ମୁମ୍ବାଇ: କାନ୍ସ ଫିଲ୍ମ ଫେଷ୍ଟିଭାଲରେ ଯୋଗଦେବା ପରେ ନୀଳନୟନା ଐଶ୍ୱର୍ଯ୍ୟା ରାୟ ବଚ୍ଚନ ଭାରତ ଫେରିଛନ୍ତି। ଶନିବାର ରାତିରେ ସ୍ବାମୀ ଅଭିଷେକ, ଝିଅ ଆରାଧ୍ୟାଙ୍କ ସହ ଐଶ୍ୱର୍ଯ୍ୟାଙ୍କୁ ଏକାଠି ମୁମ୍ବାଇ ବିମାନବନ୍ଦରରେ ଦେଖିବାକୁ ମିଳିଥିଲା। ଐଶ୍ୱର୍ଯ୍ୟା ଏକ କଳା ରଙ୍ଗର ଟି-ଶର୍ଟ ଏବଂ ଡେନିମ ସହିତ ଲାଲ୍ ଜ୍ୟାକେଟ ପିନ୍ଧିଥିବାବେଳେ ଆରାଧ୍ୟା ମଧ୍ୟ ଏକ ଧଳା ଜ୍ୟାକେଟ ଏବଂ ନୀଳ ରଙ୍ଗର ଡେନିମ୍ ପିନ୍ଧିଥିଲେ।
ଫଟୋଗ୍ରାଫର ବୀର ଭୟାନୀ ତାଙ୍କ ଇନ୍ଷ୍ଟାଗ୍ରାମ ହ୍ୟାଣ୍ଡେଲରେ ଏକ ଭିଡିଓ ଶେୟାର କରିଛନ୍ତି। ଯେଉଁଥିରେ ଐଶ୍ ଝିଅ ଆରାଧ୍ୟାଙ୍କ ହାତ ଧରିଥିବାର ନଜର ଆସିଛନ୍ତି। ଐଶ୍ୱର୍ଯ୍ୟା କିଛି ସମୟ ପାଇଁ ଅଟକି ରହି ଅଭିଷେକଙ୍କୁ କିଛି କହୁଛନ୍ତି। ପରେ ଅଭିଷେକ ତାଙ୍କ ମାସ୍କ କାଢୁଛନ୍ତି। ଏହା ପରେ ଅଭିଷେକ ଐଶ୍ୱର୍ଯ୍ୟା ଏବଂ ଆରାଧ୍ୟାଙ୍କୁ ଏକ କାର୍କୁ ଆଣିଛନ୍ତି। ଐଶ୍ୱର୍ଯ୍ୟା କାର୍ରେ ବସିବା ପରେ ଡୋର୍ ବନ୍ଦ କରୁଛନ୍ତି। ଲୋକମାନେ ଅଭିଷେକଙ୍କ ଏହି ଆଚରଣକୁ ବହୁତ ପସନ୍ଦ କରିଛନ୍ତି। ୟୁଜରମାନେ ତାଙ୍କୁ ବହୁତ ପ୍ରଶଂସା କରୁଛନ୍ତି।
ଜଣେ ୟୁଜର ଲେଖିଛନ୍ତି, ମୋର ପ୍ରିୟ ପରିବାର। ଅନ୍ୟ ଜଣେ ୟୁଜର ଲେଖିଛନ୍ତି ସୁନ୍ଦର ପରିବାର। ଅନେକ ଐଶ୍ୱର୍ଯ୍ୟାଙ୍କୁ ପ୍ରଶଂସା କରିଛନ୍ତି। କାରଣ ସେ ସବୁବେଳେ ଝିଅ ଆରାଧ୍ୟାଙ୍କ ହାତ ଧରିଥିବାର ଦେଖାଯାଏ । ଐଶ୍ୱର୍ଯ୍ୟା ସ୍ବାମୀ ଅଭିଷେକ ଏବଂ ଝିଅ ଆରାଧ୍ୟାଙ୍କ ସହ କାନ୍ସ ଫିଲ୍ମ ଫେଷ୍ଟିଭାଲରେ ଯୋଗ ଦେବାକୁ ଯାଇଥିଲେ। ମୁମ୍ବାଇ ଫେରିବା ପରେ ସେ ଫଟୋଗ୍ରାଫରଙ୍କୁ ଦେଖି ହାତ ହଲାଇ ଅଭିନନ୍ଦନ ଜଣାଇଛନ୍ତି।
