ପାରଳାଖେମୁଣ୍ଡି,୨।୫(ଡି.ଏନ୍.ଏ): ଗଜପତି ଜିଲା ଆର୍.ଉଦୟଗିରି ଥାନା ଅନ୍ତର୍ଗତ ଜଣେ ନାବାଳିକାଙ୍କୁ ବଳପୂର୍ବକ ଜଣେ ଯୁବକ ଜଙ୍ଗଲକୁ ଟାଣି ନେଇ ବଳାତ୍କାର କରିଥିବା ସୋମବାର ଅଭିଯୋଗ ହୋଇଥିଲା। ଆର୍.ଉଦୟଗିରି ପୋଲିସ ନଂ ୪୯/୨୩ରେ ମାମଲା ରୁଜୁ କରି ଉକ୍ତ ଯୁବକଙ୍କୁ ଗିରଫ କରିଛି। ସୋମବାର ପୀଡ଼ିତାଙ୍କ ମା’ ମଝିଆ ଝିଅଙ୍କୁ ଧରି କାଜୁ ଫଳ ବିକ୍ରି କରିବା ନିମନ୍ତେ ଛେଳିଗଡ ବଜାରକୁ ଯାଇଥିଲେ। ଘରେ ବଡଝିଅ ଓ ସାନଝିଅ ଥିଲେ। ତେବେ ୧୦ଟା ବେଳେ ଘରକୁ ଫେରି ବଡଝିଅ କାନ୍ଦୁଥିବା ଦେଖି ପଚରାଉଚରା କରିଥିଲେ। ଅଭିଯୁକ୍ତ ଜଣକ ବଳପୂର୍ବକ ଘରର ବାଡିପଟେ ଥିବା ଜଙ୍ଗଲକୁ ନେଇ ବଳାତ୍କାର କରିଥିବା କହିଥିଲେ। ଘଟଣା ପ୍ରଘଟ କଲେ ଜୀବନରୁ ମାରିଦେବାକୁ ଧମକ ଦେଇଥିଲେ। ଏ ନେଇ ପୀଡ଼ିତାଙ୍କ ମା’ ଆର୍.ଉଦୟଗିରି ଥାନାରେ ଅଭିଯୋଗ କରିଥିଲେ।
