ମାଲକାନଗିରି, ୩ା୧୦(ଡି.ଏନ.ଏ.): ସମ୍ପର୍କ କେବଳ ବାପ ପୁଅ, ମାଆ ଝିଅ ଓ ଝିଅପୁଅଙ୍କ ମଧ୍ୟରେ ହୋଇ ନ ଥାଏ। ପଶୁ, ପକ୍ଷୀ ଓ ସରିସୃପଙ୍କ ମଧ୍ୟରେ ବି ଗଢି ଉଠିଥାଏ। ମାଳକାନଗିରି ଜିଲାରେ ସାପ ମଣିଷ ମଧ୍ୟରେ ଗଢି ଉଠିଥିବା ପ୍ରେମ ସମ୍ପର୍କ ଏବେ ଚର୍ଚ୍ଚାର ବିଷୟ ହୋଇଛି। ଏକ ବିଷଧର ସାପ ସହ ଜଣେ ମହିଳାଙ୍କ ସମ୍ପର୍କ ଗଢି ଉଠିଛି। ମାଲକାନଗିରି ଜିଲା ନିଲିମାରି ଗ୍ରାମରେ ରହନ୍ତି ନିଲକଣ୍ଠ ଭୂମିଆଙ୍କ ପରିବାର। ନିଳକଣ୍ଠଙ୍କ ଚାଳ ଛପର ଘରେ ସାପଙ୍କ ପାଇଁ କରାହୋଇଛି ଉଇ ହୁଙ୍କାରେ ଘର। ଯେଉଁ ଉଇ ହୁଙ୍କାରେ ରହୁଛନ୍ତି ଦୁଇଟି ବିଷାକ୍ତ ସାପ ଏହି ଦୁଇ ସାପ ଯେପରି ପରିବାର ସହ ରହୁଛନ୍ତି ସତେ ଯେପରି ସେମାନେ ପରିବାରର ସଦସ୍ୟ । ନିଳକଣ୍ଠଙ୍କ ବଡ ଝିଅ ଏହି ଦୁଇ ସାପଙ୍କୁ କ୍ଷୀର ପିଇବାକୁ ଦେବା ସହ ଫଳ ମୂଳ ମଧ୍ୟ ଖାଇବା ପାଇଁ ଦେଉଛନ୍ତି। ତାଙ୍କର ସାପମାନଙ୍କ ସହ ଏତେ ନିବିଡ ସମ୍ପର୍କ ରହିଛି ଯେ, ରାତିରେ ଶୋଇଥିବା ବେଳେ ସାପ ୨ଟି ତାଙ୍କ ପାଖକୁ ଆସୁଛନ୍ତି। ସେ ଘରେ ଯେଉଁ କାମ କରୁଥିଲେ ମଧ୍ୟ ତାଙ୍କ ପଛେ ପଛେ ସାପ ଯାଇଥାନ୍ତି । ସାପକୁ ଦେଖିବା ମାତ୍ରେ ଲୋକେ ଡରିବା ସହ ଘଉଡାଇ ଦିଅନ୍ତି, ମାତ୍ର ନିଲିମାରୀ ଗ୍ରାମରେ ସାପ ଓ ମଣିଷର ସମ୍ପର୍କ ଅନ୍ୟମାନଙ୍କ ପାଇଁ ଉଦାହରଣ ପାଲଟିଛି।
