ବିଶ୍ୱବିଦ୍ୟାଳୟ ପାଇଁ ଏକକ ଗବେଷଣା ନୀତି

ରାଜ୍ୟ ସରକାର ଉଚ୍ଚଶିକ୍ଷା ଗବେଷଣା କ୍ଷେତ୍ରରେ ଏକ ବଡ଼ ସଂସ୍କାର ଆଣିବାକୁ ଯାଉଛନ୍ତି। ଏମ୍‌.ଫିଲ୍‌., ପିଏଚ୍‌.ଡି., ଡି.ଲିଟ୍‌ ଭଳି ଗବେଷଣା ଡିଗ୍ରୀ ପାଇବାକୁ ଛାତ୍ରୀଛାତ୍ରଙ୍କୁ ଆଉ ବର୍ଷ ବର୍ଷ ଅପେକ୍ଷା କରିବାକୁ ପଡ଼ିବ ନାହିଁ। ନିର୍ଦ୍ଧାରିତ ସମୟରେ ଗବେଷଣା ଶେଷ ହେବା ସହ ଡିଗ୍ରୀ ମିଳିବ।
ଭୁବନେଶ୍ୱର,୨୩।୧୧(ବ୍ୟୁରୋ): ରାଜ୍ୟର ସମସ୍ତ ୧୪ ବିଶ୍ୱବିଦ୍ୟାଳୟ ପାଇଁ ଏକକ ଗବେଷଣା ନୀତି କାର୍ଯ୍ୟକାରୀ ହେବ। ଓଡ଼ିଶା ରାଜ୍ୟ ଉଚ୍ଚଶିକ୍ଷା ପରିଷଦ (ଓଏସ୍‌ଏଚ୍‌ଇସି) ପକ୍ଷରୁ ଏ ନେଇ ଚିଠା ଗବେଷଣା ନୀତି ଓ ପଦ୍ଧତି (ଏ କମନ୍‌ ରିସର୍ଚ୍ଚ ପଲିସି ଆଣ୍ଡ ପ୍ରୋସିଜ୍ୟୁର ଫର୍‌ ଷ୍ଟେଟ୍‌ ୟୁନିଭର୍‌ସିଟିଜ୍‌ ଅଫ୍‌ ଓଡ଼ିଶା) ପ୍ରସ୍ତୁତି କାର୍ଯ୍ୟ ଆରମ୍ଭ ହୋଇଛି। ଏହା ଉପରେ ଶିକ୍ଷାବିତ୍‌ମାନଙ୍କର ମତାମତ ନେବା ପରେ ଚୂଡ଼ାନ୍ତ ନୀତି କାର୍ଯ୍ୟକାରୀ କରାଯିବ। ଏମ.ଫିଲ୍‌., ପିଏଚ୍‌.ଡି., ଡି.ଏସ୍‌ସି., ଡି.ଲିଟ୍‌, ଏଲ୍‌ଏଲ୍‌ଡି ଗବେଷଣା ଡିଗ୍ରୀ ପାଇଁ ଏହି ନୂତନ ନୀତି କାର୍ଯ୍ୟକାରୀ ହେବ। ବର୍ତ୍ତମାନ ବିଶ୍ୱବିଦ୍ୟାଳୟଗୁଡ଼ିକ ନିଜ ଇଚ୍ଛା ଅନୁସାରେ ଉକ୍ତ ଡିଗ୍ରୀ ପାଇଁ ଗବେଷଣା ଓ ନୀତି କାର୍ଯ୍ୟକାରୀ କରୁଛନ୍ତି। ତେବେ ଗବେଷଣା କିଏ କେତେବେଳେ କରୁଛନ୍ତି ଓ କେତେବେଳେ କାହାକୁ ଡିଗ୍ରୀ ମିଳୁଛି ତା’ର କୌଣସି ସମୟ ସୀମା ନିର୍ଦ୍ଧାରଣ ହୋଇନାହିଁ। ଏପରି କି ଡିଗ୍ରୀ ପାଇବା ପାଇଁ ଛାତ୍ରୀଛାତ୍ରଙ୍କୁ ଅନେକ ବର୍ଷ ଲାଗିଯାଉଛି। ଏଥିଯୋଗୁ ସମୟ ବରବାଦ ହେବା ସହ ଗବେଷଣାର କୌଣସି ସୁଫଳ ମିଳିପାରୁ ନାହିଁ। ଏ ସବୁକୁ ବିଚାର କରି ସମସ୍ତ ଗବେଷଣାଭିତ୍ତିକ ଡିଗ୍ରୀକୁ ଏକ ନିର୍ଦ୍ଦିଷ୍ଟ ସମୟ ମଧ୍ୟରେ ଶେଷ କରାଯିବ। ଏହାସହ ଉଚ୍ଚଶିକ୍ଷା ଗବେଷଣାର ବିକାଶ ପାଇଁ ରାଜ୍ୟ ସରକାର ଏହି ନୂତନ ନୀତି ଆଣିବାକୁ ଯାଉଛନ୍ତି। ଏହି ନୂତନ ନୀତିରେ ମଡେଲ ଗବେଷଣା ଗାଇଡ୍‌ଲାଇନ ପ୍ରସ୍ତୁତ ହେବ। କେଉଁ ସମୟରେ ସିନୋପ୍‌ସିସ ଦାଖଲ ଓ ପଞ୍ଜୀକରଣ କରାଯିବ, ପ୍ରାକ୍‌ ପିଏଚ୍‌.ଡି. ଥେସିସ୍‌ କିଭଳି ଉପସ୍ଥାପନ କରାଯିବ, ଚୂଡ଼ାନ୍ତ ଥେସିସ୍‌ କେତେବେଳେ ପ୍ରଦାନ କରାଯିବ ସେ ନେଇ ନୂତନ ନୀତିରେ ବିସ୍ତୃତ ଭାବେ ଉଲ୍ଲେଖ ରହିବ। ଏଥିସହିତ କେଉଁ ସମୟ ମଧ୍ୟରେ ଥେସିସ୍‌ ମୂଲ୍ୟାୟନ ହେବ। ମୂଲ୍ୟାୟନ ସମୟ କେତେ ରହିବ। ମୌଖିକ ପରୀକ୍ଷା କେବେ ହେବ। ଗାଇଡ୍‌ଶିପ୍‌ କିଭଳି ହେବ ଏବଂ କେଉଁ ସମୟ ମଧ୍ୟରେ ପିଏଚ୍‌.ଡି. ଡିଗ୍ରୀ ଓ ଡି.ଲିଟ୍‌ ଶେଷ ହେବ ସେ ସମସ୍ତ ବିଷୟ ନିର୍ଦ୍ଧାରିତ ହେବ।
ମିଳିଥିବା ସୂଚନା ଅନୁଯାୟୀ ଛାତ୍ରୀଛାତ୍ରମାନେ ପିଏଚ୍‌.ଡି., ଡି.ଲିଟ୍‌ କିମ୍ବା ଅନ୍ୟ ଡିଗ୍ରୀ ପାଇଁ ମନଇଚ୍ଛା ଥେସିସ୍‌ ଦାଖଲ କରିପାରିବେ ନାହିଁ। ଛାତ୍ରୀଛାତ୍ରମାନେ ଯେଉଁ ବିଷୟରେ ଗବେଷଣା କରିବାକୁ ଚାହୁଁଛନ୍ତି ସେମାନେ ଏଥିପାଇଁ ନିଜକୁ କିଭଳି ପ୍ରସ୍ତୁତ କରୁଛନ୍ତି ସେ ସମସ୍ତ ବିଷୟକୁ ଅନୁଧ୍ୟାନ କରାଯିବ। ୨ ବର୍ଷ ପୂର୍ବରୁ ଗବେଷଣା ପାଇଁ ଥେସିସ୍‌ ଦାଖଲ କରିପାରିବେ ନାହିଁ।
କେବଳ ଛାତ୍ରୀଛାତ୍ର ନୁହନ୍ତି, ଉଚ୍ଚଶିକ୍ଷା କ୍ଷେତ୍ରରେ ଗୁଣାତ୍ମକ ଶିକ୍ଷାଦାନ ପାଇଁ ବିଭିନ୍ନ ବିଷୟରେ ନିଯୁକ୍ତି ପାଇଥିବା ଅଧ୍ୟାପକମାନଙ୍କୁ ମଧ୍ୟ ରାଜ୍ୟ ସରକାର ପ୍ରୋତ୍ସାହନ ଯୋଗାଇ ଆସୁଛନ୍ତି। ୪୫ ବର୍ଷରୁ କମ୍‌ ବୟସର ଅଧ୍ୟାପକମାନଙ୍କୁ ଗବେଷଣା ପାଇଁ ରାଜ୍ୟ ସରକାର ୫ ଲକ୍ଷ ଟଙ୍କା ଲେଖାଏ ପ୍ରୋତ୍ସାହନ ରାଶି ଯୋଗାଇ ଦେଉଛନ୍ତି। ଗତ ୨ ବର୍ଷରେ ୮୦ ଜଣ ଅଧ୍ୟାପକଙ୍କୁ ଗବେଷଣା ପାଇଁ ପ୍ରୋତ୍ସାହନ ରାଶି ଦିଆଯାଇଛି। ଏହାଦ୍ୱାରା ସେମାନଙ୍କ ଦକ୍ଷତା ବୃଦ୍ଧି ହେବା ସହ ଶିକ୍ଷାନୁଷ୍ଠାନରେ ଗବେଷଣାର କ୍ଷେତ୍ର ପ୍ରଶସ୍ତ ହେବ ବୋଲି ଉଚ୍ଚ ଶିକ୍ଷା ପରିଷଦର ଜଣେ ବରିଷ୍ଠ ଅଧିକାରୀ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଲଗାଣ ବର୍ଷା: ସ୍କୁଲରେ ଉପସ୍ଥାନ ଶୂନ

କଟକ ଅଫିସ,୭।୭- ଲଗାଣ ବର୍ଷା ଯୋଗୁ କଟକ ସହର ଜଳାର୍ଣ୍ଣବ ହୋଇଛି। ବିଶେଷକରି ଏହାର ପ୍ରଭାବ ପାଠପଢା ଉପରେ ପଡିଛି। ଶନିବାର ବର୍ଷାଯୋଗୁ ସହରର ସମସ୍ତ...

୧୭ ବର୍ଷ ହେବ ମରାମତି ହୋଇନି : ରାସ୍ତାରେ ଧାନ ତଳି ରୋଇଲେ ଗ୍ରାମବାସୀ

ଜୁନାଗଡ଼,୧୭।୮(ଡି.ଏନ.ଏ.) – କଳାହାଣ୍ଡି ଜିଲା ଜୁନାଗଡ଼ ବ୍ଲକ ଛୋରିଆଗଡ଼ ପଞ୍ଚାୟତ ସାନଫୁର୍ଲା-ବନ୍ଦପଡାକୁ ସଂଯୋଗ କରୁଥିବା ଦେଢ କି.ମି. ରାସ୍ତା ଗତ ୧୭ ବର୍ଷ ହେବ ରକ୍ଷଣାବେକ୍ଷଣ...

ସୌମ୍ୟରଞ୍ଜନ ମୃତ୍ୟୁ ମାମଲା: ଓଆଇସି ମମତାଙ୍କୁ କ୍ରାଇମବ୍ରଞ୍ଚର ଜେରା

ପାରଳାଖେମୁଣ୍ଡି,୨୦।୮(ଡି.ଏନ୍‌.ଏ.): ଏସିଏଫ୍‌ ସୌମ୍ୟରଞ୍ଜନ ମୃତ୍ୟୁ ମାମଲାରେ ଶୁକ୍ରବାର କ୍ରାଇମବ୍ରାଞ୍ଚ ଟିମ୍‌ ଗୁରାଣ୍ଡି ଥାନା ଓଆଇସି ମମତା ପଣ୍ଡାଙ୍କୁ ଜେରା କରିଛି। ସେ ସୌମ୍ୟଙ୍କ ଆମ୍ବୁଲାନ୍ସ ଅଟକାଇଥିବା...

