ମୁମ୍ବାଇ: ବଲିଉଡ ଅଭିନେତା ଅଜୟ ଦେବଗନ ୨୦୧୧ରେ ନିର୍ଦ୍ଦେଶକ ରୋହିତ ସେଟ୍ଟିଙ୍କ ଆକ୍ସନ ଫିଲ୍ମ ‘ସିଂଘମ’ ଫିଲ୍ମରେ ସେ ବାଜିରାଓ ସିଂଘମ ଭୂମିକାରେ ଦର୍ଶକଙ୍କ ମନ ଜିଣିଥିଲେ । ଏହାପରେ ସିଂଘମ ଫିଲ୍ମର ସଫଳତାକୁ ଦେଖି ମେକର୍ସ ୨୦୧୪ରେ ଏହାର ସିକ୍ୱିଏଲ ସିଂଘମ ରିଟର୍ନସ ନିର୍ମାଣ କରିଥିଲେ । ଏହା ବି ବକ୍ସ ଅଫିସରେ ହିଟ୍ ହୋଇଥିଲା । ଏବେ ଅଭିନେତା ସୋସିଆଲ ମିଡିଆରେ ତାଙ୍କର ଲାଟେଷ୍ଟ ପୋଷ୍ଟ ଜରିଆରେ ସିଂଘମ ୩ ବିଷୟରେ ଇସାରା କରିଛନ୍ତି । ତେବେ ସେ କେଉଁ ଫିଲ୍ମର ସିକ୍ୱଏଲ ନିର୍ମାଣ କରିବାକୁ ଚାହିଁବେ ବୋଲି ପ୍ରଶ୍ନ କରାଯିବାରୁ ଉତ୍ତରରେ ଦେବଗନ କହିଥିଲେ ଯାହାର ବ୍ୟାକ ଗ୍ରାଉଣ୍ଡରେ ସିଂଘମର ଗୀତ ବାଜୁଥିବ । ତେଣୁ ଏହି କଥାରୁ ଅନୁମାନ କରାଯାଉଛି କି ଖୁବଶୀଘ୍ର ସିଂଘମ ୩ ଆସିପାରେ ।
ଅଜୟଙ୍କର ପାଇପଲାଇନରେ କିଛି ଫିଲ୍ମ ରହିଛି । ୨୫ଫେବୃୟାରୀକୁ ରିଲିଜ୍ ହେବାକୁ ଥିବା ଆଲିଆ ଭଟ୍ଟଙ୍କ ନିର୍ଦ୍ଦେଶିତ ‘ଗଂଗୁବାଇ କାଠିଆୱାଡି’ରେ ଅଭିନେତା କୈମିଓ ରୋଲରେ ନଜର ଆସିବେ । ଦୁଇ ଲମ୍ବା ଦଶକ ପରେ ପୁଣିଥରେ ଏହି ଫିଲ୍ମ ଜରିଆରେ ସଞ୍ଜୟ ଲିଲା ଭଂସାଲିଙ୍କ ସହ କାମ କରିଛନ୍ତି । ଏହା ବ୍ୟତୀତ ଅଜୟ ଦେବଗନ ଆର୍ଆର୍ଆର୍, ରନୱେ ୩୪, ମୈଦାନ, ସର୍କସ, ଥ୍ୟାଙ୍କ ଗଡ ଓ ଭୋଲା ଭଳି ଫିଲ୍ମରେ ନଜର ଆସିବେ ।
