ଚଣ୍ଡିଗଡ଼,୨୭।୨ : ସୁଇସାଇଡ୍ ନୋଟ୍ରେ ନାମ ଉଲ୍ଲେଖ କରିବା ଦ୍ୱାରା ଅଭିଯୁକ୍ତଙ୍କର ଦୋଷ ପ୍ରମାଣିତ ହୁଏ ନାହିଁ। ଅଭିଯୁକ୍ତଙ୍କ ସହ ଆତ୍ମହତ୍ୟା କରିଥିବା ବ୍ୟକ୍ତି ଏବଂ ଏନେଇ ଉସୁକେଇ ଥିବାର ଘନିଷ୍ଠ ସମ୍ପର୍କ ରହିବା ଜରୁରୀ ବୋଲି ପଞ୍ଜାବ ଏବଂ ହରିୟାଣା ହାଇକୋର୍ଟ କହିଛନ୍ତି। କୋର୍ଟ କହିଛନ୍ତି ଯେ ଆଇପିସିର ଧାରା ୩୦୬ ଅନୁଯାୟୀ ଆତ୍ମହତ୍ୟା କରିବା ପାଇଁ ଅଭିଯୁକ୍ତଙ୍କ ବିରୋଧରେ ଯୁକ୍ତିଯୁକ୍ତ ତଥ୍ୟ ରହିଥିବା ଆବଶ୍ୟକ।
ଏକ୍ଷେତ୍ରରେ କେବଳ ଅଭିଯୁକ୍ତଙ୍କ ନାମରେ ଏକ ସୁଇସାଇଡ୍ ନୋଟ୍ ଯଥେଷ୍ଟ ପ୍ରମାଣ ସାବ୍ୟସ୍ତ ହେବ ନାହିଁ। ଜଷ୍ଟିସ ଜସଜିତ୍ ସିଂ ବେଦିଙ୍କ ନେତୃତ୍ୱରେ ଗଠିତ ଖଣ୍ଡପୀଠ କହିଛନ୍ତି ଯେ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରିବାରେ ଆତ୍ମହତ୍ୟା କରିବା ଲାଗି ପ୍ରେରିତ କରିବାର ଏକ ଘନିଷ୍ଠ ଏବଂ ଜୀବନ୍ତ ଲିଙ୍କ ରହିବା ଆବଶ୍ୟକ। ଏହା ଦ୍ୱାରା ସ୍ଥିର ହୋଇଥାଏ ଯେ ଆତ୍ମହତ୍ୟା ଅପରାଧର ଧାରା ୩୦୬ ଅନୁଯାୟୀ କରାଯାଇଛି।
ପଞ୍ଜାବ ଏବଂ ହରିୟାଣା ହାଇକୋର୍ଟରେ ମେ ୨୦୧୯ରେ ଏକ ଏଫ୍ଆଇଆର୍ ରଦ୍ଦ ପାଇଁ ଆବେଦନ ଦାଖଲ କରାଯାଇଥିଲା। ଆଇପିସିର ଧାରା ୩୦୬ ଏବଂ ୩୪ ଏବଂ ୧୭୩-୮ ସିଆର୍ପିସି ଧାରା ଅନୁଯାୟୀ ଅଭିଯୁକ୍ତଙ୍କ ବିରୋଧରେ ଏକ ରିପୋର୍ଟ ଦାଖଲ କରାଯାଇଥିଲା। ତେବେ ଏହାର ବିଚାର କରି ହାଇକୋର୍ଟ ସୁଇସାଇଡ୍ ନୋଟ୍ରେ ନାମ ଥିବା ଏକ ଶକ୍ତ ପ୍ରମାଣ ନୁହେଁ ବୋଲି କହିଛନ୍ତି।
