ନୂଆଦିଲ୍ଲୀ,୩୦।୧: ଆଜିର ଦିନରେ ଅର୍ଥାତ୍ ବର୍ଷକ ତଳେ ୨୦୨୦ ଜାନୁୟାରୀ ୩୦ରେ ଚାଇନାର ଉହାନ ବିଶ୍ୱବିଦ୍ୟାଳୟରେ ଜଣେ ଭାରତୀୟ ଛାତ୍ର ପ୍ରଥମ କରୋନା ପଜିଟିଭ୍ ଚିହ୍ନଟ ହୋଇଥିଲେ। ଏହି ଛାତ୍ର ଜଣଙ୍କ କେରଳ ରାଜ୍ୟର ପ୍ରଥମ କରୋନା ପଜିଟିଭ୍ ଭାବେ ଚିହ୍ନଟ ହୋଇଥିଲେ ବୋଲି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ସୂତ୍ରରୁ ପ୍ରକାଶ। ସେହିଦିନଠାରୁ ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିଚାଲିଛି। ତେବେ ବର୍ତ୍ତମାନ ଭାରତ ସଂକ୍ରମଣରେ ୪ର୍ଥ ସ୍ଥାନକୁ ଖସି ଆସିଛି। ବର୍ତ୍ତମାନ ଦେଶରେ କରୋନା ଟିକାକରଣ ମଧ୍ୟ ଚାଲିଛି। ଏହା ସମ୍ପୂର୍ଣ୍ଣ ମୂଳପୋଛ ହେବାକୁ ସମୟ ଲାଗିବ। ତେବେ ଜାଣନ୍ତୁ ବର୍ଷକ ମଧ୍ୟରେ ଭାରତରେ କ’ଣ କ୍ଷତି ଘଟିଛି…
ଦେଶରେ କରୋନା ଭୂତାଣୁ ଚିହ୍ନଟ ହେବାର ଗୋଟିଏ ବର୍ଷ ପରେ ଭାରତ ଏହି ମହାମାରୀରୁ ଶୀଘ୍ର ବାହାରି ଯିବାକୁ ବିଶେଷ ଦୃଷ୍ଟି ରଖିଛି। ଏହା ପୂର୍ବରୁ ୧.୫ ଲକ୍ଷରୁ ଅଧିକ ଲୋକ ପ୍ରାଣ ହରାଇଛନ୍ତି। ଏହାଦ୍ୱାରା ବ୍ୟାପକ ଅର୍ଥନୈତିକ ଘଟିଛି ଏବଂ ଲକ୍ଷ ଲକ୍ଷ ପରିବାରଙ୍କ ଜୀବନଜୀବିକା ନଷ୍ଟ ହୋଇଯାଇଛି। ଯଦିଓ ପ୍ରତିଦିନ ୧୨୦୦୦ରୁ ୧୪୦୦୦ ମଧ୍ୟରେ ନୂତନ ମାମଲା ଚିହ୍ନଟ ହେଉଛ ତଥାପି ସଂଖ୍ୟା ହ୍ରାସ ପାଉଥିବା ଦେଖିବାକୁ ମିଳିଛି।
ବେଜ୍ଞାନିକ ଏବଂ ସ୍ବାସ୍ଥ୍ୟ ବିଶେଷଜ୍ଞମାନେ କହିଛନ୍ତି ଯେ, ସବୁଠାରୁ ଖରାପ ଆମ ପଛରେ ଥାଇପାରେ, ତଥାପି ଆମେ ଶେଷଠାରୁ ବହୁତ ଦୂରରେ ଅଛୁ।
ମହାମାରୀର ସାଧାରଣତଃ ଏକ ଲମ୍ବା ଲାଞ୍ଜ ଥାଏ ଏହି ସଂଖ୍ୟା ଶୂନକୁ ଆସିବା ପାଇଁ ସମୟ ଲାଗିଥାଏ। ପ୍ରାକୃତିକ ସଂକ୍ରମଣ କିମ୍ବା ଟିକାକରଣ ଦ୍ୱାରା ଏହି ରୋଗ ପ୍ରତି ରୋଗ ପ୍ରତିରୋଧକ ଶକ୍ତି କେତେ ଦିନ ପର୍ଯ୍ୟନ୍ତ ରହିଥାଏ ତାହା ବୈଜ୍ଞାନିକମାନେ ଏପର୍ଯ୍ୟନ୍ତ ଜାଣି ନାହାନ୍ତି। ସ୍ବଳ୍ପ ମିଆଦୀ ପ୍ରତିରକ୍ଷା ଅର୍ଥ ହେଉଛି ପୁନର୍ବାର ଉତ୍ପନ୍ନ ହେବାର ଆଶଙ୍କା। ସେହି କାରଣରୁ ବୈଜ୍ଞାନିକ ଏବଂ ସ୍ବାସ୍ଥ୍ୟ କର୍ତ୍ତୃପକ୍ଷ ଲୋକମାନଙ୍କୁ ମାସ୍କ ପିନ୍ଧିବା ଜାରି ରଖିବେ ଏବଂ ସାମାଜିକ ଦୂରତା ବଜାୟ ରଖିବାକୁ ବାରମ୍ବାର ସୂଚାଇ ଦେଉଛନ୍ତି।
