ଖୋର୍ଦ୍ଧା ଅଫିସ, ୧୮।୧ : ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ପ୍ରାର୍ଥୀପତ୍ର ଦାଖଲ ପ୍ରକ୍ରିୟା ଆରମ୍ଭ ହୋଇଛି। ନାମାଙ୍କନ ଦାଖଲର ଦ୍ବିତୀୟ ଦିନରେ ବେଗୁନିଆ ବ୍ଲକ ଅନ୍ତର୍ଗତ ୨୩ ନଂ ଜୋନ୍ରୁ ଏସ୍ୟୁସିଆଇ ପ୍ରାର୍ଥୀ ଅବିନାଶ ମହାପାତ୍ର ଦଳୀୟ ସମର୍ଥକଙ୍କ ସହ ଆସି ଖୋର୍ଦ୍ଧା ଉପ ଜିଲାପାଳ ଆଇ ଗୌରବ ଶିବାଜୀଙ୍କ ନିକଟରେ ଦୁଇ ସେଟ ପ୍ରାର୍ଥୀପତ୍ର ଦାଖଲ କରିଛନ୍ତି। ତାଙ୍କ ସମର୍ଥକ ଭାବେ ସନ୍ଦିପ ସାହୁ ଓ ପ୍ରସ୍ତାବକ ଭାବେ ପ୍ରକାଶ ଚନ୍ଦ୍ର ସାହୁ, ଏସୟୁସିଆଇ ଜିଲା ସଭାପତି ଅଶୋକ ସାହୁ, ଆଇନଜିବୀ ବିକ୍ରମ ଚମ୍ପତିରାୟ ପ୍ରମୁଖ ଉପସ୍ଥିତ ଥିଲେ। ଅବିନାଶଙ୍କ ନାମରେ କୌଣସି ସ୍ଥାବର ଅସ୍ଥାବର ସମ୍ପତି ନ ଥିବା ବେଳେ ସେ କୌଣସି ଅପରାଧିକ ମାମଲାରେ ଜଡିତ ନ ଥିବା ସେ ସତ୍ୟପାଠରେ ଉଲ୍ଲେଖ କରିଛନ୍ତି। ସେ ଛାତ୍ର ଜୀବନରୁ ରାଜନୀତି ସହ ଜଡ଼ିତ ଥିଲେ। ୨୦୧୫ରେ ସେ ପ୍ରାଣନାଥ ସୟଂଶାସିତ ମହାବିଦ୍ୟାଳୟ ଏବଂ ୨୦୧୭ ଉତ୍କଳ ବିଶ୍ୱବିଦ୍ୟାଳୟରେ ଛାତ୍ର ସଂସଦ ନିର୍ବାଚନ ଲଢିଛନ୍ତି। ଏବେ ସେ ଏସ୍ୟୁସିଆଇର ଛାତ୍ରନେତା ଭାବେ କାର୍ଯ୍ୟରତ ଅଛନ୍ତି। ନିର୍ବାଚନରେ ବିଜେତା ହେଲେ ୨୩ ନଂ ଜୋନରେ ଦୀର୍ଘ ଦିନ ଧରି ରହିଥିବା ସମସ୍ୟା ଉପରେ ସେ ଗୁରୁତ୍ୱ ଦେବେ। ଏଥିସହ ସେ ଗ୍ରାମାଞ୍ଚଳ ବିକାଶ, ପାନୀୟଜଳ ଏବଂ ଚାଷୀଙ୍କ ସମସ୍ୟା ଉପରେ ଧ୍ୟାନ ଦେଇ ସମାଧାନ କରିବେ ବୋଲି ଗଣମାଧ୍ୟମକୁ ସୂଚନା ଦେଇଛନ୍ତି।
