ଚଣ୍ଡିଗଡ଼,୩୦।୧: ‘ଶ୍ରୀ ହରମନ୍ଦିର ସାହିବରେ କିଏ ବରିଷ୍ଠ କଂଗ୍ରେସ ନେତା ରାହୁଲ ଗାନ୍ଧୀଙ୍କ ପକେଟ ମାର କରିଛି’। ଏଭଳି ପ୍ରଶ୍ନ କରିଛନ୍ତି ପୂର୍ବତନ କେନ୍ଦ୍ର ମନ୍ତ୍ରୀ ତଥା ସିରୋମଣି ଅକାଳି ଦଳ (ଏସ୍ଏଡଟ୍ର ଏମ୍ପି ହରସିମରତ କୌର ବାଦଲ।
ଆଗାମୀ ବିଧାନସଭା ନିର୍ବାଚନ ଲାଗି ପ୍ରଚାର ପାଇଁ ବୁଧବାର ପଞ୍ଜାବରେ ପହଞ୍ଚିଥିଲେ ରାହୁଲ। ଏହି ଗସ୍ତ ବେଳେ ସେ ଅମୃତସରସ୍ଥିତ ସ୍ବର୍ଣ୍ଣ ମନ୍ଦିର ମଧ୍ୟ ଯାଇଥିଲେ। ସେଠାରେ କଂଗ୍ରେସ ଦଳର କିଛି ବିଧାୟକ ପ୍ରାର୍ଥୀ ମାରପିଟ ଲାଗିଥିଲେ। ସେହି ଦିନ ସନ୍ଧ୍ୟାରେ ଜଳନ୍ଧରରେ ଏକ ଭର୍ଚୁଆଲ ରାଲିକୁ ସମ୍ବୋଧିତ କରିଥିଲେ ପୂର୍ବତନ କଂଗ୍ରସ ସଭାପତି। ତାଙ୍କ ସହ ମୁଖ୍ୟମନ୍ତ୍ରୀ ଚରନଜିତ ସିଂ ଚନ୍ନି, ଉପ ମୁଖ୍ୟମନ୍ତ୍ରୀ ସୁଖଜିନ୍ଦର ସିଂ ରାନ୍ଧଓ୍ବା ଏବଂ ଓପି ସୋନି ଉପସ୍ଥିତ ଥିଲେ।
“ ମୁଖ୍ୟମନ୍ତ୍ରୀ ଚନ୍ନି, କଂଗ୍ରେସ ରାଜ୍ୟ ମୁଖ୍ୟ ନବଜୋତ ସିଂ ସିଦ୍ଧୁ ଏବଂ ଉପମୁଖ୍ୟମନ୍ତ୍ରୀ ସୁଖଜିନ୍ଦର ସିଂ ରାନ୍ଧଓ୍ବାଙ୍କ ମଧ୍ୟରୁ କିଏ ଶ୍ରୀ ହରମନ୍ଦିର ସାହିବରେ ରାହୁଲ ଗାନ୍ଧୀଙ୍କ ପକେଟ ମାରିଛି। କାରଣ ଏହି ୩ ଲୋକଙ୍କ ଛଡ଼ା ଜେଡ୍ ସିକ୍ୟୁରିଟି କାହାକୁ ରାହୁଲଙ୍କ ପାଖ ମାଡ଼ିବାକୁ ଦେଇ ନ ଥିଲେ। ନା ଆମ ପବିତ୍ର ମନ୍ଦିରକୁ ବଦନାମ କରିବା ପାଇଁ ଏହା ଆଉ ଏକ ପ୍ରୟାସ” ବୋଲି ହରସିମରତ କୌର ପ୍ରଶ୍ନ କରିଛନ୍ତି। ତେବେ ପକେଟ ମାର ଘଟଣା ଉପରେ ସେ ଅଧିକ ତଥ୍ୟ ଦେଇ ନାହାନ୍ତି।
ହରସିମରତଙ୍କ ଟୁଇଟ୍କୁ ରିଟୁଇଟ୍ କରି କଂଗ୍ରେସ ମୁଖ୍ୟ ପ୍ରବକ୍ତା ରଣଦୀପ ସିଂ ସୁରଜଓ୍ବୋଲା ଲେଖିଛନ୍ତି, ଏଭଳି ମିଥ୍ୟା ଖବର ପ୍ରସାରିତ କରିବା ନିନ୍ଦନୀୟ। ସେଭଳି କିଛି ଘଟଣା ଘଟିନାହିଁ। ରାଜନୈତୀକ ମତଦେଭ ଥିଲେ ମଧ୍ୟ ତାଙ୍କୁ ଦାୟିତ୍ୱବାନ ଓ ପରିକ୍ୱତା ପ୍ରଦର୍ଶିତ କରିବା ଉଚିତ।
