ବେଙ୍ଗାଲୁରୁ,୩୧।୧୦ : ବେଙ୍ଗାଲୁରୁର ଇଲେକ୍ଟ୍ରୋନିକ ସିଟି ନିକଟ ସିଙ୍ଗାସନ୍ଦ୍ରା ଅଞ୍ଚଳରେ ଏକ ଚିତାବାଘ ଦେଖିବାକୁ ମିଳିଛି। ଏହାର ଏକ ଭିଡିଓ ମଧ୍ୟ ଭାଇରାଲ ହୋଇଛି। ଯେଉଁଥିରେ ଏକ ଚିତାବାଘ ସେହି ଅଞ୍ଚଳରେ ରାତିରେ ବୁଲୁଥିବାର ଦେଖାଯାଇଥିଲା। ଫୁଟେଜ ଅନୁଯାୟୀ, ଚିତାବାଘ ସିଙ୍ଗାସନ୍ଦ୍ରା ଅଞ୍ଚଳରେ ଦୁଇଟି ବୁଲା କୁକୁରକୁ ଗୋଡାଉଥିବା ସିସିଟିଭି କ୍ୟାମେରାରେ ଦେଖିବାକୁ ମିଳିଥିଲା। ସିଙ୍ଗାସନ୍ଦ୍ରା ବ୍ୟାନରଘଟା ଜାତୀୟ ଉଦ୍ୟାନର ନିକଟବର୍ତ୍ତୀ। ଚିତାବାଘକୁ ଧରିବା ପାଇଁ ଜଙ୍ଗଲ ବିଭାଗ ଏହି ଅଞ୍ଚଳରେ ତିନିଟି ଦଳ ନିୟୋଜିତ କରାଯାଇଛି। ବନ ବିଭାଗର ପ୍ରାୟ ୩୦ ଜଣ ସଦସ୍ୟଙ୍କୁ ଟ୍ରାଙ୍କୁଲାଇଜର ବନ୍ଧୁକ ସହିତ ନିୟୋଜିତ କରାଯାଇଛି।
ବନ ବିଭାଗ କହିଛି ଆମ ଦଳ ଏହି ଅଞ୍ଚଳରେ ନିୟୋଜିତ ହୋଇସାରିଛି। ଯନ୍ତା ମଧ୍ୟ ରଖାଯାଇଛି। ଏନେଇ କର୍ନାଟକର ମୁଖ୍ୟ ବନ ସଂରକ୍ଷଣକାରୀ (ବନ୍ୟପ୍ରାଣୀ) ଏବଂ ମୁଖ୍ୟ ବନ୍ୟପ୍ରାଣୀ ୱାର୍ଡେନ ସୁଭାଷ କେ. ମାଲଖେଡେ କହିଛନ୍ତି। ଆମେ ବ୍ୟାନରଘାଟ ପ୍ରାଣୀ ଉଦ୍ୟାନର ଡ଼ାକ୍ତରଙ୍କୁ ସେଠାରେ ରହିବାକୁ କହିଛୁ ଏବଂ ସତର୍କତା ଅବଲମ୍ବନ କରି ଜଙ୍ଗଲ ଅଧିକାରୀଙ୍କୁ ମଧ୍ୟ ଟ୍ରାଙ୍କୁଲାଇଜର ବନ୍ଧୁକ ସହିତ ନିୟୋଜିତ କରାଯାଇଛି। ଚିତାବାଘ ଦେଖିବା ମାତ୍ରେ ଆମେ ଆବଶ୍ୟକ ପଦକ୍ଷପ ଗ୍ରହଣ କରିବୁ।
ଜଙ୍ଗଲର ମୁଖ୍ୟ ସଂରକ୍ଷଣକାରୀ ଏସ. ଲିଙ୍ଗରାଜ କହିଛନ୍ତି ଚିତାବାଘକୁ ପ୍ରଥମେ ଆପାର୍ଟମେଣ୍ଟ କମ୍ପ୍ଲେକ୍ସରେ ଭାଇରାଲ ଭିଡିଓରେ ଦେଖାଯାଇଥିଲା। ଏହା ପରେ ସେ ରାସ୍ତାରେ ଏଣେତେଣେ ବୁଲିଥିଲା। ଚିତାବାଘ ଖୋଜିବା ପାଇଁ ବିଭାଗୀୟ କର୍ମଚାରୀ ଚେଷ୍ଟା କରୁଛନ୍ତି। ଆମେ ଏହା ଉପରେ ତୀକ୍ଷଣ ନଜର ରଖୁଛୁ।
ପ୍ରଶାସନ ପକ୍ଷରୁ ଲୋକଙ୍କ ସର୍ତକ ରହିବାକୁ ଏବଂ ରାତିରେ ଘରୁ ନ ବାହାରିବାକୁ ପରାମର୍ଶ ଦିଆଯାଇଛି।
https://twitter.com/DomainMint/status/1718907400785387570?ref_src=twsrc%5Etfw%7Ctwcamp%5Etweetembed%7Ctwterm%5E1718907400785387570%7Ctwgr%5E9720190f024fb31dfcc7867a2026e36d9e653aaa%7Ctwcon%5Es1_&ref_url=https%3A%2F%2Fhindi.news24online.com%2Ftrending%2Fleopard-roaming-bengaluru-streets-forest-department-personnel-deployed-tranquilizer-guns%2F415308%2F
LEOPARD SPOTTED IN BENGALURU
A Leopard has been spotted roaming on the roads at AECS Layout – A Block, Kudlu Gate. Kindly do the needful at the earliest @aranya_kfd before it attacks anyone@BlrCityPolice @MTF_Mobility @osd_cmkarnataka pls help this info reach the concerned… pic.twitter.com/vwyY5s2gv3
— Karnataka Weather (@Bnglrweatherman) October 30, 2023
