ବଢୁଛି ଦୁର୍ଘଟଣାଜନିତ ମୃତ୍ୟୁ

ଭୁବନେଶ୍ୱର/ଯାଜପୁର ଅଫିସ,୨୬।୧: ଓଡ଼ିଶାରେ ୨୦୨୦ ସୁଦ୍ଧା ସଡ଼କ ଦୁର୍ଘଟଣାଜନିତ ମୃତ୍ୟୁହାର ୫୦ ପ୍ରତିଶତ ହ୍ରାସ କରିବାକୁ ସୁପ୍ରିମକୋର୍ଟ ପକ୍ଷରୁ ଗଠିତ କମିଟି ନିର୍ଦ୍ଦେଶ ଦେଇଥିଲେ। ହେଲେ ସିଆଇଡି ଏବଂ କ୍ରାଇମବ୍ରାଞ୍ଚ ପକ୍ଷରୁ ମିଳିଥିବା ତଥ୍ୟ ଅନୁସାରେ ଗତ ଅକ୍ଟୋବର ସୁଦ୍ଧା ରାଜ୍ୟରେ ୧୨.୦୨% ଦୁର୍ଘଟଣା ମୃତ୍ୟୁହାର ବଢ଼ିଛି। ଏଥିରେ ନୂଆପଡ଼ା ଜିଲା ଶୀର୍ଷରେ (୪୦.୭୪%) ରହିଥିବାବେଳେ ଦ୍ୱିତୀୟରେ ଗଜପତି ଓ ରାୟଗଡ଼ା ଜିଲାରେ(୪୦%) ମୃତ୍ୟୁହାର ବୃଦ୍ଧି ପାଇଛି। ସୋନପୁର ଜିଲାରେ ୨୧% ଦୁର୍ଘଟଣାଜନିତ ମୃତ୍ୟୁହାର ହ୍ରାସ ପାଇ ରେକର୍ଡ ସୃଷ୍ଟି ହୋଇଛି। ତେବେ ଶିଳ୍ପ ଓ ଖଣି ସମୃଦ୍ଧ ଝାରସୁଗୁଡ଼ା, ଯାଜପୁର, ସୁନ୍ଦରଗଡ଼, ସମ୍ବଲପୁର, ଅନୁଗୋଳ, ଢେଙ୍କାନାଳ ଓ କେନ୍ଦୁଝର ଜିଲାରେ ମଧ୍ୟ ମୃତ୍ୟୁହାର ବୃଦ୍ଧି ପାଇବା ଚିନ୍ତାର କାରଣ ହୋଇଛି। ଏନେଇ ରାଜ୍ୟ ସରକାରଙ୍କ ବାଣିଜ୍ୟ ଓ ପରିବହନ ବିଭାଗ ପ୍ରମୁଖ ସଚିବ ବିଷ୍ଣୁପଦ ସେଠୀ ମଙ୍ଗଳବାର ସମସ୍ତ ଜିଲାପାଳ, ଏସ୍‌ପି, ଭୁବନେଶ୍ୱର ଓ କଟକ ଡିସିପି, କମିଶନରେଟ ପୋଲିସ(ଟ୍ରାଫିକ୍‌), ଆର୍‌ଟିଓଙ୍କୁ ଟ୍ରାଫିକ ନିୟମ ଉଲ୍ଲଂଘନକାରୀ, ଦ୍ରୁତ ଗାଡ଼ିଚାଳନା, ରାସ୍ତାପାର୍ଶ୍ୱ ପାର୍କିଂ ଇତ୍ୟାଦି ଉପରେ କାର୍ଯ୍ୟାନୁଷ୍ଠାନ ପାଇଁ ପ୍ରତି ଜିଲାରେ ଆର୍‌ଟିଓ ଏବଂ ପୋଲିସ ମିଶି ଯୁଗ୍ମ ଏନ୍‌ଫୋର୍ସମେଣ୍ଟ ସ୍କ୍ବାଡ୍‌ ଗଠନ କରିବାକୁ ନିର୍ଦ୍ଦେଶ ଦେଇଛନ୍ତି।
ଦେଶରେ ଓଡ଼ିଶା ଦୁର୍ଘଟଣାଜନିତ ମୃତ୍ୟୁରେ ୧୬ରୁ ୧୨ ର଼୍ୟାଙ୍କ୍‌କୁ ବୃଦ୍ଧି ହୋଇ ବଦନାମ ଆଣି ସାରିଛି। ସଡ଼କ ଦୁର୍ଘଟଣାକୁ ହ୍ରାସ କରିବାକୁ ଜଣେ ଅବସରପ୍ରାପ୍ତ ବିଚାରପତିଙ୍କ ନେତୃତ୍ୱରେ ସୁପ୍ରିମକୋର୍ଟ ପକ୍ଷରୁ ସଡ଼କ ସୁରକ୍ଷା ଉପରେ ଏକ କମିଟି ଗଠନ ହୋଇଛି। ହେଲେ କମିଟି ନିର୍ଦ୍ଦେଶକୁ କେହି ଉପଯୁକ୍ତ ଭାବେ ପାଳନ କରୁ ନ ଥିବାରୁ ଦୁର୍ଘଟଣା ସଂଖ୍ୟା ହ୍ରାସ ପାଇବା ବଦଳରେ ବୃଦ୍ଧି ଘଟିଛି। ରିପୋର୍ଟ ଅନୁସାରେ ଓଡ଼ିଶାରେ ୨୦୧୪ରେ ୩,୯୩୧ଜଣଙ୍କ ମୃତ୍ୟୁ ହୋଇଥିବାବେଳେ ୨୦୧୯ରେ ମୃତ୍ୟୁ ସଂଖ୍ୟା ୪,୭୩୮ରେ ପହଞ୍ଚତ୍ଥିଲା, ଯାହାକି ମୃତ୍ୟୁସଂଖ୍ୟା ୨୧% ବୃଦ୍ଧି ପାଇଥିଲା। ପରେ ୨୦୨୦ ପ୍ରଥମ ୪ ମାସ(ଜାନୁୟାରୀ-ଏପ୍ରିଲ) ଅପେକ୍ଷା ୨୦୨୧ର ଜାନୁୟାରୀ-ଏପ୍ରିଲ ସଡ଼କ ଦୁର୍ଘଟଣାରେ ମୃତ୍ୟୁସଂଖ୍ୟା ୨୭.