ସାଢ଼େ ୮ ବର୍ଷରେ ୮୧୫ ଲୋକ, ୬୬୯ ହାତୀ ମୃତ

ଭଞ୍ଜନଗର,୧୦।୧୦(ଡି.ଏନ୍‌.ଏ.): ରାଜ୍ୟରେ ଜନସଂଖ୍ୟା ବୃଦ୍ଧି ଯୋଗୁ ଜଙ୍ଗଲ ଉପରେ ଲୋକଙ୍କ ଆବଶ୍ୟକତା ବଢ଼ିଲା। ଏହାଦ୍ୱାରା ଜଙ୍ଗଲ କ୍ଷୟ ହେଲା। ଫଳରେ ହାତୀ ସମେତ ଅନ୍ୟାନ୍ୟ ବନ୍ୟପ୍ରାଣୀ ଗଁାମୁହଁା ହେଉଛନ୍ତି। ଯାହାଦ୍ୱାରା ହାତୀ ମଣିଷ ମଧ୍ୟରେ ଅଧିକାଂଶ ସମୟ ଲଢ଼େଇ ହେଉଛି। ଏହି କ୍ରମରେ ୨୦୧୪ ଏପ୍ରିଲ ପହିଲାରୁ ରବିବାର ସୁଦ୍ଧା ରାଜ୍ୟରେ ହାତୀ ମଣିଷ ଲଢ଼େଇ ହୋଇ ୮୧୫ ଜଣଙ୍କ ମୃତ୍ୟୁ ଘଟିଥିବା ବେଳେ ୭୪୯ ଆହତ ହୋଇଛନ୍ତି। ସେଥିମଧ୍ୟରୁ ଗଞ୍ଜାମ ଜିଲାରେ ଏହି ସମୟ ମଧ୍ୟରେ ୧୫ ଜଣ ମୃତ୍ୟୁବରଣ କରିଥିବା ବେଳେ ୨୫ ଆହତ ହୋଇଛନ୍ତି। ଏଥିସହ ୬୬୯ ହାତୀ ବିଭିନ୍ନ କାରଣରୁ ମୃତ୍ୟୁବରଣ କରିଛନ୍ତି। ୨୦୧୭ ହାତୀଗଣନା ଅନୁସାରେ ରାଜ୍ୟରେ ୧୯୭୬ ହାତୀ ଅଛି। ବିଗତ ୫ ବର୍ଷ ହେବ ରାଜ୍ୟରେ ହାତୀଗଣନା ହୋଇ ନ ଥିବା ବେଳେ ବର୍ତ୍ତମାନ ହାତୀ ଜନ୍ମ ଏବଂ ମୃତ୍ୟୁ ଯୋଗୁ ଏହି ସଂଖ୍ୟା ବଦଳିବ। ଏଭଳି ସ୍ଥିତିରେ ଶନିବାର ରାତିରେ ଗଞ୍ଜାମ ଜିଲା ଉତ୍ତର ଘୁମୁସର ବନଖଣ୍ଡ ତାରସିଂ ରେଞ୍ଜ କ୍ଷେତମୁଣ୍ଡାଳିରେ ହାତୀପଲ ଆକ୍ରମଣରେ ଜଣେ ଭାଗଚାଷୀ ପବିତ୍ର ପାତ୍ର (୪୦)ଙ୍କ ମୃତ୍ୟୁ ଘଟିଛି। ବନ ବିଭାଗ କର୍ମଚାରୀ ପହଞ୍ଚତ୍ ପବିତ୍ରଙ୍କ ମୃତଦେହ ଜବତ କରିଥିଲେ। ଏଥିସହ ହାତୀପଲକୁ ଜଙ୍ଗଲକୁ ଘଉଡ଼ାଇଥିଲେ। ପ୍ରକାଶ ଯେ, ରାତିରେ ପବିତ୍ରଙ୍କ ସମେତ ଗ୍ରାମର ଦୂତିକୃଷ୍ଣ ପ୍ରଧାନ, ସଜ୍ଜିତ ପ୍ରଧାନ, କିଶୋର ଚନ୍ଦ୍ର ପ୍ରଧାନ, ଧୋବା ଆଳତିଆ, ରମେଶ ଆଳତିଆ ପ୍ରମୁଖ ୬ ଜଣ ମିଶି ଜମିରୁ ହାତୀ ଘଉଡ଼ାଇବାକୁ ଯାଇଥିଲେ। ରାତି ପ୍ରାୟ ୯ଟା ୪୦ରେ ୧୭ଟି ହାତୀ ବାରଦଣ୍ଡାରୁ କ୍ଷେତମୁଣ୍ଡାଳି ଅଭିମୁଖେ ଆସି ପବିତ୍ରଙ୍କ ସମେତ ଅନ୍ୟମାନଙ୍କ ଜମିରେ ଫସଲ ଖାଉଥିଲା। ତେଣୁ ସେମାନେ ହାତୀଙ୍କୁ ଘଉଡ଼ାଇଥିଲେ। ଏହି ସମୟରେ ହାତୀପଲ ସେମାନଙ୍କୁ ଓଲଟା ଗୋଡ଼ାଇଥିଲା। ଫଳରେ ସମସ୍ତେ ପ୍ରାଣବିକଳରେ ଦୌଡ଼ିଥିଲେ। କିନ୍ତୁ ପବିତ୍ର କିଛି ବାଟ ଦୌଡ଼ି ଯିବା ପରେ ତଳେ ପଡ଼ିଯାଇଥିଲେ। ଏହି ସମୟରେ ହାତୀପଲ ପବିତ୍ରଙ୍କୁ ଗୋଡ଼ରେ ଦଳିଦେବାରୁ ତାଙ୍କର ମୃତ୍ୟୁ ଘଟିଥିଲା। ଅକ୍ଟୋବର ୨ରୁ ୮ ବନ୍ୟପ୍ରାଣୀ ସୁରକ୍ଷା ସଚେତନତା ସପ୍ତାହ ଚାଲିଥିବା ବେଳେ ଅନ୍ୟପଟେ ହାତୀ ଆକ୍ରମଣରେ ଜଣେ ଭାଗଚାଷୀଙ୍କ ମୃତ୍ୟୁ ଚିନ୍ତାଜନକ ହୋଇପଡ଼ିଛି। ଗଞ୍ଜାମ ଜିଲାରେ ହାତୀ ଆକ୍ରମଣରେ ଦିଗପହଣ୍ଡି ରେଞ୍ଜ୍‌ ସିଙ୍ଗିପୁରରେ ୧୫ ଜୁନ୍‌ ୨୦୨୧ରେ ୨ଜଣ ଏବଂ ଜଗନ୍ନାଥପ୍ରସାଦ ରେଞ୍ଜ୍‌ ଜିଲିବାରେ ୧୦ ଜୁନ୍‌ ୨୦୨୧ରେ ଜଣେ ମୃତ୍ୟୁବରଣ କରିଛନ୍ତି। ସେହିଭଳି ଗାଲେରୀ ରେଞ୍ଜ୍‌ ନୂଅଁାପଲ୍ଲୀରେ ୨୭ ଡିସେମମ୍ବର ୨୦୨୦ରେ ୨ଜଣ ମୃତ୍ୟୁବରଣ କରିଛନ୍ତି। ଆସିକା ରେଞ୍ଜ୍‌ ଶୋଭଚନ୍ଦ୍ରପୁରରେ ୧୩ ଏପ୍ରିଲ ୨୦୧୯ରେ ଜଣେ, ଦିଗପହଣ୍ଡି ରେଞ୍ଜ୍‌ ସାନଦାଣ୍ଡସାହିରେ ୨୧ ଜାନୁୟାରୀ ୨୦୨୦ରେ ଜଣେ, ୨୨ ଡିସେମ୍ବର ୨୦୧୮ରେ ଏହି ରେଞ୍ଜ୍‌ର ଚୁଡ଼ଙ୍ଗପୁରରେ ଜଣେ, ତାରସିଂ ରେଞ୍ଜ୍‌ର ଶିଶୁଲୁଣ୍ଡାରେ ୩୦ ଏପ୍ରିଲ ୨୦୧୭ରେ ଜଣେ ମୃତ୍ୟୁବରଣ କରିଛନ୍ତି। ୨୦୧୬-୧୭ ଆର୍ଥତ୍କ ବର୍ଷରେ ଜଣେ ମଧ୍ୟ ମୃତ୍ୟୁବରଣ କରିନାହାନ୍ତି। ଖଲ୍ଲିକୋଟ ରେଞ୍ଜ ପାଳଧୁଆଳି ଗଁାରେ ୩ ଜୁନ୍‌ ୨୦୧୫ରେ ଜଣେ, ସୋରଡ଼ା ରେଞ୍ଜ ବଡ଼ଗୋଛାରେ ୮ ନଭେମ୍ବର ୨୦୧୫ରେ ଜଣେ, ଖଲ୍ଲିକୋଟ ରେଞ୍ଜ ଗୁରୁଣ୍ଠିରେ ୨୦ ଜାନୁୟାରୀ ୨୦୧୬ରେ ଜଣେ ମୃତ୍ୟୁବରଣ କରିଛନ୍ତି । ୪ ମାର୍ଚ୍ଚ ୨୦୧୫ରେ ଦିଗପହଣ୍ଡି ରେଞ୍ଜ ଧର୍ମପୁର ଗ୍ରାମରେ ଜଣେ, ସୋରଡ଼ା ରେଞ୍ଜ ଢେପାପଲ୍ଲୀ ଗଁାରେ ୧୯ ମାର୍ଚ୍ଚ ୨୦୧୫ରେ ଜଣେ ମୃତ୍ୟୁବରଣ କରିଛନ୍ତି। ରାଜ୍ୟର ଢେଙ୍କାନାଳ, ସୁନ୍ଦରଗଡ଼, ଅନୁଗୋଳ, କେନ୍ଦୁଝର, ମୟୂରଭଞ୍ଜ ଆଦି ଜିଲାରେ ହାତୀ ମଣିଷ ଲଢ଼େଇ ବଢୁଛି। ସେହି ଅନୁପାତରେ ଗଞ୍ଜାମ ଜିଲାରେ କମ୍‌ ଅଛି। କର୍ନାଟକ, ଆସାମ, କେରଳ, ତାମିଲନାଡ଼ୁ ରାଜ୍ୟରେ ଓଡ଼ିଶାଠାରୁ ଅଧିକ ହାତୀ ଥିଲେ ମଧ୍ୟ ଓଡ଼ିଶା ଅପେକ୍ଷା ସେଠାରେ ମୃତ୍ୟୁହାର କମ୍‌। ରାଜ୍ୟରେ ଲୋକେ ହାତୀ ଘଉଡ଼ାଇବାକୁ ଯିବା ସମୟରେ ସଚେତନତା ଅଭାବରୁ ବିପଦରେ ପଡୁଛନ୍ତି। ଏନେଇ ବରିଷ୍ଠ ପରିବେଶବିତ୍‌ ରଞ୍ଜିତ ପଟ୍ଟନାୟକଙ୍କ ସହ ଯୋଗାଯୋଗ କରିବାରୁ ସେ କହିଛନ୍ତି, ରାଜ୍ୟରେ ପାରମ୍ପରିକ ହାତୀ କରିଡର କ୍ଷତିଗ୍ରସ୍ତ ହେଉଥିବା ଯୋଗୁ ହାତୀମାନେ ସୁରକ୍ଷିତ ଭାବେ ଗୋଟିଏ ଜଙ୍ଗଲରୁ ଅନ୍ୟ ଜଙ୍ଗଲକୁ ଯାଇପାରୁନାହାନ୍ତି । ତେଣୁ ସେମାନେ ଗୋଟିଏ ଜଙ୍ଗଲରେ ଆବଦ୍ଧ ହୋଇ ଅଧିକାଂଶ ଦିନ ରହିବା ଯୋଗୁ ଖାଦ୍ୟ ଅନ୍ବେଷଣରେ ଗଁାମୁହଁା ହେଉଛନ୍ତି । ଏହି ସମୟରେ ମଣିଷ ଓ ହାତୀ ମଧ୍ୟରେ ଲଢ଼େଇ ହେଉଛି। ଏଥିଲାଗି କରିଡରଗୁଡ଼ିକର ପୁନରୁଦ୍ଧାର ହେବାର ଆବଶ୍ୟକତା ରହିଛି । ଏଥିସହ ଲୋକଙ୍କ ମଧ୍ୟରେ ସଚେତନତା ବଢ଼ିଲେ ହାତୀ ମଣିଷ ଲଢ଼େଇ କମିବ ବୋଲି ସେ କହିଛନ୍ତି।

