ଚଣ୍ଡୀଗଡ଼,୫।୪: ପଞ୍ଜାବ ମୁଖ୍ୟମନ୍ତ୍ରୀ ଭଗବନ୍ତ ମାନଙ୍କ ସ୍ବତନ୍ତ୍ର ମୁଖ୍ୟ ଶାସନ ସଚିବ ଭାବେ ଗୌରବ ଯାଦବଙ୍କୁ ନିଯୁକ୍ତି କରାଯାଇଛି। ସେ ପଞ୍ଜାବ ପୋଲିସର ଏଡିଜିପି ଭାବେ ମଧ୍ୟ ଦାୟିତ୍ୱ ତୁଳାଇବେ। ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏବଂ ଗୌରବଙ୍କ ପୁରୁଣା ସମ୍ପର୍କ ରହିଛି। ୧୯୯୨ରେ ଉଭୟ ସିଭିଲ ସର୍ଭିସ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିଲେ। ଭାରତୀୟ ରାଜସ୍ବ ସେବା ପାଇଁ ଅରବିନ୍ଦ କେଜ୍ରିୱାଲ ମନୋନୀତ ହୋଇଥିବା ବେଳେ ଗୌରବ ଆଇପିଏସ୍ ପାଇଁ ମନୋନୀତ ହୋଇଥିଲେ। ଗୌରବ ଦୀର୍ଘ ଦିନ ହେଲା ପଞ୍ଜାବ ପୋଲିସରେ କାର୍ଯ୍ୟ କରିଆସୁଥିଲେ।
ଦ୍ୱିତୀୟ ଥର ପାଇଁ ଜଣେ ପୋଲିସ ଅଫିସରଙ୍କୁ ପଞ୍ଜାବର ସ୍ବତନ୍ତ୍ର ମୁଖ୍ୟ ଶାସନ ସଚିବ ଭାବେ ନିଯୁକ୍ତି କରାଯାଇଛି। ୨୦୧୭ରେ, ଆଡିସନାଲ ଡିଜିପି ହରପ୍ରୀତ ସିଂ ସିଦ୍ଧୁଙ୍କୁ ମଧ୍ୟ ଏହି ଦାୟିତ୍ୱ ମିଳିଥିଲା। ତାଙ୍କୁ ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂଙ୍କ ସ୍ବତନ୍ତ୍ର ମୁଖ୍ୟ ଶାସନ ସଚିବ କରାଯାଇଥିଲା। ପଞ୍ଜାବ ସହିତ ଗୌରବଙ୍କ ପୁରୁଣା ସମ୍ପର୍କ ରହିଛି। ସେ ରାଜ୍ୟରେ ଅନେକ ଗୁରୁତ୍ୱପୂର୍ଣ୍ଣ ପଦବୀରେ ଅବସ୍ଥାପିତ ହୋଇଛନ୍ତି।
