ବଲାଙ୍ଗୀର/ଟିଟଲାଗଡ,୨୮।୪(ସୁନିଲ ମହାନ୍ତି, ଶରତ ମିଶ୍ର): ବଲାଙ୍ଗୀର ଜିଲା ଟିଟିଲାଗଡ ଥାନା ଅନ୍ତର୍ଗତ ମାରଲାଡ ବ୍ରିଜ ନିକଟରେ ମଙ୍ଗଳବାର ଏକ ଭୟଙ୍କର ଦୁର୍ଘଟଣା ଘଟିଛି। ପିକଅପ ଭାରସାମ୍ୟ ହରାଇ ଓଲଟି ପଡ଼ିବାରୁ ୩ ଶିଶୁ ମୃତ ୩ ଗୁରୁତର ହୋଇଥିବା ଜଣାପଡିଛି । ଟିଟିଲାଗଡ ଲେଶୁନବାହାଲି ଗ୍ରାମରେ ଗୋଟିଏ ବାହାଘର ଚାଲିଥିବା ବେଳେ ଏକ ପିକପ ଗାଡ଼ିରେ ୭ ଜଣ ଶିଶୁ ବାହା ଭୋଜି ଖାଇ ମାରଲାଡକୁ କୌଣସି କାମ ପାଇଁ ଯାଉଥିଲେ। ତେବେ ମାରଲାଡ ଯିବା ରାସ୍ତାରେ ଥିବା ବ୍ରିଜରେ ଦ୍ରୁତଗତିର ଆସୁଥିବା ପିକଅପ ଗାଡିଟି ଭାରସାମ୍ୟ ହରାଇ ଓଲଟି ପଡ଼ିଥିଲା। ଘଟଣାସ୍ଥଳରେ ୩ ଜଣ ଶିଶୁଙ୍କ ମତ୍ୟୁ ହୋଇଥିବା ବେଳେ ୩ ଜଣ ଗୁରୁତର ହୋଇଛନ୍ତି । ତେବେ ଗୁରୁତରକୁ ସ୍ଥାନୀୟ ଲୋକେ ଉଦ୍ଧାର କରି ଏକ ଅଟୋ ସାହାଯ୍ୟରେ ଟିଟିଲାଗଡ ହସ୍ପିଟାଲରେ ଭର୍ତ୍ତି କରିଥିଲେ । ଡାକ୍ତରଙ୍କ ଚିକିତ୍ସା ବେଳେ ଜଣେ ଅଧିକ ଗୁରୁତର ହେବାରୁ ତାଙ୍କୁ ଡାକ୍ତର ବଲାଙ୍ଗୀର ଭୀମଭୋଇ ମେଡିକାଲ କଲେଜ ଓ ହସ୍ପିଟାଲକୁ ପଠାଇଥିବା ସୁଚନା ମିଳିଛି ।
