ଜୀବନ ଜୀବିକା ଦୋଛକିରେ ଜିଲାବାସୀ

କେନ୍ଦ୍ରାପଡ଼ା ଅଫିସ, ୨୪।୪: ଶନିବାର ଓ ରବିବାର ଦୁଇଦିନ ଧରି କେନ୍ଦ୍ରାପଡ଼ା ଓ ପଟ୍ଟାମୁଣ୍ଡାଇ ସହରାଞ୍ଚଳରେ କରୋନା ସଂକ୍ରମଣକୁ ରୋକିବାକୁ ସପ୍ତାହାନ୍ତ କଟକଣା ଶୁକ୍ରବାର ରାତ୍ରି କର୍ଫୁରୁ ଏକ ପ୍ରକାର ଆରମ୍ଭ ହୋଇଛି। ସହର ମଧ୍ୟରେ ଦୋକାନ ବଜାର ବନ୍ଦ ରହିବା ସହ ରାତ୍ରିକାଳୀନ କର୍ଫୁକୁ ମାନିବା ପାଇଁ ଜିଲା ପ୍ରଶାସନ ପକ୍ଷରୁ ନିର୍ଦ୍ଦେଶନାମା ଜାରି ହୋଇଛି। ଅପରପକ୍ଷରେ ଜିଲାକୁ ୧୦ ଦିନ ପୂର୍ବରୁ ପ୍ରବାସୀଙ୍କ ସୁଅ ଛୁଟିଛି। ସେହି ପରିମାଣରେ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇଛି। ପ୍ରବାସୀଙ୍କ ଘରକୁ ଫେରିବା ଓ କରୋନା କଟକଣା ଏବେ ଜିଲାବାସୀଙ୍କ ଜୀବନ ଜୀବିକାକୁ ପ୍ରଭାବିତ କରିଛି। କର୍ମ ନିଯୁକ୍ତି ଓ ପରିବାର ଭରଣପୋଷଣ ଦୂରରେ ଜିଲାବାସୀ ଅଛନ୍ତି। କରୋନା କଟକଣା ମଧ୍ୟରେ ଜିଲାର ଛୋଟ ବ୍ୟବସାୟ ବନ୍ଦ ହୋଇଯିବ ବୋଲି ବ୍ୟବସାୟୀ ଓ ସ୍ଥାନୀୟ ଅଞ୍ଚଳବାସୀ ଆଶଙ୍କା ପ୍ରକଟ କରିଛନ୍ତି।
ସାମାଜିକ କର୍ମୀ ଅମରବର ବିଶ୍ୱାଳ, ଡ. ପି.ଏନ. ଗୌରାଙ୍ଗ, ସାମାଜିକ କର୍ମୀ ସୁନୀଲ କୁମାର ଗନ୍ତାୟତ, ପ୍ରତାପ କୁମାର ପାଢ଼ୀ ପ୍ରମୁଖ କହିଛନ୍ତି, ଜିଲାରେ ୨୦୨୦ ଏପ୍ରିଲ ୭ରୁ ଅଦ୍ୟାବଧି ୯,୫୫୩ ଜଣ କରୋନା ସଂକ୍ରମିତ ଚିହ୍ନଟ ହୋଇଛି। ଏଥିମଧ୍ୟରୁ ୩୨୧ଜଣ ଏବେ ଚିକିତ୍ସାଧୀନ ଅଛନ୍ତି। ୭ ଦିନର ହିସାବ ଅନୁଯାୟୀ ୨୪୦ଜଣ ସଂକ୍ରମିତ ଚିହ୍ନଟ ହେଲେଣି। ଅପରପକ୍ଷରେ ଗତବର୍ଷ କରୋନା ସଂକ୍ରମଣ ସମୟରେ ଜିଲାକୁ ମୋଟ ୧୦,୭୬୮ ଜଣ ପ୍ରବାସୀ ଆସିଥିବା ପଞ୍ଜୀକୃତ ହୋଇଥିବା ବେଳେ ବେସରକାରୀ ସୂତ୍ରରୁ ପ୍ରାୟ ୩ ଲକ୍ଷ ପ୍ରବାସୀ ଘରକୁ ଫେରିଥିଲେ। ସପ୍ତାହକ ମଧ୍ୟରେ ଜିଲାକୁ ଅନୂ୍ୟନ ୨୦ ହଜାର ପ୍ରବାସୀ ଫେରିଛନ୍ତି। କୋଲକାତା, ଗୁଜରାଟ, ଛତିଶଗଡ଼, କର୍ନାଟକ, କେରଳ, ଆନ୍ଧ୍ରପ୍ରଦେଶ ଆଦି ରାଜ୍ୟରୁ ଏମାନେ ଆସିଥିବାବେଳେ ଗତବର୍ଷ ପରି ଅସ୍ଥାୟୀ ସଙ୍ଗରୋଧ କେନ୍ଦ୍ରର ସୁବିଧା ପାଇନାହାନ୍ତି। ସଂକ୍ରମଣଜନିତ ଆଶଙ୍କା ଥିବାବେଳେ କର୍ମ ନିଯୁକ୍ତି