ନୂଆଦିଲ୍ଲୀ: ବୟସ ମାତ୍ର ୭ ବର୍ଷ। ହେଲେ କାରନାମା କୌଣସି ବଡ଼ ତାରକାଠାରୁ କମ୍ ନୁହେଁ। ଆମେ କଥା ହେଉଛୁ କାନାଡ଼ାର ରୋରି ଭାନ ଉଲଫତଙ୍କ କଥା। ଏତେ କମ୍ ବୟସରେ ସେ ୭୦ କେଜି ଭାରୋତ୍ତୋଳନ କରୁଛନ୍ତି। କଥାଟି ବିଶ୍ୱାସ ହେଉ ନ ଥିଲେ ହେଁ ସତ। ଗତ ସପ୍ତାହରେ ସେ ୩୦ କିଗ୍ରା ଓଜନ ବର୍ଗରେ ଯୁବ ଜାତୀୟ ଚାମ୍ପିଅନ୍ ପାଇଁ ଅଣ୍ଡର-୧୧ ଏବଂ ଅଣ୍ଡର-୧୩ ଯୁବ ଜାତୀୟ ଚାମ୍ପିୟନ ପାଇଁ ଟାଇଟଲ ହାସଲ କରି ସମସ୍ତଙ୍କୁ ଚମକାଇ ଦେଇଛନ୍ତି।
ସାଧାରଣତଃ ୭୦ କିଗ୍ରାରୁ ଅଧିକ ଓଜନର ଭାରୋତ୍ତଳନ ପ୍ରଶଂସନୀୟ ବୋଲି ବିବେଚନା କରାଯାଏ। କାରଣ ଏଭଳି ବଡ଼ ଏବଂ ବୃତ୍ତିଗତ ଭାରୋତ୍ତୋଳନକାରୀ ହିଁ କରିପାରନ୍ତି। ଏହାଛଡ଼ା ଓଜନ ଉଠାଇବା ପାଇଁ ନିଜ ଭିତରେ ଅନେକ ଶକ୍ତି ବିକଶିତ ହେବା ସହ ଅଭ୍ୟାସ କରିବାକୁ ପଡ଼ିଥାଏ। ହେଲେ ରୋରି ଏଭଳି କରି ଦେଖାଇଛନ୍ତି।
ରୋରିଙ୍କ ଉଚ୍ଚତା ଏବେ ୪ ଫୁଟ। ସପ୍ତାହରେ ୯ ଘଣ୍ଟାରୁ ଅଧିକ ସମୟ ଟ୍ରେନିଂ ନିଅନ୍ତି। ପିଲାଟିବେଳୁ ସେ ନିଜକୁ ଜଣେ ଜିମ୍ନାଷ୍ଟ ହେବାକୁ ଚାହୁଁଥିଲେ। ୫ ବର୍ଷ ପରେ ସେ ନିଜର ପ୍ରଶିକ୍ଷଣ ଆରମ୍ଭ କରିଥିଲେ। ଏହାର ଦୁଇ ବର୍ଷ ପରେ ସେ ତାହା କରିଦେଖାଇଛନ୍ତି। ତାଙ୍କ ପ୍ରତିଭା ଅଦ୍ଭୁତ ବୋଲି କେହି କେହି ମତ ରଖୁଛନ୍ତି। ଏହି ଲିଟିଲ ରୋରିଙ୍କ ଏକାଧିକ ଭିଡିଓ ଏବେ ଭାଇରାଲ ହେଉଛି।
