ଭୁବନେଶ୍ୱର,୩।୨:ରାଜ୍ୟର ପ୍ରମୁଖ ଘରୋଇ ଶିକ୍ଷାନୁଷ୍ଠାନ ତଥା ଅକ୍ସଫୋର୍ଡ ଗ୍ରୁପ୍ର ଅଗ୍ରଣୀ ଅନୁଷ୍ଠାନ ଅକ୍ସଫୋର୍ଡ ଇଞ୍ଜିନିୟରିଂ କଲେଜ ଆଣ୍ଡ ମ୍ୟାନେଜମେଣ୍ଟର ଶେଷ ବର୍ଷର ଛାତ୍ରୀଛାତ୍ରଙ୍କ ପାଇଁ କ୍ୟାମ୍ପସ ଚୟନର ଆୟୋଜନ କରାଯାଇଥିଲା। ଏପରିକି ଭୁବନେଶ୍ୱର ନିକଟସ୍ଥ ବାଲିଅନ୍ତା ବ୍ଲକଠାରେ ଅବସ୍ଥିତ ଅକ୍ସଫୋର୍ଡ ଇଞ୍ଜିନିୟରିଂ କଲେଜ ଆଣ୍ଡ ମ୍ୟାନେଜମେଣ୍ଟ ପରିସରରେ ରାମଟେକ୍ ସଫ୍ଟୱେର ସଲ୍ୟୁସନ ପ୍ରା.ଲିଃ. କମ୍ପାନୀ ପକ୍ଷରୁ ନିକଟରେ ଏକ ମେଗା କ୍ୟାମ୍ପସ୍ ଚୟନ କରାଯାଇଥିଲା। ଉକ୍ତ ଚୟନ ପ୍ରକ୍ରିୟାରେ କଲେଜର ୬୦% ଛାତ୍ରୀଛାତ୍ର ସଫଳାତର ସହ କୃତକାର୍ଯ୍ୟ ହୋଇଥିଲେ। ଏହି ପରିପ୍ରେକ୍ଷୀରେ କୃତୀ ଛାତ୍ରୀଛାତ୍ରମାନଙ୍କୁ କମ୍ପାନୀ ପକ୍ଷରୁ ନିଯୁକ୍ତିପତ୍ର ଆଦି ଦିଆଯାଇଥିଲା। ଏହି ଅବସରରେ କମ୍ପାନୀର ପ୍ରଶାସନିକ ପରିଚାଳକ ସନ୍ଦୀପ କୁମାର ଜେନା ସମ୍ମାନିତ ଅତିଥି ଭାବେ ଯୋଗଦେବା ସହ କ୍ୟାମ୍ପସ ଚୟନ କାର୍ଯ୍ୟକ୍ରମ ପରିଚାଳନା କରିଥିଲେ। ସେହିଭଳି କଲେଜର ଚେୟାରମ୍ୟାନ୍ ଡ. ଅନୁମାଧବ ପଣ୍ଡା କ୍ୟାମ୍ପସ ଚୟନରେ ମନୋନୀତ ହୋଇଥିବା କୃତୀ ଛାତ୍ରୀଛାତ୍ରଙ୍କୁ ଅଭିନନ୍ଦନ ଜଣାଇବା ସହ ସେମାନଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିଥିଲେ। ଏପରିକି ଆଗକୁ ଅନେକ କମ୍ପାନୀ କ୍ୟାମ୍ପସ୍ ଚୟନ ପାଇଁ କଲେଜ ଆସିବେ ବୋଲି ପଣ୍ଡା ସମସ୍ତଙ୍କୁ ପ୍ରତିଶ୍ରୁତି ଦେଇଥିଲେ। ଉକ୍ତ ଚୟନ ପ୍ରକ୍ରିୟାରେ କଲେଜର ପ୍ରିନ୍ସିପାଲ, ଟ୍ରେନିଂ ଆଣ୍ଡ୍ ପ୍ଲେସ୍ମେଣ୍ଟ ଅଫିସରଙ୍କ ସମେତ ଅନ୍ୟମାନେ ମଧ୍ୟ ସାମିଲଥିଲେ।