ଏକ ସମସ୍ୟା ସୃଷ୍ଟି କରିବ। ସେହିପରି ରାଜ୍ୟ ସରକାରଙ୍କ ପଶ୍ଚିମବଙ୍ଗ କଟକଣା ଜିଲାର ଛୋଟ ବଡ଼ ବ୍ୟବସାୟକୁ ପ୍ରଭାବିତ କରିବ। ଜିଲାର ଅଧିକାଂଶ ବ୍ୟବସାୟ ପାଇଁ କୋଲକାତାରୁ ସାମଗ୍ରୀ ଆସେ। କପଡ଼ା, ପୋଷାକଠାରୁ ଆରମ୍ଭ କରି ରମଜାନ ମାସର ଫଳ ପର୍ଯ୍ୟନ୍ତ ଜିଲାର ବ୍ୟବସାୟୀ କୋଲକାତା ବଜାର ଉପରେ ନିର୍ଭର କରିଥାନ୍ତି। ତେବେ ପଶ୍ଚିମବଙ୍ଗରେ କରୋନାର ଟ୍ରିପଲ ମ୍ୟୁଟାଣ୍ଟ ଚିହ୍ନଟ ପରେ ରାଜ୍ୟ ସରକାର କଟକଣା ଜାରି କରିଛନ୍ତି। ସେହି ଅଞ୍ଚଳକୁ ଯିବାକୁ କୌଣସି କଟକଣା ନ ଥିବା ବେଳେ ଆସିବା ପରେ ୧୪ ଦିନ ବାଧ୍ୟତାମୂଳକ ସଙ୍ଗରୋଧ ନିୟମରେ ରହିବାକୁ ନିର୍ଦ୍ଦେଶନାମା ଜାରି ହୋଇଛି। ଏପରି କି ୪୮ ଘଣ୍ଟା ମଧ୍ୟରେ ପରୀକ୍ଷା ହୋଇଥିବା ରିପୋର୍ଟରେ ନେଗେଟିଭ କିମ୍ବା କରୋନା ଟିକାର ଦୁଇ ଡୋଜ ନେଇ ନ ଥିବା ଲୋକଙ୍କୁ ଗୃହ ମଧ୍ୟକୁ ପ୍ରବେଶ ନିଷିଦ୍ଧ ହୋଇଛି। ଏପରିସ୍ଥିତିରେ ଜିଲାର ଛୋଟ ବ୍ୟବସାୟୀ କୋଲକାତା ଯିବାକୁ ସାହସ କୁଳାଇ ପାରୁନାହାନ୍ତି। ସେହିପରି ଆନ୍ତଃରାଜ୍ୟ କଟକଣା ଯୋଗୁ କୋଲକାତା ବ୍ୟବସାୟୀ ଜିଲାକୁ ସାମଗ୍ରୀ ପଠାଇବା ସହଜ ହେଉନାହିଁ। କାରଣ କୋଲକାତାରୁ ବସ୍‌ ଚଳାଚଳ ବନ୍ଦ ରହିଛି। ଗୋଟିଏ ପଟରେ ସପ୍ତାହାନ୍ତ କଟକଣା ଓ ରାତ୍ରିକାଳୀନ କର୍ଫ୍ୟୁ ଥିବାବେଳେ ଜିଲାରେ ଚାହିଦା ମୁତାବକ ସାମଗ୍ରୀ ନ ପହଞ୍ଚତ୍ବା ଜୀବନ ଜୀବିକାକୁ ଦୋଛକିରେ ଛିଡା କରିଥିବା ସେମାନେ ପ୍ରକାଶ କରିଛନ୍ତି। ଏ ସମ୍ପର୍କରେ ଏଡିଏମ୍‌ ବସନ୍ତ କୁମାର ରାଉତ କହିଛନ୍ତି, ଜିଲାରେ କଟକଣା ସତ୍ତ୍ୱେ ଅତ୍ୟାବଶ୍ୟକ ସାମଗ୍ରୀର ପରିବହନକୁ ବନ୍ଦ କରାଯାଇନାହିଁ। ସେହିପରି ପ୍ରବାସୀଙ୍କ ପଞ୍ଜୀକରଣ ବ୍ୟବସ୍ଥା କିଛିଦିନ ମଧ୍ୟରେ ଆରମ୍ଭ ହେବ। ଛତା ଓ ପଟ୍ଟାମୁଣ୍ଡାଇଠାରେ କୋଭିଡ ଚିକିତ୍ସାଳୟ ଆରମ୍ଭ ହୋଇଥିବାରୁ ସଂକ୍ରମିତଙ୍କ ଚିକିତ୍ସା ବ୍ୟବସ୍ଥାରେ ସୁଧାର ଆସିବ ବୋଲି ସେ ମତ ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ବ୍ଲାକରୋଜ ଜାହାଜ ବୁଡ଼ି ମାମଲା; ହାଇକୋର୍ଟରେ ସିବିଆଇର୍ ସତ୍ୟପାଠ ଦାଖଲ

