ନୂଆପଡ଼ା,୧୧।୪ (ମକାରୁ ବେମାଲ):ଦିନକୁ ଦିନ ବିଶରେ ହିନ୍ଦୁ-ମୁସଲିମ ସମ୍ପର୍କରେ ଅଧିକ ତିକ୍ତତା ଦେଖାଦେଉଛି। ବିଶେଷ କରି କଶ୍ମୀର ପ୍ରସଙ୍ଗକୁ ନେଇ ଭାରତ ଓ ପାକିସ୍ତାନ ମଧ୍ୟରେ ଲାଗି ରହିଥିବା ବିବାଦ ହିନ୍ଦୁ-ମୁସଲିମ ଭାଇଚାରାକୁ ଅଧିକ କ୍ଷତାକ୍ତ କରୁଛି। ଅନ୍ୟପକ୍ଷେ ପଡ଼ୋଶୀ ବଙ୍ଗଳା ଦେଶରେ ମଧ୍ୟ ହିନ୍ଦୁ ମନ୍ଦିର, ପୂଜକଙ୍କ ପ୍ରତି ହେଉଥିବା ଆକ୍ରମଣ ଚିନ୍ତାର କାରଣ ସାଜିଛି। ଏହାକୁ ପ୍ରତିହତ କରି ଏବେବି ଓଡ଼ିଶାର ଅନେକ ସ୍ଥାନରେ ଶାରଦୀୟ ଦୁର୍ଗାପୂଜା ସମୟରେ ମା’ଙ୍କ ପ୍ରତିମୂର୍ତ୍ତୀ ଗୁଡ଼ିକ ମୁସଳମାନ କାରିଗର ମାନେ ତିଆରି କରୁଥିବା ବେଳେ ଅନେକ ପୂଜା କମିଟିର ସଭାପତି ଦାୟିତ୍ୱ ମୁସଲିମ ମାନେ ହିଁ ମୁଣ୍ଡାଇଛନ୍ତି। ସେହିପରି ଏକ ହିନ୍ଦୁ-ମୁସଲିମ ଭାଇଚାରାର ଭିନ୍ନ ଏକ ନିଦର୍ଶନ ନୂଆପଡ଼ା ଜିଲା କୋମନା ବ୍ଲକ କୁରୁମପୁରୀ ପଞ୍ଚାୟତ ଦଳଦଳି ଗାଁରେ ଦେଖୁବାକୁ ମିଳିଛି। ଗ୍ରାମରେ ନାମଯଜ୍ଞ ଚାଳିଛି। ଏଥିରେ ମୁଖ୍ୟ ପୁରୋଧା ଫିରୋଜ ଖାନ ରହିଛନ୍ତି। ଫିରୋଜ ପାର୍ବଣ ସମୟରେ ହୋଟେଲ ବନ୍ଦ ରଖିଥାନ୍ତି । ତାଙ୍କ କହିବା ଅନୁସାରେ, ପୂର୍ବ ପୁରୁଷମାନଙ୍କ ଅମଳରୁ ଏହି ନାମଯଜ୍ଞ ଚାଲି ଆସୁଛି । ସେମାନେ ମଧ୍ୟ ଯଜ୍ଞରେ ସାମିଲ ହେଉଥିଲେ । ତେଣୁ ମୁଁ କିପରି ଯଜ୍ଞ ଆଯୋଜନ ସମୟରେ ହୋଟେଲ ଖୋଲି ଆମିଷ ବିକ୍ରି କରିବି ବୋଲି କହିଥିଲେ। ଗାଁରେ ମାତ୍ର ୨ଟି ପରିବାର ମୁସଲମାନ ଥାଇ ମଧ୍ୟ ସେମାନେ କଣଠେସା ହୋଇ ନାହାନ୍ତି । ସମସ୍ତ ହିନ୍ଦୁ ପର୍ବପର୍ବାଣିରେ ଆଗଧାଡ଼ିରେ ଛିଡ଼ା ହୋଇ ରହିଛନ୍ତି । ସମସ୍ତ ହିନ୍ଦୁ ପରିବାର ତାଙ୍କୁ କୋଳେଇ ନେଉଛନ୍ତି । ହିନ୍ଦୁ-ମୁସଲିମକୁ ନେଇ ଅନେକ ହିଂସା,ଦଙ୍ଗା ରୀତିମତ ଖବରକାଗଜରେ ପୃଷ୍ଠା ମଣ୍ଡନ କରୁଥିବା ବେଳେ ନୂଆପଡ଼ା ଜିଲାର ଏହି ଛୋଟିଆ ଗାଁରେ ବିଭିନ୍ନତା ମଧ୍ୟରେ ଏକତା ସମାଜକୁ ଭିନ୍ନ
ନିମନ୍ତ୍ରଣ କରିଥାନ୍ତି । ତାଙ୍କ ନିମନ୍ତ୍ରଣ ରକ୍ଷା କରି ଅନେକ ବ୍ୟକ୍ତି ଯଜ୍ଞରେ ସାମିଲ ହୋଇ ଭଗବାନଙ୍କ ଆଶୀର୍ବାଦ ନେଇଥାନ୍ତି ।
