ମୁମ୍ବାଇ: ବଲିଉଡ୍ ସେଲିବ୍ରିଟିଙ୍କ ବିବାହ ପ୍ରଶଂସକଙ୍କ ପାଇଁ ଉତ୍ସାହର କଥା। ବିଶେଷକରି ପ୍ରଶଂସକମାନେ ସେମାନଙ୍କ ମନ ପସନ୍ଦର ଅଭିନେତ୍ରୀ-ଅଭିନେତାଙ୍କ ବିବାହ ଫଟୋ ଦେଖିବାକୁ ବେଶ୍ ଆଗ୍ରହୀ। କିନ୍ତୁ ଏବେ ଅଧିକାଂଶ ସେଲିବ୍ରିଟି ସେମାନଙ୍କ ବିବାହକୁ ଗୁପ୍ତ ରଖିବାକୁ ପସନ୍ଦ କରୁଛନ୍ତି। କାରଣ ସେଲିବ୍ରିଟିମାନେ ସେମାନଙ୍କ ବିବାହ ସମୟର ଫଟୋ ବିକ୍ରି କରି ଏଥିରୁ ରୋଜଗାର କରିଥାନ୍ତି। ବଡ଼ବଡ଼ ମ୍ୟାଗାଜିନ୍ ସେମାନଙ୍କ ଫଟୋ ନେଇ ମୋଟା ଅଙ୍କର ଅର୍ଥ ଦେଇଥାନ୍ତି। ଏବେ ଯେମିତି ଅଭିନେତ୍ରୀ ଅଭିନେତାଙ୍କ ବିବାହ ବ୍ୟବସାୟରେ ପରିଣତ ହୋଇଛି। କିନ୍ତୁ ବେଳେବେଳେ ବିବାହର କିଛି ଫଟୋ ଲିକ୍ ହୋଇଯାଇଥାଏ। ଜାଣନ୍ତୁ କେଉଁ ଅଭିନେତ୍ରୀ ସେମାନଙ୍କ ବିବାହ ଫଟୋ ବିକ୍ରି କରି କେତେ ଟଙ୍କା ରୋଜଗାର କରିଛନ୍ତି…
ଦେଶୀ ଗର୍ଲ ପ୍ରିୟଙ୍କା ଚୋପ୍ରା ଏବଂ ନିକ୍ ଜୋନାସ୍ଙ୍କ ବିବାହ ଖୁବ୍ ଧୂମ୍ଧାମରେ ହୋଇଥିଲା। ୨୦୧୮ରେ ଏହି ଯୋଡ଼ି ବିବାହ ବନ୍ଧନରେ ବାନ୍ଧି ହୋଇଥିଲେ। ହିନ୍ଦୁ ରୀତିନୀତି ଅନୁଯାୟୀ ଏହି ବିବାହ ସମ୍ପନ୍ନ ହୋଇଥିଲା। ପ୍ରିୟଙ୍କା ତାଙ୍କ ବିବାହରେ ମୋବାଇଲ ବ୍ୟବହାର ନ କରିବାକୁ ଅତିଥିମାନଙ୍କୁ ବାରଣ କରିଥିଲେ। ଏହାର ବଡ଼ କାରଣ ଥିଲା ଏହି ଯୋଡ଼ିଙ୍କ ବିବାହ ଫଟୋ ସୋସିଆଲ ମିଡିଆରେ ଛାଇଯିବ। ତେଣୁ ସେମାନେ ଏଥିପ୍ରତି ପ୍ରତିବନ୍ଧକ ଲଗାଇଥିଲେ। ପରେ ତାଙ୍କ ବିବାହ ଫଟୋକୁ ୧୮ କୋଟି ଟଙ୍କାରେ ବିକ୍ରି କରିଥିଲେ।
ସେହିପରି ଅଭିନେତ୍ରୀ ଅନୁଷ୍କା ଶର୍ମା କ୍ରିକେଟର ବିରାଟ କୋହଲିଙ୍କ ହାତ ଧରିଥିଲେ। ଏମାନେ ମଧ୍ୟ ତାଙ୍କ ବିବାହକୁ ଗୁପ୍ତ ରଖିବାକୁ ଚାହିଁଥିଲେ। ଏହି ଯୋଡ଼ି ଇଟାଲୀରେ ବିବାହ କରିଥିଲେ। ସେତେବେଳେ ଏହି ଯୋଡ଼ିଙ୍କ ଫଟୋ କିଛି ଲିକ୍ ହୋଇଯାଇଥିଲା। ପରେ ସେମାନେ ତାଙ୍କ ଫଟୋଗୁଡ଼ିକୁ ଏକ ମ୍ୟାଗାଜିନକୁ ବ୍ରିକ୍ରି କରିଥିଲେ। ଅବଶ୍ୟ ଏଥିରୁ ଯେଉଁ ଅର୍ଥ ମିଳିଥିଲା ସେମାନେ ଏହାକୁ ଦାନ କରି ଦେଇଥିଲେ।
ସେହିପରି ପ୍ରୀତି ଜିଣ୍ଟା ତାଙ୍କ ବିବାହ ଫଟୋକୁ ବିକ୍ରି କରି ଯେଉଁ ଅର୍ଥ ରୋଜଗାର କରିଥିଲେ ତାହାକୁ ଏକ ଅନୁଷ୍ଠାନକୁ ଦାନ କରି ଦେଇଥିଲେ। ପରେ ଯାହା ବଳିଥିଲା ସେହି ଅର୍ଥକୁ ଶିକ୍ଷା ଏବଂ ବୃଦ୍ଧାଶ୍ରମରେ ଦାନ କରିଥିଲେ।
ଏବେ ଶୁଣିବାକୁ ମିଳୁଛି କାଟ୍ରିନା-ଭିକି କୌଶଲ ସେମାନଙ୍କ ବିବାହ ଫଟୋ ବିକ୍ରି କରିବାକୁ ଡିଲ୍ ହୋଇସାରିଛି। ତେବେ କେତେ ଟଙ୍କାରେ ବିକୁଛନ୍ତି ତାହା ଦେଖିବାକୁ ବାକି ରହିଲା।
