ପ୍ରତିବର୍ଷ ମେ ୧୮ରେ ବିଶ୍ୱ ଏଡ୍ସ ଟିକା ଦିବସ ପାଳନ କରାଯାଇଥାଏ। ଏହି ଦିବସ ଅବସରରେ ଏଚଆଇଭି ଟିକା ସମ୍ପର୍କରେ ସଚେତନତା ସୃଷ୍ଟି କରାଯାଇଥାଏ। ଏହି ଦିବସ ପାଳନ ଅବସରରେ ଟିକା ପ୍ରସ୍ତୁତି କ୍ଷେତ୍ରରେ ମିଳିତ ଭାବରେ କାର୍ଯ୍ୟ କରିଥିବା ଏଚ୍ଆଇଭି / ଏଡ୍ସ ମହାମାରୀର ପ୍ରତିକ୍ରିୟାର ଏକ ଗୁରୁତ୍ୱପୂର୍ଣ୍ଣ ଉପାଦାନ ଭାବରେ ନୂତନ ଜ୍ଞାନକୌଶଳ ବିକଶିତ କରିବାରେ ଉଲ୍ଲେଖନୀୟ କାର୍ଯ୍ୟ କରିଥିବା ହଜାର ହଜାର ସ୍ବେଚ୍ଛାସେବୀ, ସ୍ବାସ୍ଥ୍ୟ ବିଶେଷଜ୍ଞ, ସମର୍ଥକ ଏବଂ ବୈଜ୍ଞାନିକଙ୍କୁ ସ୍ମରଣ କରାଯାଇଥାଏ।
ଏଡ୍ସ ଟିକା ଦିବସର ପ୍ରସ୍ତାବ ୧୮ ମେ ୧୯୯୭ ମସିହାରେ ତତ୍କାଳୀନ ରାଷ୍ଟ୍ରପତି ବିଲ୍ କ୍ଲିଣ୍ଟନଙ୍କ ଦ୍ୱାରା ମୋର୍ଗାନ ଷ୍ଟେଟ ୟୁନିଭରସିଟିରେ ତାଙ୍କ ଭାଷଣରେ ଆଗତ କରାଯାଇଥିଲା। ବିଜ୍ଞାନ ଏବଂ ପ୍ରଯୁକ୍ତିବିଦ୍ୟାର ବିକଶିତ ଯୁଗରେ ନୂତନ ଲକ୍ଷ୍ୟ ସ୍ଥିର କରିବାକୁ ଏବଂ ଆଗାମୀ ଏକ ଦଶନ୍ଧି ମଧ୍ୟରେ ଏଡ୍ସ ଟିକା ବିକଶିତ କରିବାକୁ କ୍ଲିଣ୍ଟନ ବିଶ୍ୱସ୍ତରରେ ଆହ୍ବାନ ଦେଇଥିଲେ। ସେ କହିଥିଲେ, କେବଳ ପ୍ରକୃତ ପ୍ରଭାବଶାଳୀ, ପ୍ରତିଷେଧକ ଏଚ୍ଆଇଭି ଟିକା ଏଡ୍ସର ବିପଦକୁ ସୀମିତ କରିପାରେ ଏବଂ ଶେଷରେ ଏହାକୁ ଦୂର କରିପାରିବ।
କ୍ଲିଣ୍ଟନଙ୍କ ଭାଷଣର ବାର୍ଷିକୀ ପାଳନ ପାଇଁ ୧୮ ମେ ୧୯୯୮ରେ ପ୍ରଥମ ବିଶ୍ୱ ଏଡ୍ସ ଟିକା ଦିବସ ପାଳନ କରାଯାଇଥିଲା ଏବଂ ଏହି ପରମ୍ପରା ଆଜି ମଧ୍ୟ ଜାରି ରହିଛି। ପ୍ରତିବର୍ଷ ବିଶ୍ୱ ଏଡ୍ସ ଟିକାକରଣ ଦିବସରେ ପୃଥିବୀର ବିଭିନ୍ନ ସମ୍ପ୍ରଦାୟ ବିଭିନ୍ନ ପ୍ରକାରର