ନୂଆଦିଲ୍ଲୀ,୨୮।୩: ଫିଲ୍ମ ‘ଦ କଶ୍ମୀର ଫାଇଲ୍ସ’ ରିଲିଜ ହେବା ପରଠୁ ଚର୍ଚ୍ଚାରେ ରହିଛି। ଏହାକୁ ନେଇ ଲଗାତାର ଦର୍ଶକ ପ୍ରତିକ୍ରିୟା ମଧ୍ୟ ଦେଉଛନ୍ତି। କେବଳ ସେତିକି ନୁହେଁ ଉତ୍ତର ଦିଲ୍ଲୀର ନଗରପାଳିକା ସ୍କୁଲର ନାମକୁ ବଦଳା ଯାଇ କଶ୍ମୀର ପଣ୍ଡିତ ନେତା ଟୀକାଲାଲ ଟପଲୁଙ୍କ ନାଁରେ ରଖାଯାଇଛି । ଯାହାଙ୍କ ୩୩ବର୍ଷ ପୂର୍ବରୁ ଶ୍ରୀନଗରରେ ମୃତ୍ୟୁ ହୋଇଥିଲା।
ଉତ୍ତର ଦିଲ୍ଲୀର ନଗରନିଗମ(ଏନଡିଏମସି)ଙ୍କ ତରଫରୁ ରବିବାର ଦିନ ଗୋଟିଏ କାର୍ଯ୍ୟକ୍ରମର ଆୟୋଜନ କରାଯାଇଥିଲା । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ କେନ୍ଦ୍ର ମନ୍ତ୍ରୀ ଜିତେନ୍ଦ୍ର ସିଂ ଯୋଗ ଦେଇଥିଲେ । ଏନଡିଏମସିର ଅଧ୍ୟକ୍ଷ ଡାକ୍ତର ଆଲୋକ ଶର୍ମା କହିଛନ୍ତି ଯେ, ଏନଡିଏମସି ପ୍ରାଇମେରୀ ସ୍କୁଲ’ର ନାମ ବଦଳାଇ ଟିକାଲାଲ ଟପଲୁ କରି ଦିଆଯାଇଛି । ସେ ଆହୁରି ମଧ୍ୟ କହିଛନ୍ତି ଯେ, କଶ୍ମୀର ପଣ୍ଡିତ ନେତା ଟୀକାଲାଲ ଟପଲୁଙ୍କ ନାଁରେ ସ୍କୁଲ ରଖିବାର ପ୍ରସ୍ତାବ ମେୟରଙ୍କୁ ଦେଇଥିଲେ ଯାହାକୁ ପରେ ଅନୁମତି ମିଳିଥିଲା ।