ବାବୁଲା ପ୍ରଧାନ


Enter your email to get our daily news in your inbox.

All Right Reserved By Dharitri.Com

ଚାଙ୍ଗୁ ଗାଁ ୪୮ ଘଣ୍ଟା ଶଟ୍‌ଡାଉନ୍‌

ଚୌଦ୍ୱାର,୧୫ା୮(ଡି.ଏନ୍‌.ଏ.) : କଟକ ଜିଲା ଚୌଦ୍ୱାର ଥାନା ଅନ୍ତର୍ଗତ ବାଣିପଦା ପଞ୍ଚାୟତ ଚାଙ୍ଗୁ ଗାଁକୁ ୪୮ଘଣ୍ଟା ଅର୍ଥାତ୍‌ ଶନିବାର ସନ୍ଧ୍ୟା ୫ଟାରୁ ସୋମବାର ସନ୍ଧ୍ୟା ୫ଟା...

ଯୁବତୀଙ୍କୁ ବଳାତ୍କାର କରି ବନ୍ଧାହେଲେ କନଷ୍ଟେବଳ

ବାରିପଦା ଅଫିସ,୩୦ା୭: ମୟୂରଭଞ୍ଜ ଜିଲା ବାରିପଦା ଟାଉନ ଥାନା ପୋଲିସ ବଳାତ୍କାର ଓ ପ୍ରତାରଣା ଅଭିଯୋଗରେ ଜଣେ କନଷ୍ଟେବଳକୁ ଗିରଫ କରି କୋର୍ଟ ଚାଲାଣ କରିଛି।...

