ଚଣ୍ଡିଗଡ,୨୭।୧୨: ଚଣ୍ଡିଗଡ଼ ମ୍ୟୁନିସିପାଲିଟି କର୍ପୋରେସନ ନିର୍ବାଚନରେ ପ୍ରଥମ ଥର ପାଇଁ ଆମ ଆଦମୀ ପାର୍ଟି ଚମତ୍କାର ବିଜୟ ହାସଲ କରିଛି। ଦଳ ୩୫ଟି ସିଟ ମଧ୍ୟରୁ ୧୪ଟି ଜିତିଛି। ଭାଜପା ୧୨ଟି ଆସନ ଏବଂ କଂଗ୍ରେସ ୮ଟି ସିଟ ଜିତିଛି। ଶିରୋମଣି ଅକାଳୀ ଦଳ ଗୋଟିଏ ଆସନ ଜିତିଛି। ଏହି ବିଜୟରେ ଉତ୍ସାହିତ ହୋଇ ଦଳର ସଭାପତି ଅରବିନ୍ଦ କେଜ୍ରିଓ୍ବାଲ୍ ଟୁଇଟ୍ କରି କହିଛନ୍ତି, ଚଣ୍ଡିଗଡ଼ ମ୍ୟୁନିସିପାଲିଟି କର୍ପୋରେସନରେ ଆମ ଆଦମୀ ପାର୍ଟିର ଏହି ବିଜୟ ପଞ୍ଜାବରେ ହେବାକୁ ଥିବା ପରିବର୍ତ୍ତନର ସଙ୍କେତ ଅଟେ। ଦୁର୍ନୀତିଗ୍ରସ୍ତ ରାଜନୀତିକୁ ପ୍ରତ୍ୟାଖ୍ୟାନ କରି ଆଜି ଚଣ୍ଡିଗଡ଼ର ଲୋକମାନେ ଏଏପିର ସଚ୍ଚୋଟ ରାଜନୀତିକୁ ବାଛିଛନ୍ତି। ଏଏପିର ସମସ୍ତ ବିଜେତା ପ୍ରାର୍ଥୀ ଏବଂ ସମସ୍ତ କାର୍ଯ୍ୟକର୍ତ୍ତାଙ୍କୁ ଅନେକ ଅନେକ ଅଭିନନ୍ଦନ। ଏଥର ପଞ୍ଜାବ ପରିବର୍ତ୍ତନ ପାଇଁ ପ୍ରସ୍ତୁତ ଅଛି।
ଚଣ୍ଡିଗଡ଼ ମ୍ୟୁନିସିପାଲିଟି କର୍ପୋରେସନରେ ସମୁଦାୟ ୩୫ଟି ୱାର୍ଡ ଅଛି। ଭୋଟ ଗଣନା ପାଇଁ ୯ଟି ଗଣନା କେନ୍ଦ୍ର ଗଠନ କରାଯାଇଛି। ଭୋଟ ଗଣତି ସକାଳ ୯ଟାରୁ ଆରମ୍ଭ ହୋଇଥିଲା ଏଥର ନିର୍ବାଚନରେ ୬୦ ପ୍ରତିଶତ ମତଦାନ କରାଯାଇଥିଲା। ଏଥର ମୋଟ ୬ ଲକ୍ଷ ୩୩ ହଜାର ୪୭୫ ଭୋଟର ଭୋଟ ଦେଇଛନ୍ତି। ଗତ ନିର୍ବାଚନ ଅପେକ୍ଷା ଏହା ଟିକିଏ ଅଧିକ। ୨୦୧୬ ନିର୍ବାଚନରେ ୫୯.୫ ପ୍ରତିଶତ ଭୋଟର ମତ ଦେଇଛନ୍ତି। ୨୦୧୬ ମସିହାରେ, ଚଣ୍ଡିଗଡ଼ରେ ସମୁଦାୟ ୨୬ଟି ୱାର୍ଡ ଥିଲା। ଏବେ ଏହାକୁ ୩୫କୁ ବୃଦ୍ଧି କରାଯାଇଛି।
चंडीगढ़ नगर निगम में आम आदमी पार्टी की ये जीत पंजाब में आने वाले बदलाव का संकेत है।चंडीगढ़ के लोगों ने आज भ्रष्ट राजनीति को नकारते हुए AAP की ईमानदार राजनीति को चुना है।
AAP के सभी विजयी उम्मीदवारों एवं सभी कार्यकर्ताओं को बहुत-बहुत बधाई।
इस बार पंजाब बदलाव के लिए तैयार है।
— Arvind Kejriwal (@ArvindKejriwal) December 27, 2021