୬୦% ବୃଦ୍ଧି ହୋଇଥିଲା। ଏହି ତାଲିକାରେ ମାଲକାନଗିରି ପ୍ରଥମ ଓ ଜଗତ୍‌ସିଂହପୁର ଦ୍ୱିତୀୟ ଏବଂ ଯାଜପୁର ଜିଲା ତୃତୀୟ ସ୍ଥାନରେ ରହିଥିଲା। ଅନୁରୂପ ଭାବେ ୨୦୨୦ (ଜାନୁୟାରୀ-ଅକ୍ଟୋବର)ରେ ୭,୬୧୯ ଦୁର୍ଘଟଣା ହୋଇଥିଲାବେଳେ ୩,୬୩୭ ମୃତ୍ୟୁ ଓ ୬,୯୭୭ ଆହତ ହୋଇଥିଲେ। ୨୦୨୧(ଜାନୁୟାରୀ-ଅକ୍ଟୋବର)ରେ ୮,୯୨୨ ଦୁର୍ଘଟଣାରେ ୪,୦୭୪ ମୃତ୍ୟୁ ଓ ୮,୦୮୭ ଆହତ ହୋଇଥିଲେ। ଏହି ସମୟରେ ଦୁର୍ଘଟଣାଜନିତ ମୃତ୍ୟୁହାରକୁ ଅବଲୋକନ କଲେ ପୁରୀ, ନୟାଗଡ଼, କୋରାପୁଟ, ଦେବଗଡ଼, କେନ୍ଦ୍ରାପଡ଼ା ଓ ସୋନପୁର ଜିଲାରେ ମୃତ୍ୟୁହାରକୁ ସାମାନ୍ୟ ହ୍ରାସ କରାଯାଇ ପାରିଛି। ଅନ୍ୟପକ୍ଷେ ନୂଆପଡ଼ା, ଗଜପତି, ରାୟଗଡ଼ା, ଜଗତ୍‌ସିଂହପୁର (୩୩.୮୭%), ବୌଦ୍ଧ(୩୨.୦୮%), ମାଲକାନଗିରି (୨୮.୮୯%), ଝାରସୁଗୁଡ଼ା(୨୮.୫୭%), ମୟୂରଭଞ୍ଜ(୨୬.୬୦%), ଭଦ୍ରକ (୨୬.୫୮%), ଯାଜପୁର(୨୫.୬୪%), କନ୍ଧମାଳ(୨୩.୦୮%), ବରଗଡ଼ରେ (୨୧.୮୮%) ବୃଦ୍ଧି ପାଇଛି। ସେହିପରି କଟକରେ(୧୬.୭୪%), ବାଲେଶ୍ୱର(୧୫.୦୯%), ଖୋର୍ଦ୍ଧା (୧୩.୬୧%), ବଲାଙ୍ଗୀର(୧୧.୧୧%), ସୁନ୍ଦରଗଡ଼(୯.୮୬%), ଢେଙ୍କାନାଳ (୬.୫୬%), ସମ୍ବଲପୁର(୬.୨୯%), କଳାହାଣ୍ଡି(୫.୯୮%), ଅନୁଗୋଳ(୪.୮୬%), ନବରଙ୍ଗପୁର(୪.୭୧%), ଗଞ୍ଜାମରେ(୩.୩୮%), କେନ୍ଦୁଝରରେ(୨.୫୯%) ବଢ଼ିଛି। ଅପରପକ୍ଷରେ ପୁରୀରେ (୧.୦୨%), ନୟାଗଡ଼(୧.୪୧%), କୋରାପୁଟ(୩.୧୩%), ଦେବଗଡ଼(୪.୭୬%), କେନ୍ଦ୍ରାପଡ଼ା(୬.୮୨%), ସୋନପୁର(୨୧.୪୩%) ମୃତ୍ୟୁହାର ହ୍ରାସ ପାଇଛି। ଏହି କ୍ରମରେ ରାଜ୍ୟ ସରକାରଙ୍କ ବାଣିଜ୍ୟ ଏବଂ ପରିବହନ ବିଭାଗ ତପତ୍ରତା ପ୍ରକାଶ କରି ଜିଲା ସଡ଼କ ସୁରକ୍ଷା କମିଟି(ଡିଆର୍‌ଏସ୍‌ସି)ର ନିୟମିତ ବୈଠକ କରି ଆବଶ୍ୟକ ପ୍ରତିକାର ବ୍ୟବସ୍ଥା ଗ୍ରହଣ କରିବାକୁ ନିର୍ଦ୍ଦେଶ ଦେଇଛନ୍ତି।
ରାଜ୍ୟର ଖଣି ଓ ଶିଳ୍ପ ସମୃଦ୍ଧ ଜିଲାଗୁଡ଼ିକରେ ଓଭରଲୋଡିଂ ଗାଡ଼ି ଚଳାଚଳ ବୃଦ୍ଧି ପାଇବାରେ ଲାଗିଛି। କେତେକ ଜିଲାରେ ନକଲି ଟ୍ରାନ୍‌ଜିଟ୍‌ ପାସ୍‌ରେ କ୍ଷମତାଠାରୁ ଅଧିକ ପଥର ଓ ବାଲି ଚାଲାଣ ହେଉଛି। ଭିଡ଼ ସମୟରେ ଖଣି ପରିବହନ ହେଉଥିବାରୁ ଲୋକଙ୍କ ଜୀବନ ପ୍ରତି ବିପଦ ହେଉଛି। ଏହି କାରବାରରେ ପୋଲିସ ଓ ପରିବହନ ବିଭାଗର କେତେଜଣ ଅଧିକାରୀଙ୍କ ପକେଟ୍‌ ଗରମ ହେଉଥିବାବେଳେ ସାଧାରଣ ଲୋକଙ୍କ ଜୀବନ ଯାଉଥିବା ମତ ପ୍ରକାଶ ପାଇଛି।


