ଲାଞ୍ଜିଗଡ଼, ୧୬ା୩(ରମେଶ ଚନ୍ଦ୍ର ନାୟକ): କଳାହାଣ୍ଡି ଜିଲା ଲାଞ୍ଜିଗଡ ବ୍ଲକର ଜଗନ୍ନାଥପୁର ପଞ୍ଚାୟତ ଅନ୍ତର୍ଗତ ବଳଭଦ୍ର ଗ୍ରାମରୁ ବୁଧବାର ରାତିରେ ଦୁଇଗୋଟି ମଇଁଷି ଚୋରି ଅଭିଯୋଗରେ ବୋଲେର ମେକ୍ସ ପିକଅପ ଓଡି ୦୮ ଭି ୧୦୩୮ ଗାଡିର ଡ୍ରାଇଭର ରାୟଗଡ଼ା ଜିଲା ଆମ୍ବାଦୋଳା ଥାନା ଅନ୍ତର୍ଗତ ନିଆଳି ଗ୍ରାମର ମନୁ ନାଗ (୧୯)ଙ୍କୁ ଗିରଫ କରି ଶନିବାର ସନ୍ଧ୍ୟାବେଳେ କୋର୍ଟ ଚାଲାଣ କରିଛି ଲାଞ୍ଜିଗଡ଼ ପୋଲିସ I
ସୂଚନାନୁସାରେ ବଳଭଦ୍ର ଗ୍ରାମର ମକରନ୍ଦ ଚଣ୍ଡୀଙ୍କ ମଇଁଷି ବୁଧବାର ରାତିରେ ଗୁହାଳରେ ବନ୍ଧାଯାଇଥିଲା I ବିଳମ୍ୱିତ ରାତିରେ ମକରନ୍ଦ ଗୁହାଳରେ ମଇଁଷି ଥିବା ଦେଖିଥିଲେ I ଗୁରୁବାର ସକାଳୁ ଉଠି ଦେଖିଲାବେଳକୁ ଗୁହାଳରେ ମଇଁଷି ନଥିବା ବେଳେ ଚୋରି ହୋଇଯାଇଥିବା ଜାଣିବାକୁ ପାଇଥିଲେ I ମକରନ୍ଦ ଗ୍ରାମର କିଛି ବ୍ୟକ୍ତିଙ୍କୁ ନେଇ ଚୋରି ହୋଇଥିବା ମଇଁଷି ଖୋଜିବା ପାଇଁ ବାହାରିଥିଲେ I
ମଇଁଷି ମାଲିକ ସନ୍ଦେହରେ ଆନ୍ଧ୍ରକୁ ଚାଲାଣ ହେଉଥିବା ଭାବି ସେ ବଳଭଦ୍ରପୁର ଠାରୁ ରାୟଗଡା ଦେଇ ଆନ୍ଧ୍ରର ପାର୍ବତୀପୁରମ ରାସ୍ତାରେ ଯାଉଥିବା ବେଳେ ବାଟରେ ଖୋଜା ଖୋଜି କରି ଗୋଟିଏ ଜାଗାରେ ଚାହା ପିଇବାପାଇଁ ଅଟକିଥିଲେ ଏବଂ ସେହି ଜାଗାରେ ଏକ ବଲେର ମେକ୍ସ ପିକପ ଗାଡି ନମ୍ବର ଓଡି ୦୮ ଭି ୧୦୩୮ ଠିଆ ହୋଇଥିଲା ଏବଂ ସେଥିରେ ମଇଁଷି ତିନିଗୋଟି ଥିଲା ଏବଂ ସେଇ ମଇଁଷିକୁ ଦେଖିବାପରେ ତାଙ୍କର ବୋଲି ଜାଣିବାକୁ ପାଇଥିଲେ ମକରନ୍ଦ I
ମଇଁଷି ମାଲିକ ମକରନ୍ଦ ଏବଂ ଗ୍ରାମବାସୀ ମିଶି ଡ୍ରାଇଭରକୁ କାବୁ କରି ଗାଡି ଏବଂ ମଇଁଷି ସହିତ ଲାଞ୍ଜିଗଡ ଥାନାକୁ ଆଣି ହସ୍ତାନ୍ତର କରିଥିଲେ I ଜବତ ମଇଁଷିକୁ ମାଲିକଙ୍କୁ ହସ୍ତାନ୍ତର କରାଯାଇଥିବା ପୋଲିସ ପକ୍ଷରୁ ସୂଚନା ମିଳିଛି I ଲାଞ୍ଜିଗଡ ଥାନାଧିକାରୀ ଜିତେନ୍ଦ୍ର କୁମାର ବିଶ୍ୱାଳ ଗାଡି ସହିତ ମଇଁଷି ଜବତ କରି ଡ୍ରାଇଭରକୁ ଥାନାରେ ଅଟକ ରଖି ତଦନ୍ତ ଚଳାଇଥିଲେ I
ଲାଞ୍ଜିଗଡ ଥାନା କେଶ ନଂ ୨୧/୨୫ ରେ ଏକ ମାମଲା ରୁଜୁ କରି ତଦନ୍ତ ଚଳାଇଥିବାବେଳେ ଧାରା ୩୦୭/୩(୫) ଅନୁଯାୟୀ ଶନିବାର ସନ୍ଧ୍ୟାବେଳେ ଅଭିଯୁକ୍ତ ଡ୍ରାଇଭରକୁ କୋର୍ଟ ଚାଲାଣ କରିଥିବା ବେଳେ ଚୋରି ରାକେଟର ସାମିଲ ଅନ୍ୟ ଅପରାଧୀ ମାନଙ୍କୁ ଧରିବାପାଇଁ ଚେଷ୍ଟା କରୁଥିବା ଥାନାଧିକାରୀ ଜିତେନ୍ଦ୍ର ବିଶ୍ୱାଳ ପ୍ରକାଶ କରିଥିଲେI
