ଥିରୁଭାନନ୍ତପୁରମ୍,୨୪।୨: କାଲିକଟରୁ ଡାମାମ ଯାଉଥିବା ଏକ ବିମାନ ଥିରୁଭାନନ୍ତପୁରମ୍ ଅନ୍ତର୍ଜାତୀୟ ବିମାନବନ୍ଦରରେ ଜରୁରୀ ଅବତରଣ କରିଛି। ବିମାନରେ ଯାନ୍ତ୍ରିକ ତ୍ରୁଟି ଦେଖାଯିବା ପରେ ଜରୁରୀ ଅବତରଣ କରିଥିବା ସୂଚନା ମିଳିଛି। ଏହାପରେ ଥିରୁଭାନନ୍ତପୁରମ୍ ବିମାନବନ୍ଦରରେ ସମ୍ପୂର୍ଣ୍ଣ ଜରୁରୀକାଳୀନ ପରିସ୍ଥିତି ଘୋଷଣା କରାଯାଇଥିଲା।
ମିଳିଥିବା ସୂଚନା ଅନୁଯାୟୀ, ଏୟାର୍ ଇଣ୍ଡିଆ ଏକ୍ସପ୍ରେସ ଆଇଏକ୍ସ୩୮୫ ବିମାନଟି ଆଜି ସକାଳ ପ୍ରାୟ ୯.୪୪ରେ କାଲିକଟସ୍ଥିତ ବିମାନବନ୍ଦରରୁ ଉଡାଣ ଭରିଥିଲା। ତେବେ ଉଡାଣ ଭରିବାର ୨ ଘଣ୍ଟା ପରେ ଅର୍ଥାତ୍ ଦିନ ୧୨.୧୫ରେ ବିମାନବନ୍ଦରରେ ଅବତରଣ କରିଥିଲା। ଜରୁରୀ ଅବତରଣ ସମୟରେ ବିମାନରେ ପ୍ରାୟ ୧୮୨ ଜଣ ଯାତ୍ରୀ ଥିଲେ। ତେବେ କୌଣସି ଯାତ୍ରୀଙ୍କ କ୍ଷତି ହୋଇନାହିଁ। ପାଇଲଟ ମଝି ଆକାଶରେ ବିମାନରେ ଯାନ୍ତ୍ରିକ ତ୍ରୁଟି ବିଷୟରେ ସୂଚନା ପାଇଥିଲେ।
