ରାଇକିଆ,୩୦ା୧୨ (ପ୍ରଦୀପ ବେହେରା): କନ୍ଧମାଳ ଜିଲା ରାଇକିଆ ସେଣ୍ଟ କ୍ୟାଥରିନ ବିଦ୍ୟାଳୟରଛାତ୍ରୀଛାତ୍ରମାନେ ରାଜ୍ୟସ୍ତରୀୟ ଟାଏକୋଣ୍ଡୋ କ୍ରୀଡ଼ାରେ ସଫଳତା ଅର୍ଜନ କରିଛନ୍ତି। ଭଦ୍ରକ ଠାରେ ଅନୁଷ୍ଠିତ ୩ଦିନିଆ ରାଜ୍ୟସ୍ତରୀୟ ଓପନ ଟାଏକୋଣ୍ଡୋ ପ୍ରତିଯୋଗିତାରେ କନ୍ଧମାଳ ଜିଲାରୁ ୨୫ ଜଣ ଛାତ୍ରୀଛାତ୍ର ଭାଗ ନେଇଥିଲେ। ସ୍ବର୍ଣ୍ଣ ପଦକରେ ଅପୂର୍ବା ଆର୍ଯ୍ୟ, ଦିବ୍ୟାଦର୍ଶନୀ ପ୍ରଧାନ, ଏସ୍.କେ. ଶ୍ରୀଭା ପ୍ରଧାନ, ଆଶୁତୋଷ ପ୍ରଧାନ ଥିବାବେଳେ ରୌପ୍ୟ ପଦକରେ ଇଶାନ ଆଦିତ୍, ଆର଼୍ୟାନ ଅନସାରୀ, ଆରୋହୀ ନାୟକ, ପରିନିତା ପ୍ରଧାନ, ସ୍ମିତାରାଣି ନାୟକ, ସ୍ନେହା ପାଣିଗ୍ରାହୀ ପଦକ ହାସଲ କରି ଜିଲା ପାଇଁ ଗୌରଭ ଆଣିଛନ୍ତି। ୧୫ ଜଣ କାଂସ୍ୟ ପଦକ ହାସଲ କରିଥିଲେ। ଜିଲା ଟାଏକୋଣ୍ଡୋ ପ୍ରଶିକ୍ଷକ ଭିନସ କୁମାର ନାୟକଙ୍କ ପ୍ରଶିକ୍ଷଣରେ ଛାତ୍ରୀଛାତ୍ରମାନେ ଏହି କୃତିତ୍ତ୍ୱ ଅର୍ଜନ କରିଛନ୍ତି। ଟାଏକୋଣ୍ଡୋ ଭଳି କ୍ରୀଡା ପ୍ରତି ଆଗ୍ରହ ଦେଖାଇବା ଏବଂ ଏଥିରେ ସଫଳତାକୁ ନେଇ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟିଛି।