କାର୍ଯ୍ୟକ୍ରମ ଆୟୋଜନ କରିଥାନ୍ତି। ଏଡ୍ସ ଟିକା ପାଇଁ ସଚେତନତା ସୃଷ୍ଟି କରିବା, ସମ୍ପ୍ରଦାୟରେ ଏଚ୍ଆଇଭି ରୋକିବା ଏବଂ ଏଡ୍ସ ଟିକା ପାଇଁ ଗବେଷଣା ବିଷୟରେ ଶିକ୍ଷା ଦେବା ଓ ସାଧାରଣ ଲୋକ କିପରି ଭାବରେ ଏହାର ଅଂଶ ହୋଇପାରିବେ ସେଥିପ୍ରତି ଧ୍ୟାନ ଦେବା, ମହାମାରୀକୁ ରୋକିବା ପାଇଁ ଆନ୍ତର୍ଜାତୀୟ ଉଦ୍ୟମ ଆଦି ସମ୍ପର୍କରେ ଏହି ଦିବସ ପାଳନ ଅବସରରେ ସଚେତନତା ସୃଷ୍ଟି କରାଯାଇଥାଏ।
ହେଉଛି ଏକ ଭୂତାଣୁ, ଯାହା ଶରୀରର ପ୍ରତିରକ୍ଷା ପ୍ରଣାଳୀ ଉପରେ ଆକ୍ରମଣ କରିଥାଏ। ଛୁଞ୍ଚି, ରକ୍ତ କିମ୍ବା ଅସୁରକ୍ଷିତ ଶାରୀରିକ ସମ୍ପର୍କ ଦ୍ୱାରା ଏହା ସଂକ୍ରମଣ ହୋଇଥାଏ। ଗର୍ଭାବସ୍ଥାରେ ଏହା ମା’ଠାରୁ ପିଲା ଶରୀରକୁ ମଧ୍ୟ ଯାଇପାରେ। କିଛି ସପ୍ତାହ ମଧ୍ୟରେ ଏହାର ସଂକ୍ରମଣ ଯୋଗୁ ଜ୍ୱର, ଗଳା ଯନ୍ତ୍ରଣା ଏବଂ ଥକାପଣ,ଫ୍ଲୁ ଭଳି ଲକ୍ଷଣ ପ୍ରକାଶ ପାଇଥାଏ। ଯଦିଓ ଆଣ୍ଟିରେଟ୍ରୋଭାଇରାଲ ଥେରାପି ଏହି ସମସ୍ୟାର ସଂକ୍ରମଣକୁ ରୋକିଥାଏ, ତଥାପି ଏପର୍ଯ୍ୟନ୍ତ ଏହାର କୌଣସି ସ୍ଥାୟୀ ଚିକିତ୍ସା ବିକଶିତ ହୋଇନାହିଁ ।
ଫଳସ୍ବରୂପ, ଏଚ୍ଆଇଭିର ସଂକ୍ରମଣରୁ ଦୂରେଇ ରହିବା ପାଇଁ ଟିକା ବ୍ୟବହୃତ ହୋଇଥାଏ। ଟିକାଗୁଡ଼ିକ ସମସ୍ୟାର ବିକାଶକୁ ତ୍ୱରାନ୍ବିତ କରିବା ହ୍ରାସ କରିଥାଏ।
ଶେଷ ସୁଦ୍ଧା ପ୍ରାୟ ୩୮ ନିୟୁତ ଲୋକ ଏହାଦ୍ୱାରା ଆକ୍ରାନ୍ତ ହୋଇ ଜୀବନଯାପନ କରୁଛନ୍ତି। ସଂକ୍ରମଣ ଏକ ପରିଚାଳନାଯୋଗ୍ୟ କ୍ରନିକ ସ୍ବାସ୍ଥ୍ୟ ଅବସ୍ଥାରେ ପରିଣତ ହୋଇଛି, ଯାହାକି ଆକ୍ରାନ୍ତ ବ୍ୟକ୍ତିବିଶେଷଙ୍କୁ ବଞ୍ଚିବାର ରାହା ଦେଖାଇଛି।