ପାଣିରେ ଭାସୁଛି ପାଚିଲା ଧାନ

ରୂପ୍‌ସା,୯।୧୧(ଡି.ଏନ.ଏ.)-ସାମୁଦ୍ରିକ ବାତ୍ୟା ‘ବୁଲ୍‌ବୁଲ୍‌’ ପ୍ରଭାବରେ ବାଲେଶ୍ୱର ଜିଲା ୨ଦିନ ଧରି ଲାଗି ରହିଛି ଲଘୁଚାପଜନିତ ଲଗାଣବର୍ଷା। ଚାଷଜମି ସବୁ ଜଳମଗ୍ନ ହୋଇ ଚାଷୀଙ୍କ ମେରୁଦଣ୍ଡକୁ ଭାଙ୍ଗିଦେଇଛି।...

୨୦ରୁ ହେବ ଧାନ କିଣା

ପଦ୍ମପୁର, ୧୧।୧୨(ଡି.ଏନ.ଏ.)-ବାସୁଦେବପୁର ବ୍ଲକ ରାଜଘରପୋଖରୀ ବହୁମୁଖୀ ବାତ୍ୟା ଆଶ୍ରୟସ୍ଥଳଠାରେ ବାଲିମେଦ ସେବା ସମବାୟ ସମିତିର ୬୨ତମ ସାଧାରଣ ବାର୍ଷିକ ବୈଠକ ଅନୁଷ୍ଠିତ ହୋଇଯାଇଛି। ଭଦ୍ରକ ଏଆର୍‌ସିଏସ୍‌...

୩୦ମାର୍ଚ୍ଚ ସୁଦ୍ଧା ୧୨୦୦ ଆବାସ ଶେଷ କରିବାକୁ ନିର୍ଦ୍ଦେଶ

ରସୁଲପୁର,୧୯।୧(ଡି.ଏନ୍‌.ଏ.): ରସୁଲପୁର ବ୍ଲକ ସମ୍ମିଳନୀ କକ୍ଷରେ ଶନିବାର ଜିଲା ପ୍ରକଳ୍ପ ନିର୍ଦ୍ଦେଶକ ଇନ୍ଦ୍ରମଣୀ ନାୟକ ବିଭିନ୍ନ ପଞ୍ଚାୟତର ଉନ୍ନୟନମୂଳକ କାର୍ଯ୍ୟକୁ ସମୀକ୍ଷା କରିଛନ୍ତି। ଅପରାହ୍ନ ୧ଟା୨୦...

ଅମିତ ଶାହଙ୍କ ସହ କଥା ହେଲେ ଗଜପତି ମହାରାଜା

ପୁରୀ ଅଫିସ୍‌,୨୨।୧: ପୁରୀ ରଥଯାତ୍ରା ହେବ କି ନାହିଁ ସେନେଇ ସୁପ୍ରିମକୋଟ୍‌ଙ୍କ ରାୟ ଆଜି ଆସିବ। ରାୟ ଆସିବା ପୂର୍ବରୁ କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ...

ଗାଁ ପ୍ରବେଶ ପଥ ବନ୍ଦ କଲେ ଲୋକେ

ଭଞ୍ଜନଗର,୨୬।୩(ଡି.ଏନ.ଏ)-କରୋନା ଭୂତାଣୁ ସଂକ୍ରମଣ ପ୍ରତିହତ କରିବା ଲାଗି ଗୁରୁବାର ଭଞ୍ଜନଗର ଉପଖଣ୍ଡ ପ୍ରଶାସନ ଓ କେତେକ ଗ୍ରାମବାସୀ ଆଲୋଚନା କରି ଗାଁ ପ୍ରବେଶ ପଥକୁ ସିଲ୍‌...

ମା’ ତାରା ତାରିଣୀଙ୍କ ଦର୍ଶନ କଲେ ମୁଖ୍ୟମନ୍ତ୍ରୀ , ୪୩ କୋଟି ଉନ୍ନୟନ ମୂଳକ କାର୍ଯ୍ୟର ଶିଳାନ୍ୟାସ

ପୁରୁଷୋତ୍ତମ ପୁର, ୧୮/୫(ଡିଏନ୍ଏ) ଗଞ୍ଜାମ ଜିଲ୍ଲା ତଥା ଦକ୍ଷିଣ ଓଡିଶାର ପ୍ରସିଦ୍ଧ ଇଷ୍ଟ ଦେବୀ ମା’ ତାରା ତାରିଣୀଙ୍କ ନୂତନ ମନ୍ଦିର ପ୍ରତିଷ୍ଠା ତଥା ଜୀର୍ଣ୍ଣୋଦ୍ଧାର...

Advertisement
Archives

Model This Week