ବେଜିଂ,୧୮।୨ : ଚାଇନା ଏହାର ବିସ୍ତାରବାଦୀ ନୀତି ଜାରି ରଖିଛି। ବର୍ତ୍ତମାନ ଲାଇନ ଅଫ ଆକ୍ଟୁଆଲ କଣ୍ଟ୍ରୋଲ (ଏଲଏସି) ନିକଟରେ ଏକ ନୂତନ ରେଳ ଲାଇନ ସ୍ଥାପନ କରିବାକୁ ପ୍ରସ୍ତୁତି ଆରମ୍ଭ କରିଛି। ରେଳ ଟେକ୍ନୋଲୋଜିର ରିପୋର୍ଟ ଅନୁଯାୟୀ, ଏହି ରେଳ ଲାଇନ ଏଲଏସି ନିକଟରେ ବିବାଦୀୟ ଆକସାଇ ଚାଇନା ଦେଇ ଯିବ।
ସୀମା ବିବାଦ ମଧ୍ୟରେ ଚାଇନାର ଏହି ପଦକ୍ଷେପ ଉଭୟ ଭାରତ ଏବଂ ତିବ୍ଦତ ପାଇଁ ଚିନ୍ତା ବଢ଼ାଇବାକୁ ଯାଉଛି। ଭାରତର ଆକସାଇ ଚାଇନାର ପ୍ରାୟ ୩୮ ହଜାର ବର୍ଗ କିଲୋମିଟର ଅଞ୍ଚଳ ଚାଇନା ଦଖଲ କରିଥିଲା। ଏହି କ୍ଷେତ୍ର ଦୁଇ ଦେଶ ମଧ୍ୟରେ ବିବାଦର ବିଷୟ ପାଲଟିଛି।
ରେଳ ଟେକ୍ନୋଲୋଜି ଅନୁଯାୟୀ ଚାଇନା ତିବ୍ବତ ସ୍ବୟଂଶାସିତ ଅଞ୍ଚଳରେ ବର୍ତ୍ତମାନ ୧୪୦୦ କିଲୋମିଟରରୁ ୪୦୦୦ କିଲୋମିଟର ପର୍ଯ୍ୟନ୍ତ ରେଳ ନେଟୱାର୍କକୁ ବିସ୍ତାର କରିବାକୁ ଚାହୁଁଛି। ଭାରତ-ନେପାଳ ସୀମାରେ ରେଳ ନେଟୱାର୍କକୁ ବିସ୍ତାର କରିବାକୁ ପ୍ରସ୍ତୁତି ଚାଲିଛି। ଏଥିରେ ସଫଳ ହେଲେ ଚାଇନା କହିପାରେ ଯେ ତିବ୍ବତରେ ଏକ ସ୍ବୟଂଶାସିତ ସରକାର ଅଛି, କିନ୍ତୁ ଚାଇନା ନିର୍ଦ୍ଦେଶରେ ଏହି ସରକାର ଚାଲିଛି।
ରେଳ ଳାଇନା ବିଛାଇବା ନାମରୋ ଚାଇନା ତିବ୍ଦତ ଦଖଲ କରିଛି। ପ୍ରସ୍ତାବିତ ରେଳ ଟ୍ରାକ ତିବ୍ଦତର ଶିଗାତ୍ସେ ଠାରୁ ଆରମ୍ଭ ହୋଇ ନେପାଳ ସୀମାରେ ଉତ୍ତର-ପଶ୍ଚିମ ଦିଗ ପର୍ଯ୍ୟନ୍ତ ଚାଲିବ। ଏହା ପରେ, ଏହି ରେଳ ଲାଇନ ଆକସାଇ ଚାଇନେ ଦେଇ ଯାଇ ହୋତାନ, ଝିନଜିଆଙ୍ଗରେ ପହଞ୍ଚିବ। ଏହି ରେଳ ଲାଇନ ମଧ୍ୟ ଏଲଏସି ନିକଟ ରୁତୋଗ ଏବଂ ପୈଙ୍ଗୋଙ୍ଗ ହ୍ରଦ ଦେଇ ଯିବ। ଶିଗାତ୍ସେ ଠାରୁ ପାଖୁକତ୍ସୋ ପର୍ଯ୍ୟନ୍ତ ପ୍ରଥମ ରେଳ ଲାଇନ ନିର୍ମାଣ କାର୍ଯ୍ୟ ୨୦୨୫ ସୁଦ୍ଧା ଶେଷ ହେବ। ଅବଶିଷ୍ଟ ରେଳ ଲାଇନ ନିର୍ମାଣ ୨୦୩୫ ସୁଦ୍ଧା ଶେଷ ହେବାର ଯୋଜନା ରହିଛି।