Enter your email to get our daily news in your inbox.

All Right Reserved By Dharitri.Com

ଦେଢ଼ ଲକ୍ଷ ଟଙ୍କାର ବ୍ରାଉନ୍‌ସୁଗାର ଜବତ: ଜଣେ ଗିରଫ

ନୟାଗଡ଼ ଅଫିସ,୧୮।୧୨: ନୟାଗଡ଼ ଜିଲା ଅବକାରୀ ବିଭାଗ ସିନ୍ଦୁରିଆ ବ୍ୟାଙ୍କ ଛକରେ ଶୁକ୍ରବାର ଚଢ଼ାଉ କରିଛି। ଚଢ଼ାଉରେ ପୋଲିସ ୧୫ ଗ୍ରାମ ବ୍ରାଉନସୁଗାର ଜବତ କରିବା...

ନୀହାରିକା ହତ୍ୟା ମାମଲା: ୫ ବର୍ଷର ପ୍ରେମ, ତଥାପି ବିଗିଡ଼ିଗଲା ବୁଝାମଣା

ଜଗତ୍‌ସିଂହପୁର ଅଫିସ,୨୨ା୯: ଦୀର୍ଘ ୫ବର୍ଷ ହେଲା ପରସ୍ପରକୁ ଭଲ ପାଉଥିଲେ। ଅନେକ ସୁଖଦୁଃଖର ମୁହୂର୍ତ୍ତ ସାଥି ହୋଇ କଟାଇଥିଲେ। ଉଭୟଙ୍କ ପରିବାର ମଧ୍ୟ ପ୍ରେମକୁ ଦେଇଥିଲେ...

