ସମେତ ପାଞ୍ଚଟି ରାଜ୍ୟରେ ବିଧାନସଭା ନିର୍ବାଚନ ସମାପ୍ତ ହେବା ସହିତ କେନ୍ଦ୍ର ସରକାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଫଟୋ ପୁଣି...

୨୦୨୦ ସୁଦ୍ଧା ୨୧ ଭାରତୀୟ ସହର ହେବ ଭୂତଳ ଜଳ ଶୂନ୍ୟ: ନୀତି ଆୟୋଗ ରିପୋର୍ଟ

ନୂଆଦିଲ୍ଲୀ,୨୦।୬: ଦେଶରେ ଜଳସଙ୍କଟ ଉତ୍କଟ ହେବାରେ ଲାଗିଛି। ଜଳବାୟୁ ପରିବର୍ତ୍ତନ ତଥା କଂକ୍ରିଟ୍‌ ଜଙ୍ଗଲ ଯୋଗୁ ଧୀରେଧୀରେ ଭୂତଳ ଜଳସ୍ତର କମିବାରେ ଲାଗିଛି। ଆସନ୍ତା ୨୦୨୦...

ଧୂଳିମାଟି ଖେଳ କମାଇବ ପାଠପଢ଼ା ବୋଝ

ସୁରତ: ସକାଳ ସାଢ଼େ ୬ରୁ ୭ଟା ଭିତରେ ଟ୍ୟୁଶନ୍‌। ୧୦ଟାରୁ ୪ଟା ସ୍କୁଲ। ଏହା ପରେ ପୁଣି ୫ଟାରୁ ଟ୍ୟୁଶନ୍‌। ଘରକୁ ଫେରି ହୋମ୍‌ଓ୍ବାର୍କ। ଏହା...

ଦିନେ ବଢ଼ିଲେ ଦିନେ କମୁଛି: ଚିନ୍ତା ବଢ଼ାଉଛି ରାଜଧାନୀ

ନୂଆଦିଲ୍ଲୀ,୧୨।୫: ରାଜଧାନୀ ଦିଲ୍ଲୀରେ କରୋନା ସଂକ୍ରମଣ ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଦିନେ କରୋନା ସଂକ୍ରମଣ ବଢ଼ୁଛି ତ ଦିନେ କମୁଥିବା ପରିଲକ୍ଷିତ ହୋଇଛି।...

ନାବାଳିକା ବଳାତ୍କାର ମାମଲାକୁ ନେଇ ଗୋଆ ମୁଖ୍ୟମନ୍ତ୍ରୀଙ୍କ ବିବାଦୀୟ ବୟାନ

ପଣଜି,୨୯ ।୭: ଗୋଆରେ ନିକଟରେ ୨ ନାବାଳିକାଙ୍କ ବଳାତ୍କାର ଘଟଣା ଚର୍ଚ୍ଚାକୁ ଆସିଥିଲା । ଏହି ଘଟଣାର ନିନ୍ଦା ମଧ୍ୟ କରାଯାଇଥିଲା । ଏବେ ଏହାକୁ...

ଦିଲ୍ଲୀ-ବେଙ୍ଗାଲୁରୁୁ ବିମାନରେ ଏକୁଟିଆ ଯାତ୍ରା କଲେ ୫ ବର୍ଷର ଶିଶୁ

ବେଙ୍ଗାଲୁରୁ,୨୫।୫: ପାଖାପାଖି ୨ ମାସ ପରେ ସୋମବାରଠାରୁ ଘରୋଇ ବିମାନ ସେବା ଆରମ୍ଭ ହୋଇଛି। ଏହି ଅବସରରେ ଦିଲ୍ଲୀରୁ ଏକ ବିମାନ ବେଙ୍ଗାଲୁରୁରେ ପହଞ୍ଚିଥିଲା। ଏହି...

କିନ୍ନରଙ୍କ ସୁରକ୍ଷା-ଥଇଥାନ ପ୍ରତି ଦୃଷ୍ଟି ଦେବାକୁ ରାଜ୍ୟ ସରକାରଙ୍କୁ ନିର୍ଦ୍ଦେଶ

ନୂଆଦିଲ୍ଲୀ, ୨୩।୧: ବିଭିନ୍ନ ରାଜ୍ୟରେ ଥିବା କିନ୍ନରଙ୍କ ସୁରକ୍ଷା ଏବଂ ଥଇଥାନ ପ୍ରତି ଦୃଷ୍ଟି ଦେବାକୁ ନିର୍ଦ୍ଦେଶ ଜାରି ହୋଇଛି। ସ୍ବରାଷ୍ଟ୍ରମନ୍ତ୍ରଣାଳୟ ପକ୍ଷରୁ ଏନେଇ ରାଜ୍ୟ...

Advertisement
Archives

Model This Week