କଟକ,୧୯।୩ (କାର୍ତ୍ତିକ ସାହୁ) ବ୍ଲାରୋଜ ଜାହାଜ ବୁଡ଼ି ଘଟଣାର ସିବିଆଇ ତଦନ୍ତ ଦାବି ନେଇ ରୁଜୁ ମାମଲାରେ ସିବିଆଇ ପକ୍ଷରୁ ହାଇକୋର୍ଟରେ ମଙ୍ଗଳବାର ସତ୍ୟପାଠ ଦାଖଲ...

ଦୁଇ ବନ କର୍ମଚାରୀଙ୍କୁ ବାଜିଥିଲା ଗୁଳି : ଏସସିବି ସର୍ଜରୀ ବିଭାଗରେ ଭର୍ତ୍ତି

କଟକ,୧୯।୩(ଶିଳ୍ପା ପ୍ରିୟଦର୍ଶିନୀ): ଏସ୍‌ସିବି ମେଡିକାଲରେ ଗୁରୁତର ହୋଇ ଭର୍ତ୍ତି ହେଲେ ବାଲେଶ୍ୱର ଜିଲାର ଦୁଇ ବନ କର୍ମଚାରୀ । ସୋମବାର ବିଳମ୍ବିତ ରାତିରେ ପଞ୍ଚଲିଙ୍ଗେଶର ଅଭୟାରଣ୍ୟରେ...

ପରୀକ୍ଷା ଦେବାକୁ ଯାଉଥିଲେ ୨ ଛାତ୍ର: ଧକ୍କା ଦେଲା ଅଜଣା ଗାଡ଼ି, ଚାଲିଗଲା ଜୀବନ

ପାପଡ଼ାହାଣ୍ଡି,୧୯।୩(ସ୍ବପ୍ନଜିତ ପଟ୍ଟନାୟକ): ନବରଙ୍ଗପୁର ଜିଲା ପାପଡ଼ାହାଣ୍ଡି-ନବରଙ୍ଗପୁର ରାସ୍ତା ମୃଗବିହାର ନିକଟରେ ମଙ୍ଗଳବାର ଏକ ଗାଡ଼ି ଧକ୍କାରେ ଜଣେ କେନ୍ଦ୍ରୀୟ ବିଦ୍ୟାଳୟ ଛାତ୍ରଙ୍କ ମୃତ୍ୟୁ ଘଟିଛି। ମୃତ...