ସିର୍ଲାରେ ମାଓବାଦୀ-ପୋଲିସ ମୁହାଁମୁହିଁ ପରେ ହାଇଆଲର୍ଟ

ଦାରିଙ୍ଗବାଡ଼ି,୮ା୭(ଡି.ଏନ୍‌.ଏ.): କନ୍ଧମାଳ ଜିଲା ତୁମୁଡ଼ିବନ୍ଧ ସିର୍ଲା ପଞ୍ଚାୟତ କିହାଲଗୁଡ଼ା ଜଙ୍ଗଲ କ୍ଳାଉଡଙ୍ଗା ଅଞ୍ଚଳରେ ଗତ ଶନିବାର ବିଳମ୍ବିତ ରାତିରେ ପୋଲିସ ମାଓବାଦୀ ମୁହାଁମୁହିଁ ହୋଇଥିଲେ। ଏଥିରେ...

୪୨ ଡିଗ୍ରୀ ଖରାରେ ଦୌଡ଼ାଇଲେ

ଭୁବନେଶ୍ୱର,୧୩ା୬(ବ୍ୟୁରୋ): ଚନ୍ଦକାସ୍ଥିତ ଏସ୍‌ଓଜି ଟ୍ରେନିଂ ସେଣ୍ଟରରେ ବୁଧବାର ଏକ ଅଭାବନୀୟ ଘଟଣା ଦେଖିବାକୁ ମିଳିଥିଲା। ୪୨.୪ ଡିଗ୍ରୀ ଖରାରେ ଟ୍ରେନିଂ ଚାଲିଥିଲାବେଳେ ଜଣେ ମହିଳା ପୋଲିସ...

ବିଜୟ ମହାନ୍ତିଙ୍କ ବିୟୋଗ ଏକ ଯୁଗର ଅନ୍ତ : ମୁଖ୍ୟମନ୍ତ୍ରୀ

ଭୁବନେଶ୍ୱର,୨୦ା୭(ବ୍ୟୁରୋ)- ପ୍ରସିଦ୍ଧ ଓଡ଼ିଆ ଚଳଚ୍ଚିତ୍ର ଅଭିନେତା ବିଜୟ ମହାନ୍ତିଙ୍କ ପରଲୋକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଭୀର ଶୋକ ପ୍ରକାଶ କରିଛନ୍ତି। ମୁଖ୍ୟମନ୍ତ୍ରୀ ଶୋକବାର୍ତ୍ତାରେ କହିଛନ୍ତି ଯେ...

ଦୁର୍ଘଟଣାଗ୍ରସ୍ତ ମହିଳାଙ୍କ ପ୍ରାଥମିକ ଚିକିତ୍ସା କଲେ ରଞ୍ଜୀବ

ଭୁବନେଶ୍ୱର,୨୨।୨(ବ୍ୟୁରେ): ରାଜଧାନୀର ବିଭିନ୍ନ ଛକରେ ଡ୍ୟୁଟି କରୁଥିବା ଟ୍ରାଫିକ ପୋଲିସ ଖରା, ବର୍ଷାକୁ ଖାତିର ନ କରି ନିଜ ଦାୟିତ୍ୱ ତୁଲାଉଛନ୍ତି। ଅନେକ ସମୟରେ ସେମାନେ...

ତାଳଚେରରେ ନକଲି କୋଲ୍ଡଡ୍ରିଙ୍କ୍‌ସ କମ୍ପାନୀ

ତାଳଚେର, ୭।୫(ଡି.ଏନ୍‌.ଏ.): ନାମୀଦାମୀ କମ୍ପାନୀର ଅବିକଳ ଲୋଗୋ ଲଗାଇ ବିକ୍ରି କରାଯାଉଥିଲା କୋଲ୍ଟଡ୍ରିଙ୍କ୍‌ସ୍‌। ଗ୍ରାହକଙ୍କ ସ୍ବାସ୍ଥ୍ୟକୁ ଅଣଦେଖା କରି ବଜାରରେ ବିକ୍ରି କରାଯାଉଥିଲା ଏହି ନକଲି...

ବାର୍‌ହା ଆକ୍ରମଣରେ ୨ ଗୁରୁତର

ମହାକାଳପଡ଼ା,୨୪।୨(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଖରିନାସୀ ହରିଆବାଙ୍କ ଗାଁରେ ବାର୍‌ହା ଆକ୍ରମଣରେ ଦୁଇ ଗୁରୁତର ହୋଇଛନ୍ତି। ଉଭୟଙ୍କୁ ଚିକିତ୍ସା ପାଇଁ କେନ୍ଦ୍ରାପଡ଼ା ମେଡିକାଲରେ ଭର୍ତ୍ତି...

Advertisement
Archives

Model This Week