ମୁମ୍ବାଇ,୧୫ ।୧୧: ବଲିଉଡ୍ ଅଭିନେତ୍ରୀ କଙ୍ଗନା ରାଣାୱତ ଦେଇଥିବା ବିବାଦୀୟ ବୟାନକୁ ନେଇ ରାଜନୀତି ସରଗରମ ହେଉଥିବା ବେଳେ କଙ୍ଗନାଙ୍କ ସ୍ୱର ସହ ସ୍ୱର ମିଳାଇଛନ୍ତି ଅଭିନେତା ବିକ୍ରମ ଗୋଖଲେ । ସେ କହିଛନ୍ତି କଙ୍ଗନା ଯାହା କହିଛନ୍ତି ସେଥିରେ ମୁଁ ଏକମତ । ଆମକୁ ଭିକ୍ଷାରେ ସ୍ୱାଧିନତା ମିଳିଛି । ସେ କହିଛନ୍ତି ବହୁ ସ୍ୱାଧିନତା ସଂଗ୍ରାମୀଙ୍କୁ ସେ ସମୟରେ ଫାଶୀ ଦିଆଯାଇଛି । ହେଲେ ବଡ ବଡ ଲୋକମାନେ ସେମାନଙ୍କୁ ବଞ୍ଚାଇବାକୁ ଚେଷ୍ଟା ବି କରି ନ ଥିଲେ । ସେମାନେ କେବଳ ମୁକଦର୍ଶକ ପାଲଟିଥିଲେ । ସୂଚନାଯୋଗ୍ୟ ଏହା ପୂର୍ବରୁ ଅଭିନେତ୍ରୀ କଙ୍ଗନା ରାଣାୱତ କହିଥିଲେ ଆମକୁ ସ୍ୱାଧିନତା ଭିକ୍ଷାରେ ମିଳିଛି । କଙ୍ଗନାଙ୍କ ଏହି ବୟାନ ପରେ ବହୁ ରାଜନୈତିକ ଦଳର ଟାର୍ଗେଟ ପାଲଟି ଯାଇଛନ୍ତି ଅଭିନେତ୍ରୀ ।