ଦୋଳ ପୂର୍ଣ୍ଣିମାରେ ଶ୍ରୀଜିଉଙ୍କ ସୁନାବେଶ

ପୁରୀ,୧୯।୩: ଶ୍ରୀମନ୍ଦିରରେ ଦୋଳ ପୂର୍ଣ୍ଣିମା ପାଇଁ ଛତିଶା ନିଯୋଗ ବୈଠକରେ ନୀତିକାନ୍ତି ଚୂଡାନ୍ତ ହୋଇଛି। ଶ୍ରୀମନ୍ଦିର ମୁଖ୍ୟ ପ୍ରଶାସକ ସମର୍ଥ ବର୍ମାଙ୍କ ଅଧ୍ୟକ୍ଷତାରେ ଏହି ବୈଠକ...

ଝାଟିମାଟି ଘରେ ଜୀବନ

ନାକଟିଦେଉଳ,୧୯ା୩(ବୈକୁଣ୍ଠ ନାଥ ସାହୁ): ଗରିବ ଅସହାୟ ପରିବାରକୁ ପକ୍କା ଘର ଯୋଗାଇଦେବାକୁ ସରକାର ଆବାସ ଯୋଜନା ପ୍ରଣୟନ କରିଛନ୍ତି। ଏଥିପାଇଁ ଉଭୟ ରାଜ୍ୟ ଓ କେନ୍ଦ୍ର...

ବନ କର୍ମଚାରୀଙ୍କୁ ଗୁଳି ମାରିଲେ ଶିକାରୀ

ନୀଳଗିରି,୧୯।୩ (ପ୍ରଶାନ୍ତ କୁମାର ବିଶ୍ବାଳ): ବନ କର୍ମଚାରୀଙ୍କୁ ଶିକାରୀଙ୍କ ଗୁଳିମାଡ଼। ଏପରି ଏକ ଅଘଟଣ ଗତକାଲି ବିଳମ୍ବିତ ରାତିରେ ବାଲେଶ୍ୱର ଜିଲା ନୀଳଗିରି କୁଲଡିହା ଅଭୟାରଣ୍ୟର...

ବିପଦସଙ୍କୁଳ ଅଚଳ ମୋବାଇଲ ଟାୱାର

ଯାଜପୁରରୋଡ୍‌,୧୯ା୩(ପବିତ୍ର ରଞ୍ଜନ ମହାନ୍ତି):ଯାଜପୁର ଜିଲାର ବିଭିନ୍ନ ଅଞ୍ଚଳରେ ଛତୁ ଫୁଟିଲା ପରି ମୋବାଇଲ ଟାୱାର ନିର୍ମାଣ ହୋଇଛି। ମୋବାଇଲ ଟାୱାର କମ୍ପାନୀଗୁଡ଼ିକ ସେମାନଙ୍କ ସୁବିଧା ଅନୁଯାୟୀ...

ନିଯୁକ୍ତି, କ୍ଷତିପୂରଣ ଅପେକ୍ଷାରେ ଜମିହରା

ଯାଜପୁର,୧୯ା୩(ହର୍ଷବର୍ଦ୍ଧନ ବେହେରା) :ରାଜ୍ୟ ସରକାରଙ୍କ ଦ୍ରୁତ ଶିଳ୍ପାୟନ ପ୍ରକ୍ରିୟାରେ ଯାଜପୁର ଜିଲା କଳିଙ୍ଗନଗରରେ ନବେ ଦଶକରୁ ବିପୁଳ ପରିମାଣରେ ସରକାରୀ ଓ ସାଧାରଣ ପ୍ରଜାଙ୍କ ଜମି...

Advertisement
Business Eminence Awards 2024

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri