ମୁମ୍ବାଇ,୨୮।୯: ଭାରତୀୟ ଅଧିନାୟକ ବିରାଟ କୋହଲି ନିକଟରେ ଟି୨୦ ଦଳର ନେତୃତ୍ୱ ଛାଡ଼ିବା ନେଇ ଘୋଷଣା କରିଥିଲେ। ତେବେ ଏହା ପଛରେ ଏକ ବଡ଼ କାରଣ ରହିଛି। ଭାରତୀୟ ଦଳର ଜଣେ ବରିଷ୍ଠ ଖେଳାଳି ବିସିସିଆଇ ନିକଟରେ କୋହଲିଙ୍କ ବିରୋଧରେ ଅଭିଯୋଗ କରିଥିଲେ। କିଛି ରିପୋର୍ଟ ଅନୁଯାୟୀ, ସେହି ବରିଷ୍ଠ ଖେଳାଳି ହେଉଛନ୍ତି ରବିଚନ୍ଦ୍ରନ ଅଶ୍ୱିନ।
କୋହଲିଙ୍କ ମନୋଭାବ କାରଣରୁ ତାଙ୍କୁ ଅଧିନାୟକ ପଦରୁ ହଟାଇବାକୁ ବିସିସିଆଇ ଚିନ୍ତା କରୁଛି। ଡ୍ରେସିଂ ରୁମ୍ରେ ତାଙ୍କ ଆଟିଟ୍ୟୁଡ୍ ପାଇଁ ବହୁ ଖେଳାଳି ଅଭିଯୋଗ କରିଛନ୍ତି। ଏହି କାରଣରୁ ବ୍ୟାଟିଂ ପ୍ରଭାବିତ ହେଉଥିବା ଦର୍ଶାଇ କୋହଲି ଟି୨୦ ଦଳର ଅଧିନାୟକ ପଦରୁ ଓହରି ଯାଇଥିବା ରିପୋର୍ଟରେ କୁହାଯାଇଛି।
ବିଶ୍ୱ ଟେଷ୍ଟ ଚାମ୍ପିୟନଶିପ୍ ଫାଇନାଲ ପରେ ଅଶ୍ୱିନ ବିସିସିଆଇ ନିକଟରେ ଅଭିଯୋଗ କରିଥିଲେ। ସାଉଥାମ୍ପଟନର ବଲ ସୁଇଙ୍ଗ ହେଉଥିବା ପିଚ୍ରେ ଅଶ୍ୱିନ ସବୁଠୁ ସଫଳ ସ୍ପିନର ଥିଲେ। ଏହାସତ୍ତ୍ୱେ ଇଂଲଣ୍ଡ ବିପକ୍ଷ ଟେଷ୍ଟ ସିରିଜ୍ରେ ଅଶ୍ୱିନଙ୍କୁ ସୁଯୋଗ ଦେଇ ନ ଥିଲେ କୋହଲି। ଏଥିଯୋଗୁ କୋହଲିଙ୍କ ଦିନିକିଆ ଅଧିନାୟକ ପଦ ମଧ୍ୟ ସଙ୍କଟରେ ପଡ଼ିଛି। ଯଦି ଆଗାମୀ ଦିନିକିଆ ସିରିଜ୍ରେ ତାଙ୍କ ନେତୃତ୍ୱାଧୀନ ଦଳ ଭଲ ପ୍ରଦର୍ଶନ କରିବାରେ ବିଫଳ ହୁଏ, ତେବେ ତାଙ୍କୁ ଅଧିନାୟକ ପଦ ଛାଡ଼ିବାକୁ ପଡ଼ିପାରେ।
