ଲଣ୍ଡନ, ୮।୮ : ଦେଶରେ ନିଶା କାରବାର ରୋକିବା ଲାଗି ଲଣ୍ଡନ ପୋଲିସ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଗତ ୨ ବର୍ଷରେ ୬୦୦ରୁ ଅଧିକ ପିଲାଙ୍କ ପୋଷାକ କାଢ଼ି ଯାଞ୍ଚ୍ କରିଛି। ବିଭିନ୍ନ ସାମାଜିକ ସଂଗଠନ ପୋଲିସର ଏଭଳି କାର୍ଯ୍ୟକୁ ବିରୋଧ କରିଛନ୍ତି। ଯାଞ୍ଚ୍ କରାଯାଇଥିବା ପିଲାଙ୍କ ମଧ୍ୟରୁ ଅଧିକାଂଶ କୃଷ୍ଣାଙ୍ଗ ଥିଲେ ବୋଲି କୁହାଯାଉଛି। ଇଂଲଣ୍ଡର ଶିଶୁ କମିଶନର ରାହେଲ ଡି ସୁଜା କହିଛନ୍ତି ଯେ ମହାନଗର ନିଗମ ପୋଲିସରୁ ମିଳିଥିବା ଆକଳନ ତାଙ୍କୁ ସ୍ତବ୍ଧ କରିଛି। ମାର୍ଚ୍ଚରେ ବ୍ରିଟେନର ସର୍ବବୃହତ ପୋଲିସ ଫୋର୍ସ ପିଲାମାନଙ୍କ ସହ ଜଡିତ ମାମଲା ପରିଚାଳନା ପାଇଁ କ୍ଷମା ମାଗିବାକୁ ବାଧ୍ୟ ହୋଇଥିଲେ। ଅନିୟମିତତା ଅଭିଯୋଗ ପରେ ଚାରି ଜଣ ପୋଲିସ କର୍ମଚାରୀଙ୍କ ବିରୋଧରେ ତଦନ୍ତ ଆରମ୍ଭ ହୋଇଥିଲା।
ଏକ ଖବର ଅନୁଯାୟୀ, ଯେତେବେଳେ ଇଂଲଣ୍ଡର ଶିଶୁ କମିଶନର ରାହେଲ ଲଣ୍ଡନ ପୋଲିସକୁ ଏହା ସହ ଜଡିତ ତଥ୍ୟ ପ୍ରଦାନ କରିବାକୁ ଅନୁରୋଧ କରିଥିଲେ ସେତେବେଳେ ଏହି ଆକଳନ ସାମ୍ନାକୁ ଆସିଥିଲା। ଗୋଟିଏ ଘଟଣାରେ, ଜଣେ ୧୫ ବର୍ଷ ବୟସ୍କା କୃଷ୍ଣାଙ୍ଗ ଛାତ୍ରୀଙ୍କର ଯାଞ୍ଚ୍ ୨୦୨୦ ରେ ମହିଳା ଅଧିକାରୀମାନେ କରିଥିଲେ। ସେତେବେଳେ ଛାତ୍ରୀ ଜଣଙ୍କର ଋତୁସ୍ରାବ ହୋଇଥିଲା। ସେ ମନା କରିବ ସତ୍ତ୍ୱେ ଜେର ଜବରଦସ୍ତ ତାଙ୍କ ରପୋଷାକ କଢ଼ା ଯାଇଥିଲା। ନାବାଳିକା ଜଣକ ଗଞ୍ଜେଇ ନେଇଥିବାର ପୋଲିସ ସନ୍ଦେହ କରିଥିଲା। କୌଣସି ଉପଯୁକ୍ତ ବୟସ୍କଙ୍କ ଉପସ୍ଥିତି ବିନା ପୋଲିସ ତାଙ୍କର ତଲାସୀ ନେଇଥିଲା।
ରାହେଲ କହିଛନ୍ତି ଯେ ୨୩ ପ୍ରତିଶତ ସଲାମୀରେ କୌଣସି ବୟସ୍କ ବ୍ୟକ୍ତି ଉପସ୍ଥିତ ନ ଥିଲେ। ୨୦୧୮ରୁ ୨୦୨୦ ମଧ୍ୟରେ ପୋଲିସ କର୍ମଚାରୀମାନେ ୧୦ରୁ ୧୭ ବର୍ଷ ବୟସ୍କ ମୋଟ ୬୫୦ ପିଲାଙ୍କର ଷ୍ଟ୍ରିପ-ସର୍ଚ୍ଚ କରିଥିଲେ। ଏଥିମଧ୍ୟରୁ ୯୫ ପ୍ରତିଶତରୁ ଅଧିକ ବାଳକ ଏବଂ ୫୮ ପ୍ରତିଶତ କୃଷ୍ଣାଙ୍ଗ ଥିଲେ। ସେ କହିଛନ୍ତି ଯେ ଏହି ସଂଖ୍ୟା ବର୍ଷକୁ ବର୍ଷ ଦ୍ରୁତ ଗତିରେ ବୃଦ୍ଧି ପାଇବାରେ ଲାଗିଛି। ସେ କହିଛନ୍ତି ଯେ ପ୍ରତିବର୍ଷ ବହୁ ସଂଖ୍ୟକ ପିଲା ଏଭଳି ଅସଦାଚରଣର ଶିକାର ହେଉଛନ୍ତି।
ଲଣ୍ଡନ ପୋଲିସ ସ୍ବୀକାର କରିଛି ଯେ କିଛି ପିଲା ନିଜେ ଗ୍ୟାଙ୍ଗଷ୍ଟର ତଥା ଡ୍ରଗ ଅପରାଧୀଙ୍କ ଦ୍ୱାରା ଶୋଷଣର ଶିକାର ହେଉଛନ୍ତି। ଲଣ୍ଡନ ମେୟର ସାଦିକ ଖାନ ମଧ୍ୟ ପିଲାମାନଙ୍କ ସହିତ ଏଭଳି ବ୍ୟବହାର ପାଇଁ ପୋଲିସକୁ ସମାଲୋଚନା କରିଥିଲେ। ଖାନଙ୍କ ମୁଖପାତ୍ର କହିଛନ୍ତି ଯେ ବୟସ୍କଙ୍କ ଉପସ୍ଥିତି ବିନା ପିଲାମାନଙ୍କୁ ଏହି ଉପାୟରେ ତଲାସୀ କରାଯିବା ଚିନ୍ତାଜନକ ।
