ଥିରୁଭାନନ୍ତପୁରମ୍,୨୨।୧୧:ପୂର୍ବତନ ଦଳର ଭାରତ ଦ୍ରୁତ ବୋଲର ଏସ ଶ୍ରୀସନ୍ତ ୭ ବର୍ଷର ନିଷେଧାଦେଶ ଶେଷ ହେବା ପରେ ପୁଣି ଥରେ ପଡ଼ିଆକୁ ଫେରିବାକୁ ପ୍ରସ୍ତୁତ ଅଛନ୍ତି। ସେ କେରଳ କ୍ରିକେଟ ଆସୋସିଏସନ ଦ୍ୱାରା ଆୟୋଜିତ ହେବାକୁ ଥିବା ପ୍ରେସିଡେଣ୍ଟ ଟି -୨୦ ଲିଗ୍ରେ ଭାଗ ନେବେ ବୋଲି ଜଣାପଡିଛି। ସ୍ପଟ ଫିକ୍ସିଂ ଅଭିଯୋଗରେ ୨୦୧୩ରୁ ଶ୍ରୀସନ୍ତଙ୍କୁ କ୍ରିକେଟ ଖେଳିବା ଉପରେ ପ୍ରତିବନ୍ଧକ ଲଗାଯାଇଥିଲା। ଚଳିତ ବର୍ଷ ସେପ୍ଟେମ୍ବରରେ ତାଙ୍କର ୭ ବର୍ଷର ପ୍ରତିବନ୍ଧକ ଶେଷ ହେବା ପରେ ସେ ବର୍ତ୍ତମାନ ପଡ଼ିଆକୁ ଫେରିବାକୁ ପ୍ରସ୍ତୁତ ଅଛନ୍ତି। ଆସନ୍ତା ମାସରୁ କେରଳ କ୍ରିକେଟ ଆସୋସିଏସନ ଆଲାପୁଜାଠାରେ ପ୍ରେସିଡେଣ୍ଟ ଟି -୨୦ ଲିଗ ଆୟୋଜନ ହେବ। ଏଥିରେ ଶ୍ରୀସନ୍ତ ମଧ୍ୟ ସାମିଲ ହେବେ। ଝାଡଖଣ୍ଡ, ଆନ୍ଧ୍ରପ୍ରଦେଶ ପରେ କେରଳ ଏବେ ଟି-୨୦ ଲିଗ ଆୟୋଜନ କରିବାକୁ ନିଷ୍ପତ୍ତି ନେଇଛି। ଯଦିଓ ଏହା ସରକାରଙ୍କ ଅନୁମୋଦନକୁ ଅପେକ୍ଷା କରିଛି, ତଥାପି ଶ୍ରୀସନ୍ତଙ୍କ ପ୍ରତ୍ୟାବର୍ତ୍ତନ ନିଷ୍ପତ୍ତି ନିଆଯାଉଛି। କେରଳ କ୍ରିକେଟ ଆସୋସିଏସନର ସଭାପତି ନିଜେ ନିଶ୍ଚିତ କରିଛନ୍ତି। ସୂଚନାଯୋଗ୍ୟ, ଶ୍ରୀସନ୍ତ ଟିମ ଇଣ୍ଡିଆର ଅଗ୍ରଣୀ ବୋଲରମାନଙ୍କ ମଧ୍ୟରୁ ଜଣେ ଥିଲେ। ୨୦୦୭ରେ ଧୋନୀଙ୍କ ଅଧୀନରେ ଟି -୨୦ ବିଶ୍ୱକପରେ ସେ ଅଂଶଗ୍ରହଣ କରିଥିଲେ। ଏହାର ୪ ବର୍ଷ ପରେ ସେ ମଧ୍ୟ ଏକଦିବସୀୟ ବିଶ୍ୱକପ ବିଜେତା ଦଳର ଅଂଶ ହୋଇଥିଲେ। ଶ୍ରୀସନ୍ତ ଏପର୍ଯ୍ୟନ୍ତ ୬୦ଟି ଟି -୨୦ ମ୍ୟାଚ ଖେଳି ୫୦ଟି ଉଇକେଟ ନେଇଛନ୍ତି। ସେ ଆଇପିଏଲରେ କିଙ୍ଗସ ଏକାଦଶ ପଞ୍ଜାବ ଏବଂ ରାଜସ୍ଥାନ ରୟାଲ୍ସ ଭଳି ଦଳର ଅଂଶ ହୋଇଛନ୍ତି।