ଶିଶୁଙ୍କୁ ବଣ୍ଟନ ହେଉଥିବା ଛତୁଆରେ ବାଲି, ଗୁଣବତ୍ତାକୁ ନେଇ ଉଠିଲା ପ୍ରଶ୍ନ

ନୟାଗଡ଼ ଅଫିସ,୪।୮: ନୟାଗଡ଼ ଜିଲାର ବିଭିନ୍ନ ଅଙ୍ଗନୱାଡି କେନ୍ଦ୍ରକୁ ଯୋଗାଣ ହେଉଥିବା ଛତୁଆର ଗୁଣବତ୍ତା ଉପରେ ପ୍ରଶ୍ନ ଉଠିଛି। ଏହାର ମାନ ଭଲ ନ ଥିଲେ...

ପ୍ରତିଷ୍ଠା ହେବ ୫ ନୂଆ ହସ୍ତଶିଳ୍ପ କ୍ଲଷ୍ଟର

ଭୁବନେଶ୍ୱର,୨୦।୮(ବ୍ୟୁରୋ): ହସ୍ତଶିଳ୍ପ କାରିଗରମାନଙ୍କର ବିକାଶ ସହ ଓଡ଼ିଶା ହସ୍ତଶିଳ୍ପର ପ୍ରଚାର ପ୍ରସାର ପାଇଁ ରାଜ୍ୟରେ ପ୍ରତିଷ୍ଠା ହେବ ୫ରୁ ଊର୍ଦ୍ଧ୍ୱ ହ୍ୟାଣ୍ଡିକ୍ରାଫ୍ଟ କ୍ଲଷ୍ଟର୍‌। ଚଳିତବର୍ଷ ନୂତନ...

କମିଲା ସଂକ୍ରମଣ: ଆଜି ରାଜ୍ୟରୁ ୪୪୮ ଆକ୍ରାନ୍ତ ଚିହ୍ନଟ, ଏମାନଙ୍କ ମଧ୍ୟରେ ଅଛନ୍ତି ୫୯ ଶିଶୁ

ଭୁବନେଶ୍ୱର,୧୧ା୧୦(ବ୍ୟୁରୋ): ସୋମବାର ରାଜ୍ୟରୁ ୪୪୮ ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ବର୍ତ୍ତମାନ ମୋଟ୍‌ କରୋନା ଆକ୍ରାନ୍ତଙ୍କ ସଂଖ୍ୟା ୧୦,୩୨,୧୪୪ରେ ପହଞ୍ଚିଥିବା ରାଜ୍ୟ ସୂଚନା ଓ...

ରେତଙ୍ଗ ଷ୍ଟେଶନର ମୁଖ୍ୟ ରାସ୍ତା ଜଳମଗ୍ନ

ଯାଁଳା, ୨୫। ୯(ଡି.ଏନ.ଏ.): ଖୋର୍ଦ୍ଧା- ଭୁବନେଶ୍ୱର ଜାତୀୟ ରାଜପଥ ନଂ. ୧୬ର ଯାଁଳାଠାରୁ ରେତଙ୍ଗ ରେଳ ଷ୍ଟେଶନକୁ ଯାଇଥିବା ମୁଖ୍ୟ ରାସ୍ତାଟି ଲଗାଣ ବର୍ଷା ଯୋଗୁ...

ଭାଜପାରେ ମିଶିଲେ ଏକାମ୍ରର ଏକାଧିକ ଯୁବନେତା

ଭୁବନେଶ୍ୱର, ୮ା୨(ବ୍ୟୁରୋ): ଭାଜପା ରାଜ୍ୟ କାର୍ଯ୍ୟାଳୟରେ ସଭାପତି ସମୀର ମହାନ୍ତିଙ୍କ ଉପସ୍ଥିତିରେ ଏବଂ ଭୁବନେଶ୍ୱର ଜିଲା ସଭାପତି ବାବୁ ସିଂଙ୍କ ନେତୃତ୍ୱରେ ଏକାମ୍ର ନିର୍ବାଚନମଣ୍ଡଳୀର ବହୁ...

Advertisement
Archives

Model This Week